مين اللى يبدا الولد ولا البنت

القصة واقعية جدا شاب احب بنت جدا جدا ولكن كانت الظروف لا تسمح له برؤيتها دائما شعر منها بعض الاهتمام

كان يريد التاكد من مشاعرها قبل المصارحة

وقد انتحل شخصية اخرى واجرى معها شات فى النت

لكى يكشفها

مار ايكم جميعا ودعنا ندرس الشات معنا هل البنت فعلا تحب الشاب؟
ام لا

هو:هاى فلانة
هى:هاى
هى:معلش يا فلان انا مش فاضيه دلوقت
هو:انا عايز اسلم عليك بس لانى مش بخوش النت كتير وانا بكلمك من بره البيت من سيبر
هى: اوكى يا قمر
هو: شكرا لكلامك انتى مشغولة فى ايه دلوقتى
هى:المفروض انى بفطر
هو:ايه اخبارك الروحية والدراسية والعاطفية ؟
هى:انا الحمدلله كويسه
هو:ايه اخر اخبارك العاطفية؟
هو:روحتى فين؟
هى:الحمدلله
هو:كويس هل فى حد انتى معجبة به؟
هى:لا
هو:امال ايه الحمد الله
هى: عادى يعنى
هو:طب هل فى حد معجب بك؟
هى:معرفش اكيد ايه
هو:اقصد انه حد مهتم بك يتصل بك على طول
هى: أه
هو:انا ممكن افيدك بخبرتى
هى:اتفضل
هو:انتى ايه شعورك بالنسبة له لو حساسة انه كويس حاولى لمحى له بانك معجبة لو انتى معجبة انتى ايه شعورك بالنسبة له
هى:ايوه انا عادى مش حاسه حاجه
هو:طب لو جاء لو صارح بمشاعره ليك هتعملى ايه
هى: مش عارفه قولى انت هعمل ايه
هو: انتى موافقة عليه ولا ايه رايك؟
هى : مش عارفة
هو:اانتى شايفة انه شاب كويس يستاهل
هو:انا بجد مش حاسه حاجه من نحيته بس هو شاب كويس
هو:طب هو بيحبك ولا بيلعب بمشاعرك
هى: معرفش
هو: هل الشاب ده بيدرس ولا خريج؟
هى:غالبا مش بيدرس
هو: بس اقولك اى شاب يبقى محتار جدا من ناحية البنت وعايز يعرف رأسه من رجله
هى: طيب هو مقلش حاجة لى
هو: ما الفرق بينكم فى السنوات؟
Iهى : 4 سنوات
هو: يمكن خايف من الصدمة
هى: طب وانا اعمل ايه
هو:يعنى لو اتكلم هتعملى ايه معه؟؟
هى:مش عارفه قولى انت اعمل ايه
هو: هل الشاب حساسة انه بيقلق عليك او بيخاف عليك
هى: يعنى تعاملنا مش كتير
هو:تجى نتخيل لو هو جاء وقالك وصارح بمشاعره ليك لو موافقة ردى عليه خلال ايام
هى: لو انا مش موافقة
هو : وضحى انكم أصدقاء بس لا تغيرى معاملتك معه
هى : طيب
هو: هل انتى موافقة عليه فولى مثلا كلمك دلوقتى وصارح بمشاعره اليك هل انتى هتوافقى؟؟؟
هى:لا
هو: لو شايفة انه كويس اعطى فرصة للتفكير ايه رايك ؟
طيب و اديله ليه امل و انا مش متاكده من مشاعرى :هى
هو:يعنى مش هتفكرى فيه فى المستقبل
هى:لسه فى المستقبل و أنا لسة صغيرة عندى 18 سنة
هو: ممكن يحصل ان الواحد يرفض بس فى المستقبل يوافق حصلت كتير مع زميلاتى فى الجامعة
هى: مش عارفة بجد كل ده وانا اصلا معرفش بيحبنى ولا لا
هو:لو طلع بيحبك ايه تصرفك؟؟؟
هى:لما بقى
هو:هقولك على شوية حاجات الولد يعملها علشان يثبت حبه اولا يهتم بها جدا من جميع النواحى ويسال عليها دائما
هى : وايه كمان
هو:فى لغة الرنات ممكن يرن عليك كتير ممكن كمان فى الكول تون يحط اغانى رومانسية
ممكن اسال سؤال هو::
كيف البنت تثبت للولد انها بتحبه
هى:بص بقى اول حاجه زى مانت قولت و تكلمه وتسال عليه و تكلمه وتسال عليه وتفتكر كل المناسبات اللى بينهم وتسمع كلامه وتحسسه برجولته
هو طب عايز افرض مثلا انها لا تحب الشاب هل تصل به ؟
هى:لا تتصل بس مش كل يوم
هو:يعنى البنت اللى بتحب الولد لازم تتصل به كل يوم معقول الكلام ده
هى :اه وكل ساعه كمان
هو:هل هى معها مصروفات الاتصالات
هى: لو هى بتحبه مش هتفكر فى المصروفات ؟
هو : بس شكلك كدة رومانسية بس انا صعبان على مشاعر الولد اللى مهتم بيك
هى: ليه
هو:كدة ممكن يجى له صدمة عصبية اصل المشاعر حاجة غالية جدا
هى:طب اعمل ايه
هو:طب يمكن تكونى انتى عملتى تصروفات خلته يقول انك بتحبه فكرى فى تصروفاتك
هى:ممكن بس اكيد مش قصدى انا بحب كل الناس و مش بحب اكسف حد واى حد بيتكلم معايا برد عليه و احكى معاه بس ده من طبعى
هو: بس فى ناس تفهم حاجة تانية
هو : انا بحب بنت كنت بعمل معها حاجة كويسة كنت بخد رفم جلوسها وهى تخد رقم جلوسى ونحطه فى القداس
هى:الشاب بيعمل معايا كده
هو: يبقى بيحبك اصل مش معقول يخد ارقام كل البنات اللى يعرفوهم ويحطهم على المزبح
هى:معرفش
هو:انصحك حاولى اتعرفى عليه اكتر يمكن يكون كويس هو معاك فى الكنيسة
هى : لا
هو:انتى عايزة تتعرفى عليه اكتر
هى:عادى
هو:بس من كلامك غالبا هو بيحبك
هى: ممكن
هو:طب هل كان بيتصل بك كل امتحان
هى: اه
هو:لا كدة بيحبك لانه بيعمل حاجات عمر الاخوات هيعملها مع بعض
هى:بس هو مقلش اى حاجه
هو:انا من خبرتى هو خايف من عدم موافتك او يمكن يكون حساس انه مش جاهز للكلام دلوقتى او منتظر منك اى علامة حب او اعجاب منك
لان فى شباب ينتظر اى علامة تثبت الحب لو مفضلة انك تكملى فى الموضوع
بين له انه اهم انسان عندك فى حياتك
وضحى له انه اهم انسان
واعملى كل اللى يفرحه
هى:لا انا مش هعمل كده
هو:براحتك
هى:هو لو بيحبنى يجى يقولى و بعدها اشوف انا هعمل ايه

