إهداء إلى أصدقائي الأعزاء

اهداء رقيق جدا.. من هم اصدقائك الاعزاء التي تتعلمين منهم؟

شكرا يا تماف ايريني

اقتباس :

من هم اصدقائك الاعزاء التي تتعلمين منهم؟

صديقي هو من تنطبق عليه الصفات التالية :

الصديق الذي اكون معه , كما اكون وحدي ..أي هوالإنسان الذي اعتبره بمثابة النفس

هو الذي يقبل عذري و يسامحني إذا أخطأت ويظن بي الظن الحسن
وإذا أخطأت بحقه يلتمس العذر ويقول في نفسه لعلها لم تقصد

هو الذي يكون معي في الفرح و الحزن و يتمنى لي الخير دائما

هو الذي ينصحني إذا رأى عيبي و يشجعني إذا عملت الخير

هو الذي يرفع شأني بين الناس و افتخر بصداقته

هو الذي يسرع لمساعدتي بفرح وبدون مقابل

هو الذي يتمنى لي ما يتمناه لنفسه

نادرين أوي الاصدقاء اللي يعملوا كل ده للاسف...

معك حق يا تماف
هم نادرين اوي .. بس موجودين

ياريت بس نادرين المشكلة ان الناس اللى بتفتكريهم اصحابك بيطلعوا العكس تماما

حلو اوى انك تعرف عدوك انما احساس صعب اوى انك تتخدع فى صديق

المشكلة ان الناس اللى بتفتكريهم اصحابك بيطلعوا العكس تماما



عندك حق.. وده جربته وأتوجعت أوي بجد.

اقتباس :

ياريت بس نادرين المشكلة ان الناس اللى بتفتكريهم اصحابك بيطلعوا العكس تماما

حلو اوى انك تعرف عدوك انما احساس صعب اوى انك تتخدع فى صديق

ايتن بتقول حكم يا اولاد

لأ الحكم دى مش منى دى نتاج تجربة وحشة عديت بيها

هوانا برضه وش حكم

انا لسة عند رأيي ان يوجد اصدقاء حقيقيين

ويا رب ما ييجي يوم واقول زيك يا ايتن وزيك يا تماف

ربنا يستر

مش عارف البنات عندها مشاكل فى الصداقة لية كدة

اشكر ربنا اصدقائى كلهم حلوين ربنا يحافظ عليهم ويحميهم

البنات بيطلبوا الكمال من اصدقاءهم

يعني هم بيحبوا انه الصديق يكون موجود جنبهم في كل وقت ..وفي كل الظروف

ولازم يكون دايما لطيف بكلامه وتصرفاته ..وما يغلط ابدا .. يعني لو غلط مفيش اعذار

ولازم يكون حنون .. ويجيد فن الاستماع 100% .. وما يجرح ابدا لا بالقول ولا بالفعل ولا حتى بالفكر

ولو غلط مرة .. صعب على البنت انها تنسى ..

اما الولد ما بيهمه كل هالامور السابقة اللي انا ذكرتها

هو مش محتاج صديق بمعنى صديق..هو ممكن يكتفي بأصحاب يقضي معاهم وقت حلو

مش مطلوب من حد انه يسمع كلام كتير وتفاصيل كتير ويراعي الفاظه وتصرفاته وكل حركة هو بيعملها

ولو صديق غدر بيه بينسى بعد فترة قصيرة ..وبيكمل حياته عادي..وع الاغلب هالشي ما بيترك اي اثر سلبي في نفسه

بالمختصر
موضوع الصداقة اسهل عند الاولاد ..عشان كدة ما عندهم مشاكل كتير في الموضوع دة زي البنات

هو طبعا لا انكار ان البنت كائن عاطفى جدا عبارة عن كتلة احاسيس ومشاعر

لكن الراجل مش للدرجة الى بتقولى عليها هو بيحس بردوا وعندة مشاعر لكن الجانب العاطفى عندة (عقلانى شوية )
وعندة اصحاب وبيحتجلهم ويتكلم معاهم

اكيد الرجل عنده مشاعر ..انا ما قلت غير كدة

ولكنه بيقدر يتجاوز اي موقف او ازمة بسهولة اكتر من البنت

عشان كدة ما بيكون عنده مشاكل في موضوع الصداقة زي البنت

تحياتي لكل الاصدقاء

طبعا انا مقدرش انفى وجود صداقة حقيقية لان انا لسه عندى اصدقاء مخلصين ولسه شايفاهم كده رغم الموقف اللى مريت بيه لانى مش هستخدم مبدأ السيئة تعم
لكن ده ميمنعش انه زى ما فى الكويس فى الوحش
ربنا يحفظ لنا اصدقائنا ويباركهم