++ Ana Mase7e forum++



اهلاً وسهلا بك عزيزي الزائر نورتنا في منتدي انا مسيحى نتمني ان تكون
سعيد وانت بداخل المنتدي
وقضاء وقت ممتع تفيد وتستفيد
معنا
، اذا كانت اول زيارة لك للمنتدي فا اضغط علي
تسجيل لتحصل علي عضوية جديده وتتمتع بكافة المزايا وتكون عضو في اسرة المنتدي
، واذا كنت عضو بالمنتدي فا اضغط علي دخول لتسجيل دخولك
بعضويتك بالمنتدي .



++ Ana Mase7e forum++

اسرة المنتدى ترحب بك يا زائر
 
الرئيسيةس .و .جالتسجيلالتسجيلدخول
الان بالمنتدى تستطيع مشاركة موضوعات المنتدى مع كافة اصدقائك على الفيس بوك او تويتر او غيرة من مواقع التواصل الاجتماعى من خلال ضغطك على اعلى كل موضوع بالمنتدى
نرحب جميعا بعضونا الجديد "Mina Tharwat Wanis" ونشكره على تسجيله معنا*نورت المنتدى بتواجدك معنا يا "زائر" *اخر زياره لك كانت *عدد مساهماتك فى المنتدى16777207

شاطر | 
 

 عطرى جسمك ..شعرك ..فمك..قدميكى..ملابسك وكونى واثقه فى نفسك :)

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
كاسكو
مسيحي نشيط
avatar

الجنس : انثى
عدد المساهمات : 119
العمر : 26
المزاج : مبسوطه
الكنيسة التابع لها : كنيسه مكسيموووووووس

مُساهمةموضوع: عطرى جسمك ..شعرك ..فمك..قدميكى..ملابسك وكونى واثقه فى نفسك :)   الجمعة 26 نوفمبر 2010, 6:10 am

اولا تعطير الفم



تعطير الفم من اهم البدايات فى التعطير معقول ننظف جسمنا ونعطره ومازال الفم غير نظيف!!!!
طبعا تغسلى اسنانك ثلاث مرات يوميا على الاقل وحقيقى متهمليش لان اول كلمه لاى حد تشوفيه لاول مره ويشم رائحه انفاسك سوف تبقى الانطباعه الاولى علشان كده خدى بالك من النقطه دى كويس جدا
طب نعمل ايه علشان يبقى ريحه نفسنا معطر دايما ؟؟

1- انتى عارفه ان اللسان هو اللى بيسبب رائحه الفم الكريهه



يوجد ملعقه للسان

تستخدم لإزالة البكتيريا من اللسان وبالتالي الرائحة الكريهة , ويمكن عوضا عنها استخدام فرشاة الأسنان لتنظيف اللسان و المضمضة بغسول الفم بنكهة النعناع مضغ الهيل(الحبهان) أو ورق نعناع طازج


ممكن تعملى غسول منزلى بنفسك من صنع ايديكى زجاجة ماء ورد+ ملعقة كبيرة من بكنج باودر + نصف ملعقة شاي قرفه

الطريقه :-
يسخن ماء الورد ثم يخلط به البكنج باودر والقرفة ويصفى ثم يستخدم كغسول

او طريقه اخرى

ملعقة كبيرة قرنفل + ملعقة كبيرةمستكة+ فنجان حبهان+ ملعقتان كبيرتان بشر ليمون + فنجان قرفة+ فنجانيني سكر بني



الطريقه
تطحن المقادير وتعجن مع بعض مع قليل من ماء الورد وتكور مثل الكور الصغيره وتوضع في مكان جاف لمدة يومين وبعدين تحتفظى بيها فى الثلاجه تبقى زى البونبون كده ثم توضع حبه منه فى الفم عند الحاجه


ثانى اهم حاجه تعطير الابط


اولا نبعد عن مستحضرات ازاله رائحه العرق وخصوصا الرخيص منها


تعرفوا ليه فيه مستحضرات غاليه ومستحضرات رخيصه لازم يكون فى فرق صح مش معقول فرق السعر

ده كده الفرق هو اهتمام الشركه المنتجه بازاله رائحه العرق وفى نفس الوقت ترطيب البشره وخروج

العرق بشكل طبيعى ولا تسبب اسوداد الابط لانها ليس داخلها كحول ولا مواد كيماويه

ياريت بقى يابنات

منستخسرش ويكون اساسى نجيب منتج نظيف علشان منرجعش نقول احنا فى سواد تحت الابط

واللى عنده بنات مراهقين من دلوقتى تعودهم على كده ويشيلوا مصروفهم ويشتروا المنتجات دى

طريقه عمل كريم للعرق فى البيت

علبة كريم جلسرين او دوف او اى كريم بشره خفيف + + قليل من ماء الورد+ ملعقة كبيرة نشاء+ ملعقة كبيرة مسك أبيض( بصوا المسك الابيض رائع جدا جدا مع العرق )

الطريــــــــقه
تخلط المكونات وتحصلي على كريم تضعيه على الإبطين بعدالإستحمام,, يعطيك بياض ورائحة جامده جدا