مار ايكم جوابوا يلا و اولولى أرأكم ..........

الموضوع يحدث يومييا

فى كل بلد
فى كل شارع
فى كل كنيسة
فى كل بيت

يجب ان نعرف الحقيقة

البنت تسعد دائما بالاهتمام والحب يعنى لو قعد يحاول يتصرف تصرفات يشعرها بحبة سوف تتعلق بية لو فى صفات هيا تتمناها لقيتها فية
هيا الان لا تحبة ولكن بدات تنشغل بية فى حالة واحدة فقط تجعل البنت تتكلم معاة لو حسيت ان تلمحاتة زادت جدا فلابد من ان تفهم قصدة جيدا لان المشاعر غالية جدا سوف لا تترك الوقت يعلقها بية دون امل
وكمان دة ميقللش منها ابدا بالعكس لان اية معنى السكوت على التلميحات دون رد فعل جاد منها؟؟؟؟؟؟؟

انا من رايي مفيش احسن من الجد
افرض بعد ملمحلها واتعلقت بيه رجع في كلامو تانى يبقي ايه الوضع
وبعدين الولد ديما يحب الحاجه البعيده الصعبه يعنى يمكن لو ادتلو وش وكلمتو حلو يبعد هو لانه زى مقلت بيدور على الصعب التقيل
يبقي الاحسن التجاهل من البنت لحد مالولد يتكلم جد

أحب أشارك فى الموضوع بعد إذنكم.....
أولاً الموضوع رائع وقريب جداً من الواقع بل واقعى جداً من خلال معاملاتى وخبرتى المتواضعة
ثانياً أحب بقى أشارك:
أنا لست ضد الرومانسية بل اننى أحب الرومانسية جداً جداً وبفرح أما الاقى 2 مخطوبين عايشين فى رومانسية وأكتر لو كانوا متزوجين
بس الحقيقة أحب أوضح إن الرومانسية والمشاعر النابعة من القلب لازم تمر على العقل الأول عشان يحللها لأن أهم ما فى الموضوع وخاصة الشات ان يكون أساس المعرفة قبل الشات مش بعد الشات بمعنى أنه هناك بعض الأشخاص ومنهم ناس من أصحابى وزمايلى فعلاً اتعرفوا على بنات من الشات ومنهم ناس كبار وحسوا انهم لقوا الحب واندفعوا واعترفوا بحبهم والبنات اللى معاهم وافقوا والموضوع ماشى حلو ومية مية وفجأة بلاقى دايماً الموضوع بيبوظ لأسباب مختلفة وكلها بتنصب فى عدم الاحترام الكافى وعدم الثقة... فالبنت أو الولد لازم يفهم إنه مش هاينفع يكون الحب حب بناء من الشات أو حتى حقيقى إلا إذا كانت هناك معرفة مسبقة بالآخر بعيداً عن الشات والشات ده مجرد تابع والبابا شنودة وكثير من الأباء أكدوا على النقطة دى

فى حالة معرفة الولد والبنت بعضهما قبل الشات وكان الشات ده تابع للمعرفة ومكمل وشعروا بوجود علاقة حب بينهما... عليهما وخاصة البنت أن تتأكد إن الود مش أنانى ومكون نفسه ومستعد بحيث إنه ميعلقش عواطفها على الفاضى... فيكون مكون نفسه ومستقر مع نفسه وإلا هايتعبها والمفروض إن الولد لو لقى انه مش مستعد يسيب مشاعر البنت حرة لأنه مايضمنش حتى عمره فإذا كون نفسه والبنت كانت لسة ما ارتبطتش بحد وأراد الله أن يكونا لبعضهما فسيكون ويكون كمان هو إدالها فرصة تعيش مرحلة من حياتها طبيعى جداً

ولو كان الشخص مكون نفسه كويس ومستقر أكيد هيقرب من البنت بثقة ويلمح ويكلمها، وهى كمان تفكيرها فى الحالة دى هيكون مستقر فلو كان كويس وربنا موفق قلوبهم أكيد هتكون بينهم علاقة حب بس هتكون علاقة قوية جداً جداً لأنه هيكون مستقر وهى هتكون مطمنه

ونصيحة لكل بنت خاصة فى المجتمع الشرقى لأن أنا ولد وبشوف جميع الأراء بنفسى فى الاجتماعات الكنيسية خاصة اجتماعات البنين وكمان خارج الكنيسة فى تجمعات الشباب: الولد لازم هو اللى يبدأ ورد الفعل من البنت لازم يكون رزين حتى لو بالموافقة وطالما لم تحدث خطوبة أو انه اتقدم بطريقة رسمية على الأقل لا تظهر مشاعرها وتتماسك لأن جميع زملائى وجميع البنين اللى قابلتهم فى الاجتماعات أكبر منى كانوا أو أصغر أجمعوا انهم لو بينوا لبنت مشاعر حب وكان رد فعلها إنها تبادله نفس المشاعر إنه هيحبها جداً جداً بس هيجى لحد الجواز وهيفكر كتييير والغالبية العظمى حتى الخدام قالوا انهم هايرفضوا حتى إن أحدهم قال انه كان بيحب واحدة ورفضها بسبب كدة

فالخلاصة إن الولد لازم هو اللى يبدأ والبنت رد فعلها يكون رزين جداً جداً وماتكبش مشاعرها قدامه.... بجد هايكون فى المقابل لو كان فعلاً بيحبها كل إحترام مدى أيامه وهى مش هاتخسر حاجة بل بالعكس هتكون هى الكسبانة

بأمانة الكلام ده من واقع الحياة وأنا فعلاً شوفت بنفسى زمايلى وأصحابى سواء أكبر منى أو أصغر
وربنا يرشد الجميع

ميرسى اوى على المرور وعلى الاراءاللى فعلا بجد مفيده لكل بنت ولازم البنات تنتبه لذلك
شكرا لكم..

انا فى الحقيقة مش مذاكر الحاجات دة كويس

او لما باجى نحيتها بتعب بحس انها اسلاك شائكة لو الواحد مخدهاش مظبوط هينجرح او هيجرح حد
واقتبس من MEKY 1989

اقتباس :: أنا لست ضد الرومانسية بل اننى أحب الرومانسية جداً جداً وبفرح أما الاقى 2 مخطوبين عايشين فى رومانسية وأكتر لو كانوا متزوجين

وضيف بفرح جداً جداً واتمنى انى اجد الانسانة التى تملاء قلبى بالفرح وانا ايضاً امللاء قلبها بالفرح
ولكن من وجهة نظرى
يجب انت تكون العلاقة جادة جداً من كلا اطرفين
اولا الولد يجب ان يكون جاهز بمعنى مؤهلاً نفسياً وعقلياً ومادياً للزواج ولا تكون العلاقة بنتسلى
ثانياً بالنسبة للبنت نفس الشىء يجب ان تكون مؤهلة نفسياً وفكرياً وعقلياً
وان كلا الطرفان يبداءوا بالتقبل المبدى من خلال الاقارب الاصدقاء وبعد ذلك يعلن كل واحد منهم مشاعرة للاخر
وعلى ما اعتقد هذة هى الجدية التى تتكلم عنها
NOJA_THA

اقتباس :: انا من رايي مفيش احسن من الجد

اما بالنسبة للشات

فلا يمكن ان يتم الحب من خلال الشات لانى لا ارى من اكلمة ولا اعرف طباعة او صفاتة او شكلة حتى غير ان الشات يعطى لكل من الطرفين جراءة للتكلم لا يمكن ان نجدها فى الحقيقة
وكما يقول MEKY1986
يجب ان تكون الشات بعد التعرف على بعض والتكلم مع بعض
واقولها ثانياً المشاعر اسلاك شائكة لو الواحد مخدهاش مظبوط هينجرح او هيجرح حد
وربنا يستر علينا ونصلى لان الله يعلم ما فى القلوب (سواء من جهتى او من جهة الاخر) ويختار لنا ما هو اصلح
هكذا نؤمن

شكرا اوى ليك وحلوه اوى جملتك(المشاعر اسلاك شائكة لو الواحد مخدهاش مظبوط هينجرح او هيجرح حد )