ارسم الاول ارض الملعب شكل المستطيل وفى النص خط الوسط وفى كل نهاية ملعب
اعمل شبكة الجون وحط برة الملعب كراسى الاحتياطى والناحية التانية
المشجعين ودول هيبقوا برة الملعب وخارج الملعب ارسم حجرة خلع الملابس
ويالا بينا هندخل نلعب الماتش المهم انت كدة رسمت الملعب ولا لا؟
يالا دلوقتى مذيعنا مباشر هينزل ارض الملعب وهيعمل الحوار تعالوا معنا بث مباشر
مباشر : احنا دلوقتى فى نص الملعب شايفين كابتن هداف معاة الكورة هنوقفة ونقولة كابتن هداف انت دورك اية هنا فى الماتش .
هداف: انا دورى بيبدا من اول الماتش لنهايتة ولازم اجيب اجوان فى الشبكة علطول عن اذنك كدة وشوت شوت و .........
مباشر : وجووووووووووووووووون
مباشر هنروح عند كابتن احتياطى وهنشوفة بيعمل اية ؟
مباشر : اهلا كابتن ياترى حضرتك ياكابتن دورك فى الماتش اية ؟
احتياطى : انا هنا بسخن لحد مايجيلى الفرصة وانزل العب الماتش باذن ربنا عن اذنك كدة بسخن بس للماتش واحد اتنين هوب .
مباشر : اة طبعا الله معك سلام ودلوقتى هننتقل لكابتن خروج ونشوفة مالة .
اهلا بيك كابتن خروج انا شيفك مضايق وخارج من الماتش خير .
خروج
: ابدا قلت اروح اغير لبس الماتش مادام مابلعبش ومابعملش اى حاجة فى
الماتش يبقى خلاص بقى اخلع لبسى اعد براحتى انا عملت اللى عليا اعمل اية
تانى , سلام لو سمحت كفاية كدة انا مضايق .
مباشر : اوك كابتن خروج الله معك ونشوف دلوقتى بقى اهم ناس وهما امشجعين ونعرف دورهم اية هنا .
اهلا ياكباتن ياترى انتوا دوركم اية هنا فى الماتش .
تشجيع
: بسم الصليب اول شى احب اقولة اننا مالناش اى دور فى الماتش غير اننا
نشجع الاعيبة بس, بس عمرنا مالعبنا او لبسنا لبس الملعب حتى شوف كدة بص
شوف الكابتن بيعمل اية , العب ياكابتن , جو جو جو جوووووووووون . والله
وعملوها الكباتن ورفعوا راس مشجعنهم بالف خير .
مباشر والان سوف ننتقل الى الاستاد كونوا معنا .
مباشر اية رايكو فى الماتش طيب تعالوا معنا مع المحلل الكبير روحانيات كونوا معنا فاصل ونواصل .
روحانيات
: اهلا بيكو تعالوا معانا نشوف الماتش وازاى نحللة روحيا معاكو كلنا طبعا
شوفنا كابتن هداف انة حابب الاجوان دا احنا اللى متمسك بعلاقة ربنا جدا
ورافض انة يعيش حياتة من غير اانتصارات على الخطية ودايما محدد هدفة على
الارض بانة يوصل لربنا علطول .
مباشر : طيب كابتن احتياطى ؟
روحانيات
: اما كابتن احتياطى فدا زينا بردة بنبقى مستنيين فرصة من عند ربنا علشان
نروحلة ممكن تكون جت وماشفتهاش وممكن تكون ماجتش ولسة مستنيها بس انت مش
حابب تدور عليها ممكن تفضل طول عمرك احتياطى زى كابتن احتياطى .
مباشر : الله الله عليك ياروحانيات كلام بجد فى الصميم طيب كابتن خروج شفتة كان مضايق ازاى ؟
روحانيات
: كابتن خروج دا مشكلتة اكبر استسلم خلاص انة مش بيلعب استعجل على البعد
عن ربنا بدل مايحاول معاة بس هو قال انا عملت اللى عليا وكفاية كدة
المفروض احنا اللى نسعى على علاقتنا مع ربنا .
مباشر : واخير المشجعيين .
روحانيات
: اهم دولة بقى يامباشر الخراف الضيعة المحتاجة للراعى الامين يرجعهم تانى
لربنا لانهم صوت بس مش عمق بالروح ضيعيين حبيبن غيرهم يروحوا لربنا بس
عمرهم ماطلبوا يلمسوا علاقتهم بنفسهم .
مباشر : السوال دلوقتى لكل
المتفرجيين ياترة انت حابب نفسك تكون انهى واحد وفى انهى موقع للماتش
ياترى ( الهداف , ولا احتياطى , ولا خروج , ولا مشجع ) فى وسط المباراة
ولا على ددكة الاحتياط ولا فى غرفة خلع الملابس ولا المشجعين .
حدد هدفك واخيرا قرر كان معكم من استاد الفيس المذيع مباشر انتظرونا