ثالثاً : تعطير الشعر

تعطر اطراف الشعر وليس الجذور
اختياراتك لتعطير شعرك هى

المسك الابيض المخصص للشعر

يوجد بخاخ بروائح الفاكهه متوفر فى محلات التجميل عندنا فى مصر

البخور الشرقى زى العود والمسك و العنبر بيخلوا ريحه الشعر تحفه وده بيستعمل بعد ماتطلعى من الحمام تبخرى نفسك من تحت لفوق

نيجى بقى لفكره تعطير الشعر بمكونات من عندك

نجيب السيرم بتاع الشعر ونحط منه فى راحه ايدينا ونجيب اى عطر احنا بنحبه بس يكون زيت مش عطر مخفف ونحطه على السيرم يعنى نقطتين من هنا ونقطتين من هنا حسب طول شعرك ووزعيه على شعرك وبكده شعرك ريحته تحفه لمده ايااااااااااااام

رابعا تعطير الجسم


استحمي بشاور جل من نفس نوع العطر اللى بتستعمليه

بعدالإستحمام ضعي كريم مرطب خفيف من نفس الرائحه
بعدها ضعي بودرةجسم او
ضعي على الجسم من بخاخ الورد
ممكن تعمليه فى البيت تجيبى زيت الورد وتحطى عليه ماء وتحطيه فى بخاخ واصبح عند برفان مميز لجسمك ضعي كريم معطر على يديك ورجليك عطري ملابسك بنفس الرائحة وياسلام لو تبخرى نفسك بالعود او العنبر

نصائح عندما تضعى العطور

كل حاجه زى ماليها مميزاتها ليها عيوبها



مثلا مش معنى ان المسك الابيض طبيعى اننا نحطه على الجلد مباشره اذا كان عطر لكن نحطه فى حال اذا كان حجر او مكعب

مترشيش برفان على رقبتك او على اى منطقه من جسمك انتى ترفعى ايديكى فوق مستوى جسمك وترشى على نفسك من فوق ومن بعيد تعرفى ان كده ريحتك تفضل اكتر بالطريقه دى وكمان ريحه البرفان متتغيرش ابدا

لو فى عطر انتى بتحبيه اوى تعرفى انك ممكن تحطى منه على الشامبو بتاعك وخصوصا لو كان من الشامبو خالى الرائحه

وكمان ممكن تحطى عطرك المفضل على الكريم الخالى من الرائحه المخصص لبشره الجسم

عايزاكى تتفننى وتخترعى وتشوفى ايه المناسب ليكى وتعمليه من غير ماتكلفى نفسك كتيير

حطى قطعه من المسك او العنبر فى دولابك وملابسك الداخليه هاتمسك فيها جدا وبكده عطرتى دولابك وكمان ملابسك
لا تضعي العطوربعد تناول الأطعمة الحارة مثل البصل والثوم والسمك والكاري . كل هذه الأطعمه تصل إلى البشره وتؤثر على رائحة العطر

ان العطر يحيطك برائحة تنعشك . فالعطريمدك بالبرودة ايام الصيف كذلك عندما تدلكين جسمك بعد الحمام بقطعة من القطن مغموسةبماء الكلونيا فهذا يعدل حرارة جسمك ويقيكِ من ضرر الانتقال من جو الحمام إلى الجوالخارجي البارد




لا تضعي العطوروانت في حاله نفسيه سيئه أو تعانين من ضغوط معينه وتوتر عصبي .في هذه الحالة تؤثرالعطور بشكل مباشر على الأعصاب ذات الصلة بحاسة الشم .



واخيرا تذكرى
بأن العطر لن يدوم للأبد ، لذااستمتعي به بينما يدوم

منقووووووول





الرجوع الى أعلى الصفحة اذهب الى الأسفل
يوكابا
مسيحي جديد
avatar

الجنس : انثى
عدد المساهمات : 3
العمر : 24
الكنيسة التابع لها : ام النور


مُساهمةموضوع: رد: عطرى جسمك ..شعرك ..فمك..قدميكى..ملابسك وكونى واثقه فى نفسك :)   الخميس 18 أغسطس 2011, 12:32 pm

ميرسي كتير شيق وجديد thanks
الرجوع الى أعلى الصفحة اذهب الى الأسفل
مروة
مسيحي جديد
avatar

الجنس : انثى
عدد المساهمات : 7
العمر : 23
الكنيسة التابع لها : لست مسيحيه للاسف

مُساهمةموضوع: رد: عطرى جسمك ..شعرك ..فمك..قدميكى..ملابسك وكونى واثقه فى نفسك :)   السبت 12 أغسطس 2017, 4:48 am

ميرسي لكم كتير كلامكم مفيد و طيب
الرجوع الى أعلى الصفحة اذهب الى الأسفل
 
عطرى جسمك ..شعرك ..فمك..قدميكى..ملابسك وكونى واثقه فى نفسك :)
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
++ Ana Mase7e forum++ :: منتدي الأسرة المسيحية :: جمالِك يهمنا-
انتقل الى: