++ Ana Mase7e forum++
الشعب… يريد… تغيير المسيح 467447 الشعب… يريد… تغيير المسيح 73011 الشعب… يريد… تغيير المسيح 467447
الشعب… يريد… تغيير المسيح 0002pmz

اهلاً وسهلا بك عزيزي الزائر نورتنا في منتدي انا مسيحى نتمني ان تكون
سعيد وانت بداخل المنتدي
وقضاء وقت ممتع تفيد وتستفيد
معنا
، اذا كانت اول زيارة لك للمنتدي فا اضغط علي
تسجيل لتحصل علي عضوية جديده وتتمتع بكافة المزايا وتكون عضو في اسرة المنتدي
، واذا كنت عضو بالمنتدي فا اضغط علي دخول لتسجيل دخولك
بعضويتك بالمنتدي .


الشعب… يريد… تغيير المسيح 68085
++ Ana Mase7e forum++
الشعب… يريد… تغيير المسيح 467447 الشعب… يريد… تغيير المسيح 73011 الشعب… يريد… تغيير المسيح 467447
الشعب… يريد… تغيير المسيح 0002pmz

اهلاً وسهلا بك عزيزي الزائر نورتنا في منتدي انا مسيحى نتمني ان تكون
سعيد وانت بداخل المنتدي
وقضاء وقت ممتع تفيد وتستفيد
معنا
، اذا كانت اول زيارة لك للمنتدي فا اضغط علي
تسجيل لتحصل علي عضوية جديده وتتمتع بكافة المزايا وتكون عضو في اسرة المنتدي
، واذا كنت عضو بالمنتدي فا اضغط علي دخول لتسجيل دخولك
بعضويتك بالمنتدي .


الشعب… يريد… تغيير المسيح 68085
++ Ana Mase7e forum++
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

++ Ana Mase7e forum++

اسرة المنتدى ترحب بك يا زائر
 
الرئيسيةأحدث الصورالتسجيلالتسجيلدخول
الان بالمنتدى تستطيع مشاركة موضوعات المنتدى مع كافة اصدقائك على الفيس بوك او تويتر او غيرة من مواقع التواصل الاجتماعى من خلال ضغطك على اعلى كل موضوع بالمنتدى
نرحب جميعا بعضونا الجديد "نغم0" ونشكره على تسجيله معنا*نورت المنتدى بتواجدك معنا يا "زائر" *اخر زياره لك كانت الخميس 01 يناير 1970 *عدد مساهماتك فى المنتدى16777207

 

 الشعب… يريد… تغيير المسيح

اذهب الى الأسفل 
5 مشترك
كاتب الموضوعرسالة
popshan
مسيحي جديد
avatar


الجنس : ذكر
عدد المساهمات : 25
العمر : 36
المزاج : الفَسقية لسه مَسقية...!!!

الشعب… يريد… تغيير المسيح Empty
مُساهمةموضوع: الشعب… يريد… تغيير المسيح   الشعب… يريد… تغيير المسيح Icon_minitime1الأحد 17 أبريل 2011, 4:34 am

.يسوع….





ممكن أكلمك بصراحة شوية علي اللي شفته جوانا ؟




وبصراحة, أنا مسكوف اتكلم…




لا….لا, ما تفهمنيش غلط, مكسوف دي مش بتاعة كل مرة والتوبة وأنا وحش والكلام دة




لا, أنا مش مكسوف من اللي جوانا…أنا بصراحة….مكسوف لك ….إنت!



أصلي الفترة اللي فاتت قعدت أفكر في كم المشاكل اللي إنت عاملها لنا في البلد, إنت أكيد عارف, مضطهدين

جامد بسببك, وشكل اللي جاي علينا اسود من اللي فات, وكمان بينا وبين بعض منقسمين ومتحزبين وبنقطع بعض.

ولما ركزت, لقيت إن المشكلة عندك إنت, مش عندنا, تصدق؟



أنا إمبارح الفكرة جت في دماغي, ولقيت الامور بتركب علي بعض كويس قوي, وكل حاجة بتتحل, بصراحة أنا عمري ما فكرت كدة, بس معلش إحنا في زمن الثورات بقي, وممكن الدور يجي علي أي حد, حتي إنت.

وأعتقد إنه جه الوقت اللي إنت محتاج تاخد بالك من المشكلة الكبيرة اللي إكتشفناها, وأنا جاي بالنيابة عن الثوار أتكلم فيها.



بص يا يسوع, إنت شخص رائع, مش مختلفين علي كدة, بس المشكلة ببساطة, إنك عاوز تخرج برة الكنيسة, ومش واخد بالك إن الموضوع دة ما ينفعش خالص خالص, إنت مكانك في الكنيسة وبس, وإحنا ينفع نيجي نزورك كل شوية, بس لازم تفهم إنه إنت ما ينفعش تخرج منها. وبجد مشكلتك إنك مش واخد بالك من الموضوع دة اطلاقا, ومصمم تروح معانا كل حتة.



طيب, إنت تعرف في كام واحد أما أخدك معاه الشغل حصله مشاكل وخساير بالهبل؟ طبعا عارف, ما كلها كانت بسببك, أنا شخصيا, ما اعرفش حد أخذك معاه الشغل وما حصلوش مشاكل, يبقي بزمتك المشكلة فينا, ولا فيك؟



دا أنا حتي في واحد صاحبي مع الوقت قرر يسيبك في العربية لغاية أما يخلص شغل, بعدين لقاك حتي وهو بيسوق عامله مشاكل, وإنت مش قادر تستوعب مشاكل السواقة في مصر, ومع الوقت قرر يسيبك في البيت, وشوية راح مرجعك الكنيسة.



هاديك مثال تاني, إمبارح كثير راحوا يصوتوا علي تعديل الدستور من غيرك, وأما كلمناهم عليك, بلسانهم قالوا “أه طبعا” الخداعة, لكن بقلوبهم قالولنا بلاش دروشة وسلبية, خلي يسوع محبوس في الكنيسة لأنه لو طلع معانا الشارع بعدها يمكن يتوه, عشان هو مش عارف حاجة فى دنيتنا ديه,خليه فى الجلجثة المكان اللى هو يعرفه وإحنا نبقى نروحله هناك واحنا فاضيين, ويمكن لو طلع معايا الشارع يورطنى توريطة سوده فى موضوع محتاج التصرف بحكمة.

شفت قالوا إيه؟ شفت سمعتك بقت عاملة إزاي؟



بصراحة, أنا ما عرفتش ارد, ما عرفتش أدافع عنك, حاولت اراضيهم وأمسك العصاية من النص علي قد ما قدرت, حاولت أقولهم ياخدوك معاهم وإنت مش هاتتكلم, لكن ما فيش فايدة, هما عارفين إنك ما عندكش حكمة وما بتعرفش تسكت.

ما هو أصل إنت اللي مش بتفهم في السياسة, مش لما سألوك, قلت اعطوا اذا ما لقيصر لقيصر و ما لله لله (لو 20 : 25), هي دي الجملة الوحيدة اللي قلتها علي السياسة, وكشفت لكل الناس إنك مش بتفهم فيها وبتهرب منها, واللي حاولوا يحترموا جملتك اليتيمة دي, جابوا الآية يمين وشمال وقلبوها وعجنوها وخبزوها, وفي الأخر, ما فهموش حاجة, واتخانقوا مع بعض بسبب كلامك الغامض اللي هربت بيه من السؤال.



صدقني هما عارفينك كويس, لأنك مش عملي خالص, وكمان مدروش علي الأخر, خيالك واسع وبتسمي دا إيمان, بصراحة ليهم حق, ردودك في الإنجيل غير عملية بالمرة, وسعات مالهاش علاقة بالسؤال, وناس كتير كانت بتتريق

علي كلامك الغريب دة, وإنت عارف الدنيا بقت عملية دلوقتي أد ايه؟



إحنا في عصر الإنترنت, فيه ألف خبر في الثانية الواحدة, بزمتك أقراهم ولا اركز معاك؟ دا بالعكس, إنت بتسبب تشتيت

إحنا في عصر فيه فيسبوك بيقلب حكومات دلوقتي, ومصر بتتغير, بزمتك اشارك كلامك ولا الأخبار الجديدة؟



فيه كمان فضائيات وحرية, إختراع كبير, يا ريته كان موجود أيامك كان خلي الناس تشوف الصلب والقيامة علي الهوا يمكن كان الموضوع فرق معاهم اكتر شوية وصدقوك.



إنت مش دريان بكل الكلام دة, لأنك مش هنا, إنت عايش في إنجيلك ومش عارف تطلع منه, عاوزنا نطلعك ليه يا أخي؟

مش بس كدة, دا إحنا حتي لو حبسناك وجبنا بس في سيرتك, برضه جايبلنا المشاكل, كل ما نقول للناس عليك, يهيجوا علينا, ويقلولنا يعني ما نروحش التصويت؟ يعني ما نحبش الوطن؟ يعني ما ننزلش التحرير؟ يعني ما نروحش ماسبيرو؟



يعني نبقي سلبيين؟ كلامك بيطلع كل دفاعاتهم, تخيل سيرتك وكلامك بس بيعملوا مشاكل وخناقات, بصراحة وماتزعلش مني, كلامك رخم اوي يا يسوع, ودمه تقيل كمان ومستحيل يتسمع وإتقالك كدة في وشك ومن تلاميذك (يو 6 : 60), والحل الوحيد أن كلامك يفضل محبوس في الكنيسة معاك.



مسكين يا يسوع, بصراحة, مش عارفين نشوف غير فاشل كبير, وإنت اللي جبته لنفسك!



عشت غلبان عالة علي شوية ارامل, اللي حبك كان علشان مصالح وإنت عارف (يو 6 : 26), أغلب الناس كانت بتكرهك بجد, ومن قلبها, قالو عليك فيك شياطين, ومفجوع, وسكير, ومحب للزواني (مت 11 : 19), كاسر للشريعة, مجدف(لو 22 : 65), حاولوا يرجموك, حصدت سبع محاولات قتل, والتامنة نجحت, ضيعت عمرك علي 12 تلميذ, واحد باعك, والتاني انكرك وسبك ولعنك, والباقي هربوا, اللي عملت معاهم معجزات طلبوا صلبك, وكمان إنت مت موتة عار أوي, وفي عز شبابك. وحتي خدمتك ما شفتلهاش ثمر غير اللي خانك واللي أنكرك, يمكن واحد مصلوب صدقك, بس معلش دا كان بيخلص في الروح.



خلينا نتكلم بصراحة, وبطريقة عملية كدة, ومن فضلك حس بالناس شوية, وخليك صريح وإسأل نفسك سؤال واحد.

هي دي ال “CV” اللي المفروض احطها قدامي وأمشي وراها؟

إوعي تزعل من اللي باقوله, حياتك شرحها أشعياء في اصحاح 53 وقال كلام اصعب من اللي أنا قلته عليك, ولو أنا هالخصها هاقول عليها حياة فاشلة, مين يلزمه الحياة دي؟ طبعا ما حدش, والدليل إن اللي مشيوا وراك بجد, قليلين جدا, ها….صدقت؟

ياعم أنا عندي عيال عايز أربيها, وحياة عايز أعيشها, أنا لسة في عز شبابي خليني اتمتع بالدنيا.

مسكين يا يسوع, لأنك ما عشتش وسطنا, مش دريان بدنيتنا ومشاكلنا وعصرنا, عايش في السماويات وسايبنا هنا ما تعرفش أي حاجة عن حياتنا, إحنا هنا يا حبيبي يومنا عملي وزحمة فوق الوصف, شغل, فلوس, دراسة, جواز, عيال, اجتماعيات, واجبات, ما بنضيعش وقت. إحنا علي الأرض مش في السما. أما نطلع السما نبقي نعيش حياتك.



إزاي عايزنا ناخدك شغل عامل زي الغابة وإنت وديع ومتواضع؟



إزاي عايزنا ننزل بيك شارع بيحكمه البلطجة وقلة الادب, وانت لا يسمع صوتك في الشارع؟



إزاي عايزنا نخليك تربي عيالنا؟ علشان تجننهم لنا بدري وتلخبط حياتهم زي ما لخبطت حياتنا؟



إزاي عايزنا نخليك في علاقتنا الزوجية, يا اخي دي اسرار؟



إزاي مش واخد بالك إنه اللي ما يعرفوكش مرتاحين ومش جواهم الصراعات اللي جوانا؟



يسوع…لو سمحت, كفاية أوي كدة…



من فضلك راجع نفسك كويس, الوضع أصبح لا يحتمل, إحنا قربنا نخسر حياتنا ونخسر بعض بسببك.



إحنا ما يلزمناش الحياة دي خالص, عارفين إنك عشت حياة كلها حرية ونقاء.



بس لو اللي فات دة هو الحرية والنقاء, بصراحة, إحنا عاجبنا العبودية والجزية والنجاسة, يا عم أعيش كلب ولا أموت أسد.



علي فكرة إحنا حاولنا نرضيك ونلبس حياتك علي مقاس حياتنا, يعني نعمل واحد كوكتيل كدة, بس ما نفعش, ما عرفناش, وبصراحة اتخنقت موت, أما لقيتك بتكحلها وبتقول (لا يستطيع أحد أن يخدم سيدين – لو 16 : 13) يعني أنا

باحاول اراضيك, وإنت كمان مش عاجبك؟



صحيح… رضينا بالمسيح, والمسيح مارضيش بينا…

بجد, أنا هنا باتكلم بالنيابة عن ناس كتير, إحنا تعبنا أوي, خلاص مش قادرين نستحمل.

مرة أخيرة, راجع نفسك, حاول تغير مبادئك…

وأوعي تزعل من كلامنا, إحنا بجد بنحبك, بس علي طريقتنا…

صدقني إحنا عاوزين ننزلك من علي الصليب…بس زي ما اتفقنا, ما فيش خروج برة الكنيسة…

دي شروطنا…

وإلا هتلاقي قلوبنا بتهتف… الشعب… يريد… تغيير المسيح…

+++

من لا يعجبة الكلام, وغضب من الإسلوب,وهايمسك حجر ويرجمني, أحب أفكره بكلام ناثان النبي لداود الملك

وبدل ما الناس تغضب عليا أنا

تعالو كلنا نغضب علي نفسنا وعلي قلوبنا النجسة

دي هرطقات قلوبنا ناحية مسيحنا اللي الظروف عريتها وكشفتها, دا إنكارنا لتجسده وإتحاده بينا

دة تجديف نجاساتنا, دي حقيقة رفضنا ليه علي مستوي القلب

دا يومنا اللي بيحاول يهرب منه

دي ثوراتنا المكتومة … ناحية مخلصنا

بلاش كلام كبير وشعارات

دا الكلام اللي جوة نجاسة قلبي أنا شخصيا

+++

سيدي يسوع.

يا من احببت كل خليقتك, وتمنيت ان يكون فيهم ذلك الحب (يو 17: 26).

محبوب انت باللسان والكلام, محتقر ومخزول بالافعال (اش 53 : 3), مهمل ومرفوض بالتصرفات.

طلبت ان نكون هيكل لسكناك (1كو 3 : 16),فرفضنا طلبك, وتركناك تقرع خارجا (رؤ 3 : 20).

وتمنيت ان تحيا فينا(يو 17 : 26), فقتلنا امانيك, وصلبناك داخلنا (عب 6 : 6) .

عشت وحيدا, كل من يقنربون اليك يقتربون لاغراض في انفسهم (يو 6 : 26) .

لم يهتم بشخصك احد (اش 53 : 2), بل اهتموا بوضع في نظريات, ورفضك أنت.

حين اعلنت قبولك للامم…رفضوك, وقاموا عليك ليرجموك (لو4: 23 – 30).

حين فعلت غير ما اعتادوا عليه, ادانوك واتهموك بالجنون وباتباع الشياطين وكسر الشريعة (مر 3 : 22).

لم تات لتدين بل لتخلص (يو 3 : 17), مع انك وحدك المستحق ان تدين وتغلق علي الكل.

وانا هنا واقف ادين كل من حولي …الا نفسي.

لم تدن المرأة الخاطئة في خطية واحدة فعلتها (يو8) .

ونحن ندين الاخرين في كل حياتهم, ونحكم عليهم بالهلاك الأبدي وكاننا نفحص الكلي والقلوب.

اتيت برسالة حب. لتبذل نفسك من اجل الفجار ومن اجل اعدائك (مت 20 : 28) / (رو 5 : 6) .

اتيت كمعلم برسالة من الاب,في حنان علمت وشفيت وصبرت علي كل عناد, فانهاروا امام سلطان حبك.

ونحن واقفين كمعلمين قساه. نضمر كل عداء وكراهية ووعيد لكل من لا يتبع تعاليمنا.

احسست بضعفنا ونزلت الينا من سماك, ونحن نتعالي ونامر الناس أن تصعد لمكاننا, ومكاننا هو الهاوية ولاندري, بل لا نريد ان ندري.

يا من يقبل كل من ياتي اليه ولا يرده, ونحن نرفض الكل, ونتجرأ وندعي ان هذا لحماية الايمان.

يا من أسلم نفسه من أجل الكنيسة, ونحن نتفنن في تمزيقها الي اشلاء, متوهمين اننا نحميها.

نصرخ اليك…

ارحمنا من فسادنا, وانر علينا من ظلمتنا, ارنا وجهك لكي نستفيق من هذا الفخ.

فخ الكبرياء, الذي يعمي كل من يقع فيه, فياخذك ليصلبك وهو لا يري من أنت.

انر عيونا واذهاننا يا سيد الكل.

فنري ابنك المطروح تحت اقدامنا, ونري دمه المسفوك بايدينا.

نري جسده وكنيسته الممزقين بسبب كبريائنا.

فنستفيق, ونعطيك كل المجد والكرامة الائقين بك.

ونخضع لك, ونعرف فكرك, ونخدم بروحك.


(■■■► popshan ◄■■■)

الرجوع الى أعلى الصفحة اذهب الى الأسفل
+فبرونيا ثيوبيستوس+
مسيحي متميز
+فبرونيا ثيوبيستوس+


الجنس : انثى
عدد المساهمات : 1307
العمر : 34
المزاج : أرحمني وأغفرلي أنا الغير مستحقة
الكنيسة التابع لها : الكاتدرائية المـُرقسية

الشعب… يريد… تغيير المسيح Empty
مُساهمةموضوع: رد: الشعب… يريد… تغيير المسيح   الشعب… يريد… تغيير المسيح Icon_minitime1الأحد 17 أبريل 2011, 12:48 pm

حسيت أنك بتعاني من كونك من الاقليه اللي فى مصر

بتحس بقمع المسلمين اللي حواليك عشان المسيحين نسبة قليلة وأكيد هما مش وراهم غير أنهم ينتاقضونا.. بس ده برده مش معناه أنك:

تشكك فى ايمانك

أنك يفيض بيك

أنك تتكلم بالطريقة ديه حتى ولو حاسس بكده فعلا

أنك تغلط فى يسوع كل الغلط ده لآن كده أتضح أن للاسف معندكش أي ايمان بالمرة.. أعذرني على نبرتي القاسية ولكن كلامك يدفعني لذلك.

ده لو واحد مسلم يا أخي مكنش قال كده..

وبعدين يسوع مش بالكنيسة بس يسوع بحياتنا اليومية جوانا فى تصرفاتنا مع البشر بمحبتنا ليهم ومش مفروض نشوفه عبئ علينا بالعكس ده هو اللي بيريحنا وبيسمعنا وقت ما نكون تعبنين.. وبعدين هو أنت مش هتفتكر يسوع ألا لو خدت الصليب معاك..؟ متاخدش أي حاجة.. عارف يعني ايه ايمان أن تكون حاس بحاجة ومقتنع بيها بدون ما تشوفها بس تحس احتياجاك للجوء اليها عشان هيا اللي بتشفيك من أي تعب نفسي أو جسماني.

وبعدين طبيعي أن مينفعش أننا يكون لنا سيدين المال والله الاتنين مينفعوش سوا لانك لو مريت عمرك كله لجمع المال المال أولا غير انك متفتكرش الله المال ده نفسه ممكن يزول أنما الايمان ده أنت بتعمل لحياتك الابديه مع يسوع.. قولي لو متنا النهارده ايه هينفعنا.. الناس الواهية ولا المال ولا دماغي اللي بتقولي لا ده يسوع بيمثل ضغط عليا والناس بتنقضني عشانه وبيحصلنا مشاكل وخناقات علشانه.. أنت لو معشتش فى حياتك عشان قاضية تدافع عنها هتعيش للايه..؟ تأكل وتشرب وأنتهت هي ديه الحياة مثلا؟

اقرأ فى رسالة الرسول بولس للاهل روما بيبدأ فيها بيقول من بولس عبد المسيح الرسول المدعو المفرز للانجيل الله.. عارف يعني ايه عبد المسيح هنا؟ يعني الرسول بولس صار عبد المسيح عندما المسيح افدانا بدمه وحبه ولو تمعنا أكتر فى المعنى المعنى المقصود بعبد هنا هو من تحرر فى حب المسيح من الحياة الدنسة والنجسة. وبعدين بيقول الرسول المفرز من للانجيل مفرز يعني مختار أو معين لتبشير بأنجيل يسوع اذا الرسول اختير لهذا ونحن كمسيحين تم فرزنا نحن أيضا ليكون اسم يسوع منير من خلالنا أمام سائر البشر.

أدعوك أن يتسع قلبك لمحبة يسوع والدفاع عن مبدئ عقيدة لكي يتحرر قلبك ونفسك من عبودية الحياة اليومية التي تأخذك من الحياة الحقيقة الذي على كل مسيحي أن يحسها بقلبه وبكل احساسه.. عندما تصلي لا تتحدث دائما أصمت بعض من الوقت لكي تعطي الفرصة لروح القدس أن يتدفق الى قلبك ومسمعك ويهمسلك ويوصلك الى طريق الخير والخلاص فى يسوع واحدة ولا غيره هو الخلاص..

راجع نفسك لآن كلامك فيه معاني واضحة أنك لا تعطي وقت كافي لكي تفكر فى خالقك.


كل تحياتي القلبية والخالصة لك يا عزيزي.

الرجوع الى أعلى الصفحة اذهب الى الأسفل
popshan
مسيحي جديد
avatar


الجنس : ذكر
عدد المساهمات : 25
العمر : 36
المزاج : الفَسقية لسه مَسقية...!!!

الشعب… يريد… تغيير المسيح Empty
مُساهمةموضوع: رد: الشعب… يريد… تغيير المسيح   الشعب… يريد… تغيير المسيح Icon_minitime1الأحد 17 أبريل 2011, 4:43 pm

اولا اشكرك لتعليقك
بس ف توضيح صغير انا نزلت التوبيك بس مش معني كده اني مش عندي ايمان ولا بلوم ربنا
ربنا عمروا ما حسسنا انوا هو فوق واحنا تحت ربنا
ولما نزلت التوبك انا مش بكلم عن نفسي لا انا بتكلم عن كل واحد فينا واعتقد اني استفدت كتير اوي منوا صحيح الاسلوب استفزازي جدا بس اعتقد ان كل واحد هايقري هايستفاد كتير وبعدين الاعمال بالنيات انا بتعامل مع ربنا ع انوا الاب
وبعدين لو ركزتي ف كلامي كويس هاتلاقي ان افعال البشر اكتر بكتير م اللي انا كتبوا
تــــــــحياتـــــي
الرجوع الى أعلى الصفحة اذهب الى الأسفل
gamalgerges
مسيحي جديد
gamalgerges


الجنس : ذكر
عدد المساهمات : 40
العمر : 58
الكنيسة التابع لها : lمارجرجس ش مراد

الشعب… يريد… تغيير المسيح Empty
مُساهمةموضوع: رد: الشعب… يريد… تغيير المسيح   الشعب… يريد… تغيير المسيح Icon_minitime1الأحد 17 أبريل 2011, 5:22 pm

محتار جداااااااااا اكتب لك اية
علاقتك بربنا فى خطر
ربنا يسامحك بس انا خايف عليك لحسن تكون دى خطية التجديف
بس خلى بالك الشعب لا يريد تغير المسيح
انت اللى عايز تغير ابديتك علشان تشترى الارضيات
طبعا لو انت عايش فى بلد مسيحية ماكنتش هتفكر كدا
ولو انت مؤمن بالحياة الابدية مش هتفكر كدا
الرجوع الى أعلى الصفحة اذهب الى الأسفل
popshan
مسيحي جديد
avatar


الجنس : ذكر
عدد المساهمات : 25
العمر : 36
المزاج : الفَسقية لسه مَسقية...!!!

الشعب… يريد… تغيير المسيح Empty
مُساهمةموضوع: رد: الشعب… يريد… تغيير المسيح   الشعب… يريد… تغيير المسيح Icon_minitime1الأحد 17 أبريل 2011, 6:30 pm

واضح جدا ان الموضوع بيوصل ليكم بشكل سلبي ياجماعه بلاش العبارات والكلام ده انا مؤمن بربنا يسوع المسيح مؤمن بالصليب واعتقد اني لو كنت اخترت اي عنوان غير الشعب… يريد… تغيير المسيح ماكنش ده يكون ردكم
انا حزين :
أنا في حزني قلت تلك الصلاة البسيطة
( يا يسوع أنا عارف انك قلت اننا هنتعرض لضيقات و اضطهادات في العالم من أجل اسمك عشان بعديها نستحق اننا نتمجد معاك...عارف انك قلت مملكتي ليست من هذا العالم...و عارف انك قلت ان رئيس هذا العالم اللي هو الشيطان مش هيسيبنا و هيفضل يضايقنا و يضطهدنا....عارف اننا لازم نتألم معاك لاننا ولادك و انك قلت طوبي للحزاني لانهم يتعزون...أنا بس زعلان شوية يا أبويا )

احزنني أن تذكرت قصة حقيقية لشخص ما واضعا نفسي مكانه...مصري قبطي في أحد قري أسيوط..أذهب الي الجمعية التعاونية...عندما أرجع منزلي..أجد في الكيس ورقة تهديد بالقتل لاني قبطي...حتي لو لم أقتل...هل تقدر أن تعيش في هذه التهديدات؟؟

تذكرت الفتاة الصغيرة التي قتل كل أهلها في حادث كنيسة القديسين بالاسكندرية...و التي منع عنها وسائل الاعلام حتي لا تعرف ما حدث لحين تعافيها من اصاباتها و تركوها ظانة انهم مصابين فقط....تذكرتها بابتسامتها الرقيقة و هي تقول ( عاوزة أشوف بابا و ماما..) ..و لم استطع أن امنع تلك الدمعة عندما وضعت نفسي مكانها و هم يقولون لي ( بابا و ماما ماتوا... )
حزنت و في نفس الوقت أضحكني ترديد العديد لجملة ( مصر مدنية مش دينية )...و تذكرت جملة الدكتور خشبة في فيلم فؤاد المهندس الشهير ( أنا مش قصير أوزعة...أنا طويل و أهبل ) و ظل يردد الشخص تلك الجملة و كانت النتيجة الوحيدة لترديده الجملة أنه لم يقتصر علي كونه ( قصير و أوزعة ) فقط.. بل أصبح ( قصير و أوزعة و أهبل )

معلش طولت عليكم ويمكن الموضوع قلب سياسه بس انا لما نزلت التوبيك كنت عاوز اوصل حاجه وحده الشعب المصري عمل كل حاجه غير نظام غير رئيس ورقع دستور بس لأسف احنا ماتغيرناش كان المفروض قبل قبل كل التغيرات دي نتغير احنا الاول وده سبب اني اخترت عنوان التوبيك الشعب… يريد… تغيير المسيح علشان
احنا لو اتغيرنا فعلا الناس هايفهموا مفهوم المسيحيه الصح لو قربنا م ربنا اكتر م كده اقصد بالمسيح هو احنا ابناء المسيح صح
الرجوع الى أعلى الصفحة اذهب الى الأسفل
ايتن
مسيحي مدير
ايتن


الجنس : انثى
عدد المساهمات : 1578
العمر : 33
المزاج : فخورة انى بنت الملك
الكنيسة التابع لها : كنيسه الانبا انطونيوس

الشعب… يريد… تغيير المسيح Empty
مُساهمةموضوع: رد: الشعب… يريد… تغيير المسيح   الشعب… يريد… تغيير المسيح Icon_minitime1الإثنين 18 أبريل 2011, 1:10 am

العنوان صادم وفى البداية افتكرت ان اللى كاتب الموضوع مسلم لغاية ما تأكدت من الاسم

الاسلوب قاااسى جدا انا بتفق معاك ان ربنا متواضع وبيسمح لينا اننا نكلمه ونناقشه ولكن محدش يقدر يكلم ابوه كده مهما كان زعلان منه

