الجدول الاسبوعى هحط الجدول الاول وبعدين هشرحه فتفوته فتفوته والله والله لو مشيتى عليه مش هتعرفى شعرك
الجدول الاسبوعى ده لانبات الشعر وتكثيفه يعنى الناس اللى شعرها تقيل مش هتحتاجه
السبت : ماسك1 +حمام كريم +امبولات
الحد : حمام زيت + شامبو طبى + امبولات
الاتنين :اجازه
التلات : ماسك2 +حمام كريم + امبولات
الاربع : حمام زيت + امبولات
الخميس والجمعه اجازة هيصو هيصوووو
متنسوش اننا شغالين فى الروتين اليومى عادى ليوسيون وفيتامينات وكدا
نبتدى نشرح الجدول بئة
الامبولات اليوم اللى هنحط فيه الامبول بعد الشاور منحطش الليوسيون بلليل ونصحى الصبح بدرى نحط ليوسيون النهار قبل الماسك بفترة كافيه
شرح سريع للامبولات هى عبارة عن غذاء مكثف للشعرة ولازم يكون على فروة نضيفه بعد الشاور على طول
هتكسرى الامبول وتدلكى بيها فروة راسك بس بالراحه وبلاش شغل الضوافر والحركات البشعه دى
انواع الامبولات احسن واحد امبولات
foltene وظيفتها تكثيف الشعر مده العلاج 3 شهور مشكلتها انها غاليه شويه هى عبارة عن ازايز هتقسمى الازازة على مرتين
امبولات ايفا بالصبار بتمنع تساقط الشعر لكن مش بتنبت شعر جديد
رخيصه ب12 او 13 جنيه هنكسر الانبوله وهتستعمليها كلها مش هنقسمها
بس خلى بالك بتنشف الشعر حطيها على الفروة بس وابعدى عن الشعر
امبولات ايفا بالبانثينول تمنع تساقط الشعر بس بتنشفه شويه نتيجتها هايله ورخيصه جدا ب 10 جنيه
وفيه انواع تانيه كتيييييييييييير جدا هاتى اللى يريحك او اللى الدكتور كاتبهولك
تانى حاجة هشرحها فى الجدول
حمام الكريم والشاور طبعا فيه بنات بتعكل مصايب فى الشاور اللى بتستخدم صابون واللى مش بتحط حمام كريم واللى بتحط بلسم وتسلك شعرها
بلاوى والله
ادوات الشاور هى شامبو وبلسم وحمام كريم التلاااااته
اولا الشامبو لازم يكون عندك نوعين
الشامبو الاول الشامبو الطبى
فوايده منع تساقط الشعر وتقويته
بتحطيه وتدلكى بيه فروة الراس وتسبيه 3 دقايق
يستخدم مرة واحده فى الاسبوع
جيبى شامبو foltene ب 50 جنيه تقريبا اوعى تستغليه ده بيعد كتييييييير جدا لانك بتستخدميه مرة واحده فى الاسبوع
الشامبو التانى حسب نوع شعرك
الشامبو العادى بتاعنا
وركزى بئة فى الطريقه مينفعش تحطيه على شعرك واديلووو
ممنوووووووووووووووع
لانه تقيل جدا على الشعر هنخففو بالمايه الاول
الشامبو الطبى مبيتخففش لانه علاج
لما الشامبو العادى يخلص لازم تغيريه بنوع تانى
ولزياده التغذيه ممكن تضيفى بيضه للشعر بس بتنشفه شويه
هتدلكى شعرك بالراحه بالشامبو
ممنوع ستخدام شامبو 2فى 1 مضر جدااااااااااااا
ثانيا البلسم ممنوووووووووووع يلمس فروة الراس
استنضفى نوع البلسم بلاش اللى من غير اسم ولا ماركه ده
سبيه الوقت اللى مكتوب عليه لا اكتر دقيقه ولا اقل دقيقه
انواع البلسم
لوريل وده احسنهم
زيرو فريز ( خلى بالك زيرو فريز ده مرة واحده فى الاسبوع )
وفيه انواع تانيه كتير بس تجيبى حسب نوع شعرك بردو دهنى ولا جاف
ثالثا حمام الكريم تحطيه على شعرك وممنوع تسلكى شعرك او تلمسيه
تحطيه وتلبسى بونيه الوقت المحدد لا اكتر ولا اقل
لو عايزة زياده تغذيه ممكن تضيفى مايونيز بنسبه معلقه مايونيز الى 3 ملاعق حمام كريم
بعد المده ما تخلص هتدلكى فروة الراس بالرحه وبعدين تغسليه بمايه ساقعه
افضل انواع حمامات الكريم بيوبوينت بالنخاع