- اقتباس :
- أنا مسلمة وسبب اشتراكي اني عاوزة اعرف اكتر عن الديانة المسيحية
اهلا ومرحبا بيكى استاذة مها
ونحن نحب كل انسان يبحث ليجد الحقائق
http://w ww.mediafire.com/?zoj6kx00qkbat24
احذفى المسافة فى www
النسخة دية هتلاقى فيها بحث وتفسير تطبيقى واشياء اخرى تستفيدى بيها
كمان هتلاقى فى لينكات على الشمال فى المنتدى ممكن تقرى منها اونلين الكتاب المقدس كامل
https://fodaw.yoo7.com/html-h35.htm - اقتباس :
- وعاوزة اعرف تنصحوني ابدأ بايه .. انا عارفة ان في عهد قديم وعهد جديد المفروض أبدا بأي واحد فيهم الأول ؟ .. وهو انا لو قرأت الكتاب المقدس يبقى كدة عرفت المسيحية كلها ولا في حاجات تانية هحتاج أقرأها ( تفسيرات يعني وكدة) ؟
ابدئى بالعهد الجديد الاربعة بشاير خصوصا
لا طبعا مش هتكونى عرفتى المسيحية كلها بس هتكونى عرفتى المبادئ العامة . المسيحية هيا حياة وتسليم طبعا لو قدرتى تقرى التفاسير يبقى افضل كتير بس التفاسير عندنا تختلف عن لتفاسير الاسلامية فنحن نقسمها تفسير تاملى تفسير رمزى تفسير تطبيقى ولا يوجد تفسير لغوى مثل القران
- اقتباس :
- ايه الفرق بين الطوائف الكاثوليكية والارثوذوكس والبروتوستانت ؟
دة موضوع مش مهم حاليا ركزى فى القراة والدراسة من التفاسير
ولكن ترتبهم فى الاصح هما الارثوذكس 2- الكاثوليك 3- البروتستنت
الارثوذكس والكاثوليك قريبين جدا جدا جدا لدرجة ان فى هذة الايام نقدر نقول الفروق الجوهرية راحت اما البروتستنت فمختلفين تمام عنا
- اقتباس :
- ؟ ويا ترى في اختلاف في الكتاب المقدس بين كل طائفة من الطوائف دي واي طائفة هي الصح بالنسبة لكم ؟
فى بعض الطوائف البروتستنتية بترجم الكتاب على مزجها
النسخة الى معاكى بدون اختلافات بين الكاتوليك والارثوزكس
- اقتباس :
- واناا على حد علمي ان العهد القديم هو التوراة ... طيب هي التوراة اللي مع اليهود دلوقتي هي بالزبط العهد القديم اللي في الكتاب المقدس ولا في اختلافات ؟
التوراه هى اسفار موسى النبي الخمسة(تكوين -خروج -ثنية -عدد--لاويين) وليس العهد القديم كاملا
العهد القديم كاملا هو هو نفس الكتاب الموجود مع اليهود الان
- اقتباس :
- اسئلتي كتيرة معلش استحملوني وشكرا مقدماً للي هيجاوبني واتمنى تفيدوني
لا يفندم حضرتك منورانا واحنا تحت امر حضرتك
واسالى برحتك على الاخر
بس نصيحة لو حضرتك بتبحثى بجد انسى اى حاجة عرفتيها عن المسيحية من الاسلام واعتبرى نفسك اول مرة تسمعى عنها وتعرفيها
لان المسيحية التى فى الاسلام هى النصرانية وغالبا هيا ديانة تانية غير المسيحية الى احنا بنؤمن بيها
ربنا يكون معاكى وينير عينك لتعرفى الحق كل الحق