انا مش غضبانة بسبب الموضوع لان شايفة فعلا انا فى اجزاء كتير من الحقيقة والواقع اللى بيحصل ولكنى لا اخفى عليك انى غضبانة جدا بسبب الاسلوب لان محدش يقدر يتكلم كده مع رئيسه فى الشغل مثلا فما بالك ربنا

اكيد ربنا هيتجرح اوى لما يشوف كلمات بالقسوة دى ولا تقل قسوتها عن الكلام اللى قالوه اليهود عن المسيح له كل المجد بالكلام ده مش هنفرق شىء عن اليهود اللى الموا المسيح وعيروه

ربنا وفرلنا كل شىء علشان نعيش حياه كويسة لانه بيحبنا ولو كل واحد فينا فكر فى النعم اللى اداهاله ربنا هيفضل يشكره على نعمه انما مشكلتنا كبشر اننا بننسى ونبص للسلبيات بس

كلمات زى دى قاسية اوى وهتجرح مشاعر مخلصنا اكيد وكأننا بنضيف لالامه فى اسبوع الالام الام جديدة

انا عارفة انك متقصدش حاجة وان احيانا الانسان بيندفع فى كلامه فعلا ولكن فى النهاية هو اب لازم نرفع ونمجد اسمه ومنجرحوش ومنجدفش ابدا

فى النهاية وبالنيابه عننا كلنا احنا اسفين يايسوع احنا اسفين يارب متزعلش مننا احنا ولادك اللى بنحبك مهما حصل
الرجوع الى أعلى الصفحة اذهب الى الأسفل
very
مسيحي مدير
very


الجنس : ذكر
عدد المساهمات : 3044
العمر : 37
الكنيسة التابع لها : العذراء ومار مرقس

الشعب… يريد… تغيير المسيح Empty
مُساهمةموضوع: رد: الشعب… يريد… تغيير المسيح   الشعب… يريد… تغيير المسيح Icon_minitime1الإثنين 18 أبريل 2011, 11:06 am

بوب شان فى الحقيقة جالى كمية تعليقات من اعضاء ومشرفين على الموضوع دة
الموضوع صدمة فى الحقيقة كالعادة وكما عوتنا فى موضوعاتك

ان كان الكلام قاسى فا انا شايف انة حقيقة وبيحصل واذا كنا شيفينة عيب فالعيب مننا لما بنعمل الكلام دة
كام مرة واحد فينا اتحط فى موقف مقدرش يقول انا مسيحى كام مرة خلينا المسيح فى الكنيسة بس ؟
كام مرة اتخدف على اسم المسيح بسببنا وتقال ما اصلة مسيحى ؟
كام مرة حولنا نخبى الصليب الى فايدينا ولم نعلن اسم المسيح ؟
كام مرة نرى الشر امامنا ولم نحاول تغيرة ونقول يعنى هما هيسمعوا صوتى وبعدين عشان انا مسيحى هيتهضونى
اتضيقنا لما الكلام اتحط قدمنا بشكلة الحقيقى اوى واعتبرنا الراجل بيجدف
واحنا كام مرة فاليوم بنعمل كدة بس المشكلة لا نسمى الاشياء باسمائها الحقيقية
واحد يا خد رشوة و نسميها اكرامية مع ان اسمها الحقيقى رشوة


اقتباس :
وأوعي تزعل من كلامنا, إحنا بجد بنحبك, بس علي طريقتنا…
صدقني إحنا عاوزين ننزلك من علي الصليب…بس زي ما اتفقنا, ما فيش خروج برة الكنيسة…
دي شروطنا…
فعلا يا رب احنا عيزينك على طريقتنا
طريقتنا الى هيا ساعة لقلبك وساعة لربك ساعة معاك وساعة عليك
وفى الحقيقة انت يارب قلت حاجة فى منتهل الخطورة واحنا مش فهمين
هكذا لانك فاتر و لست باردا و لا حارا انا مزمع ان اتقياك من فمي (رؤ 3 : 16)
يعنى انت يارب عايزنانا نكون وضحين يا اما معاك يا ما عليك فى الحلتين فيهم فايدة
اما الحالة الثالثة (ساعة لقلبك وساعة لربك) فنكون فاترين وهذا مرفوض ويخدر الروح القدس والضمير الانسانى فلا تستطيع ان نحس اين نحن هل نحن مع ام ضد
فى النهاية حياتنا ممكن تضيع واحنا لم نقرر الى اين سنذهب؟


عايز اقول حاجة مهمة كمان مهمتنا فى حيتنا ان نخرج المسيح من الكنيسة مهمتنا ان العالم كلة يبقى كنيسة مهمتنا نقل الكنيسة للعالم ولكن ليس العكس للاسف الشديد
احنا ندخل الكنيسة نشبع بالمسيح ونكون ملح ونور ونطلع للناس(العالم) عشان الناس تتاثر بالملح والنور ويبقى ليها طعم وتنور
الرجوع الى أعلى الصفحة اذهب الى الأسفل
ايتن
مسيحي مدير
ايتن


الجنس : انثى
عدد المساهمات : 1578
العمر : 33
المزاج : فخورة انى بنت الملك
الكنيسة التابع لها : كنيسه الانبا انطونيوس

الشعب… يريد… تغيير المسيح Empty
مُساهمةموضوع: رد: الشعب… يريد… تغيير المسيح   الشعب… يريد… تغيير المسيح Icon_minitime1الإثنين 18 أبريل 2011, 1:37 pm

اقتباس :
ان كان الكلام قاسى فا انا شايف انة حقيقة وبيحصل واذا كنا شيفينة عيب فالعيب مننا لما بنعمل الكلام دة
كام مرة واحد فينا اتحط فى موقف مقدرش يقول انا مسيحى كام مرة خلينا المسيح فى الكنيسة بس ؟
كام مرة اتخدف على اسم المسيح بسببنا وتقال ما اصلة مسيحى ؟
كام مرة حولنا نخبى الصليب الى فايدينا ولم نعلن اسم المسيح ؟
كام مرة نرى الشر امامنا ولم نحاول تغيرة ونقول يعنى هما هيسمعوا صوتى وبعدين عشان انا مسيحى هيتهضونى
اتضيقنا لما الكلام اتحط قدمنا بشكلة الحقيقى اوى واعتبرنا الراجل بيجدف
واحنا كام مرة فاليوم بنعمل كدة بس المشكلة لا نسمى الاشياء باسمائها الحقيقية
واحد يا خد رشوة و نسميها اكرامية مع ان اسمها الحقيقى رشوة

يبقى فى الحالة دى الغط عند مين عندنا ولا فى كلام المسيح؟ وقتها نلوم مين نلوم نفسنا ولانلومه هو؟
يبقى وقتها نغير نفسنا ولا نغير المسيح؟يبقى وقتها الغلط من عندنا اننا نفضل حابسين المسيح فى الكنيسة ولا الغلط عنده لانه هواللى عايز يخرج بره الكنيسة؟
الرجوع الى أعلى الصفحة اذهب الى الأسفل
very
مسيحي مدير
very


الجنس : ذكر
عدد المساهمات : 3044
العمر : 37
الكنيسة التابع لها : العذراء ومار مرقس

الشعب… يريد… تغيير المسيح Empty
مُساهمةموضوع: رد: الشعب… يريد… تغيير المسيح   الشعب… يريد… تغيير المسيح Icon_minitime1الإثنين 18 أبريل 2011, 2:11 pm

الغلط عندنا طبعا يا ايتن
واحنا الى بنفهم كلامة غلط احيانا
الرجوع الى أعلى الصفحة اذهب الى الأسفل
ايتن
مسيحي مدير
ايتن


الجنس : انثى
عدد المساهمات : 1578
العمر : 33
المزاج : فخورة انى بنت الملك
الكنيسة التابع لها : كنيسه الانبا انطونيوس

الشعب… يريد… تغيير المسيح Empty
مُساهمةموضوع: رد: الشعب… يريد… تغيير المسيح   الشعب… يريد… تغيير المسيح Icon_minitime1الإثنين 18 أبريل 2011, 5:41 pm

انا عارفة ان الغلط عندنا ولكن الموضوع بيقول عكس كده الموضوع بيقول ان تعاليم المسيح بالبلدى كده غير صالحة للاستخدام الادمى وانها غير عملية بالمرة ولا تصلح اصلا

ولكن......

المسيح لما جه حاول يرفع الانسان وروحانياته واخلاقياته علشان يوصل بيها للكمال المسيحى
هو منزلش لينا ولكن حاول يرفعنا ليه هو


على عكس بقى التعاليم العملية دى من وجهة نظرنا
احنا بنعتبرها عملية لانها نزلت لمستوانا ومحاولتش ترفعنا سابتنا تحت فى الحضيض وارضت فينا كل رغباتنا وعشان كده كانت مناسبة اوى من وجهة نظر الانسان لانها بسيطة ومش هتكلفه اى تعب

فى النهاية ودى وجهة نظرى الخاصة بيا ان احنا اللى محتاجين نثور على نفسنا ونغيرها مش نثور على المسيح ونطالب بتغييره بل على العكس احنا نفتخر بيه وبتعاليمه الفريدة من نوعها اللى بتتحدى طبيعة البشر وبتحاول ترفعهاونمجد اسمه ولكن مينفعش نتطاول عليه ابدا ابدا

بل والاكتر من كده اننا نرجو من المسيح الا يطالب بتغييرنا
الرجوع الى أعلى الصفحة اذهب الى الأسفل
 
الشعب… يريد… تغيير المسيح
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
++ Ana Mase7e forum++ :: المنتدى الروحي :: مواضيع روحية-
انتقل الى: