++ Ana Mase7e forum++



اهلاً وسهلا بك عزيزي الزائر نورتنا في منتدي انا مسيحى نتمني ان تكون
سعيد وانت بداخل المنتدي
وقضاء وقت ممتع تفيد وتستفيد
معنا
، اذا كانت اول زيارة لك للمنتدي فا اضغط علي
تسجيل لتحصل علي عضوية جديده وتتمتع بكافة المزايا وتكون عضو في اسرة المنتدي
، واذا كنت عضو بالمنتدي فا اضغط علي دخول لتسجيل دخولك
بعضويتك بالمنتدي .



++ Ana Mase7e forum++

اسرة المنتدى ترحب بك يا زائر
 
الرئيسيةس .و .جالتسجيلالتسجيلدخول
الان بالمنتدى تستطيع مشاركة موضوعات المنتدى مع كافة اصدقائك على الفيس بوك او تويتر او غيرة من مواقع التواصل الاجتماعى من خلال ضغطك على اعلى كل موضوع بالمنتدى
نرحب جميعا بعضونا الجديد "mariam41" ونشكره على تسجيله معنا*نورت المنتدى بتواجدك معنا يا "زائر" *اخر زياره لك كانت الخميس 01 يناير 1970 *عدد مساهماتك فى المنتدى16777207
أنت وبس.. وبس 5 5 3
شاطر | 
 

 أنت وبس.. وبس

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
+فبرونيا ثيوبيستوس+
مسيحي متميز


الجنس: انثى
عدد المساهمات: 1328
العمر: 24
المزاج: أرحمني وأغفرلي أنا الغير مستحقة
الكنيسة التابع لها: الكاتدرائية المـُرقسية

مُساهمةموضوع: أنت وبس.. وبس   الأربعاء 01 فبراير 2012, 1:16 am



يا رب بجري عليك

اسمعني محتاجه لكف ايديك

محتاجة احس بحنيتك انت.. انت.. انت وبس

احضني.. احضني.. سيبني اخبي راسي فى حضنك

على صدرك اللي احتمال العذاب عشانا استحملت ده كله

واحنا مش قادرين نستحمل عذاب اقل من ده انا بسأل نفسي انت استحملت ازاي

انا لما برجع راسي لورا واغمض عنيا وافتكر صلبك دموعي بتنزل لوحدها..

انت اتحملت.. انت اتحملت انا عارفه ده بس ارجوك يا رب انا ضعيفه اوي

ضعيفه اوي فى كل حاجة.. يمكن الحاجة اللي بترجع تثبتني على رجليا تاني

هو انت.. ايوه انت .. بس انت انا بحبك انا متأكده من حبك انت ليا انما اي حد

تاني ممكن اشك اصلنا بشر بنتغير احيانا.. انا محتاجة ليك.. مش عارفه اقولك

خدني ليك.. ولا اقولك قويني بيك.. بس مش عارفه حاجة تعبانه بقى .. حتى

الفرح فى حياتي مزيف ايوه مزيف كل حاجة هنا مزيف ما انت شايف يا رب اللي

اللي بيحصل بين البشر مش انا اللي هقولك.. الفرح يومين تقنع نفسك بيهم عمره ما

يدوم ابدا.. انت مفيش دايم غيرك.. ارجوك متسبنيش تاني.. انا مستعدة اتعب اتعذب

نفسيا جسديا بأي شكل بس معاك فى حضنك بأحساسك بصلواتي ليك حتى لو مش

هتستجيب ليا بس انا بحب وجودك فى قلبي فى حياتي.. والملكوت نفسي اكون فيها

عشان ابقى معاك.. لكن لو شايفني مستحقهاش مش عايزاه ارجوك ارجوك ارجوك

سبني بس احس بيك جوايا مالك كياني واحساسي واصليلك متستجبش مدخلنيش

الملكوت متغيرش حياتي خليها احزان بس عايزاااااااااك عايزاك سبني استريح فى

حضنك الليلة ارجوك زاي ما عملت يوم ما تعبت وطلبتك وجيت خدتني فى حضنك

خدتني فى حضنك طول الليل وهدتني صحيت مش شايفة الناس مش شايفه العالم

صدري مش حاسس غير بحضنك اللي انت كنت ضمه.. مش فاكره غير بهدوئي

وسكوني والروحانية العالية اللي كنت حاسه بيها معاك..

حياة هتخلص..

ناس هتنتهي

صداقات حب بينتهوا

فرح وضحك وهمسات بتنتهي

انما انت.. ايوه انت انت يا يسوع

انت فى قلبي مبتنتهيش.. انت مبتنتهيش

اوعى تفتكر ان ممكن حد ينزع حبك من قلبي

انت على قلبي محفور.. انت وشم واطبع على احساسي الى الابد

انت سرمدي انت باقي انت حاضر فى الكون كله وفيا..

مش فاكر.. مش فاكر لما كنت بدخل الكنيسة وهي قربت تقفل وكنت بروح

فى الوقت ده بالذات عشان عشان النور بيكون خافت وبكون انا وانت بس لوحدنا

لوحدنا عشان انت اللي بتريحني انت الوحيد اللي بتطهر قلبي بترجع تمنحني الحياة

وتعيشني.. مش فاكر لما اول ما بقعد على ركبي قدام.. واقولك وحشتني.. الناس

بره متكلمتش عنك كتير.. بقعد احكيلك حصلي ايه طول اليوم.. كنت بجيلك كل يوم

فى نفس الميعاد الساعة 6 ونص ما انت عارف ميعادي معاك مكنتش بغيره..

كنت بحكيلك اكنك صاحبي.. كنت بقعد فى العربية واحساسي الجنوني كان بيخليني

اقفل عيوني وانا سايقة واتخيلك جنبي بكلمك.. كنت بمشي فى الشارع وانا مروحه

بيتي ساعات على رجلي اقولك يرضيك اللي حصل ده.. اسمعك بتهمس لا بس انا

معاكي.. ابصلك فوق.. وابتسم وادمع فى نفس الوقت.. واقولك وده بيكفيني..

بجد انت حبيبي بجد انا معرفش ازاي الناس كلها متعرفش النور الساطع اللي زايك


أنت عارف اني بحبك... انا لما بكون رايحة الكنيسة بتزوق بحس اني رايح اروع

ميعاد انكتب فى الحياة.. بحس اني رايحة اتجوز اني رايحة مقابله.. انت عارف


انت عارف ليه.. عشان فبرونيا.. فبرونيا بتحبك اوي انا ماليش غيرك.. مهما

حصل.. خليك جنبي يا احب من اي حبيب.. يا اغلى من اي قريب.. ياللي حياتي

لو تطلبها.. اتحرج لاني معنديش غيري اديهالك... بس قلبي كله واحساسي وكياني

كله ليك.. انا معرفش انا قولتلك ايه النهارده بس اعذرني كنت واحشني اكتر من اي

شئ ممكن يتوجد كنت واحشني وحشاه متحكاش ولا هيتحكي عليها ما بين المؤمنين

انا قولتلك على اللي فى قلبي.. مش طلبه منك غير انك تسيبني احس بيك سيبني

سيبني احبك.. افضل جنبي بس متعمليش حاجة بس الاحساس ده يكفيني.. انا بحبك

ومش طماعه اوجد فى قلبي احساس انك دايما بالقرب مني.. اخرتك... كلمتك كتير

متزعلش مني ما انت كنت واحشني.




بقلم احساسي.
الرجوع الى أعلى الصفحة اذهب الى الأسفل
very
مسيحي مدير


الجنس: ذكر
عدد المساهمات: 3043
العمر: 27
الكنيسة التابع لها: العذراء ومار مرقس

مُساهمةموضوع: رد: أنت وبس.. وبس   الأربعاء 01 فبراير 2012, 8:29 am

قلم احساسك يكتب اليوم احاسيس لا اروع ولا احسن منها
يكتب احسايس نابعة من قلب صادق محب
يكتب احاسيس تذكر كل من يقرئها اين الله فى قلبة
ويكتب احساسيس تبكى كل من هو بعيد عن الله ولا يحسة او ينظرة كما انتى
ويكتب احاسيس تذكر كل من هو بعيد عن الله ليرجع مرة اخرى ليذوقة

ليكن الله معنا ويشبعنا كما اشبعك او نشبع منه كما شبعتى


اقتباس :
سبني بس احس بيك جوايا مالك كياني واحساسي واصليلك

انا بكيت عندما قرات موضوعك هذا لانى من زمان ماحسيت بهذة الاحاسيس مع الهى حبيبي

كتير بعت عنك وكتير قربتنى
كتير هربت منك يا رب وجبتني
كتير أخطيت إليك ونسيت حبي اللي كان
كتير أنت ناديت واتحملت بحنان
لكن يا رب تاني رجعت وجبتني

سامحنى يارب ورجعنى ليك تانى Sad Sad v.sad pray

ــــــــــــــــــــــــــــــــــــــــــــــــــــــــــــــــــــــ
لا تنسى تقييم ردى
كثيرون يدخلون إلى الأرض , وهم من الأرض ثم يعودون إلى الأرض مرة أخرى لأنهم تراب والى التراب عودتهم وقليلون هم الذين يرحلون من الأرض إلى السماء فكانوا بيننا ملائكة أرضيون أو بشر سمائيون

" حَنْجَرَتُهُمْ قَبْرٌ مَفْتُوحٌ . بِأَلْسِنَتِهِمْ قَدْ مَكَرُوا. سِمُّ الأَصْلاَلِ تَحْتَ شِفَاهِهِم ْ. 14 وَفَمُهُمْ مَمْلُوءٌ لَعْنَةً وَمَرَارَةً . 15 أَرْجُلُهُمْ سَرِيعَةٌ إِلَى سَفْكِ الدَّم ِ. 16 فِي طُرُقِهِمِ اغْتِصَابٌ وَسُحْق ٌ. 17 وَطَرِيقُ السَّلاَمِ لَمْ يَعْرِفُوهُ . 18 لَيْسَ خَوْفُ الإِلهِ قُدَّامَ عُيُونِهِمْ " رومية 3 13: 18



افضل طريقة للرد على الموضوعات

كيفية اضافة ردود بافضل طريقة

كيفية رفع ملفاتك على المنتدى

الله يقول
أنا النور و أنتم لا تروننى
أنا الطريق و أنتم لا تتتبعوننى
أنا الحق و أنتم لا تصدقوننى
أنا الحياة و أنتم لا تعيشوننى
أنا المعلم و أنتم لا تسمعوننى
أنا السيد و أنتم لا تطيعوننى
أنا الرب و أنتم لا تدعوننى
أنا الصديق و أنتم لا تحبوننى
فان كنتم تعساء فلا تلوموننى



الرجوع الى أعلى الصفحة اذهب الى الأسفل
+فبرونيا ثيوبيستوس+
مسيحي متميز


الجنس: انثى
عدد المساهمات: 1328
العمر: 24
المزاج: أرحمني وأغفرلي أنا الغير مستحقة
الكنيسة التابع لها: الكاتدرائية المـُرقسية

مُساهمةموضوع: رد: أنت وبس.. وبس   الأربعاء 01 فبراير 2012, 4:09 pm

شكرا يا فيري على ردك..


وأن كان قلم احساسي كتب هذا فهذا لانه لا يستطيع التعبير بالكلمات اكثر.. واحساسي بألهي الحبيب يعلو عن ذلك بكثير.. تكلمت فى هذا الموضوع ليسوعي مباشره هو كان حاسس بي وانا اكتب اعلم هذا وقلت له كل احساس قلبي له ولم اخبئ عليه شئ فى شعوري تجاهه.




نورتني flower
الرجوع الى أعلى الصفحة اذهب الى الأسفل
Victoria Faith
مسيحي مشرف



الجنس: انثى
عدد المساهمات: 1485
العمر: 42
الكنيسة التابع لها: القديس يوسف

مُساهمةموضوع: رد: أنت وبس.. وبس   الخميس 02 فبراير 2012, 9:45 am

فبرونيا

انا مش لاقية كلام حتى ارد عليكي

تصدقي انا كنت كاتبة حاجة عن يلي قلتلك ياه

عن موضوع المطرقة والقيود

بس ما بعرف ليه لاول مرة ما حبيت اكتبو

هو يعني شبيه شوي لموضوع يلي انت كاتباه هوني

الله يباركك

وتبقى دائما في حضن الله وهو في قلبك وانتي في قلبو

kis flower pray

ــــــــــــــــــــــــــــــــــــــــــــــــــــــــــــــــــــــ

يا الهي بين يديك اضع سفينة حياتي فكن انت القائد والربان الذي تقودني الى حيث تشاء
الرجوع الى أعلى الصفحة اذهب الى الأسفل
+فبرونيا ثيوبيستوس+
مسيحي متميز


الجنس: انثى
عدد المساهمات: 1328
العمر: 24
المزاج: أرحمني وأغفرلي أنا الغير مستحقة
الكنيسة التابع لها: الكاتدرائية المـُرقسية

مُساهمةموضوع: رد: أنت وبس.. وبس   السبت 04 فبراير 2012, 4:00 am

ويباركك يا حبيبتي...


منوراني.
الرجوع الى أعلى الصفحة اذهب الى الأسفل
+حبيب يسوع+
مسيحي نشيط


الجنس: ذكر
عدد المساهمات: 173
العمر: 27
الكنيسة التابع لها: القبطيه الارثوذكسيه المرقسيه

مُساهمةموضوع: رد: أنت وبس.. وبس   الثلاثاء 27 مارس 2012, 7:42 am

من حلاوة الموضوع مش عارف اقول رائع ولا جامد اخر حاجة ولا ممتاز

اجمل ما في الموضوع ان كلامه خارج من قلب بيحب ربنا اوي او ممكن اقول قلب عايش جواه ربنا

ومن الجمل الرائعه اللي في الموضوع

اقتباس :
بس انا بحب وجودك فى قلبي فى حياتي

اقتباس :
سبني بس احس بيك جوايا مالك كياني واحساسي

اقتباس :
انت فى قلبي مبتنتهيش.. انت مبتنتهيش

اوعى تفتكر ان ممكن حد ينزع حبك من قلبي

انت على قلبي محفور.. انت وشم واطبع على احساسي الى الابد

اقتباس :
بجد انت حبيبي بجد انا معرفش ازاي الناس كلها متعرفش النور الساطع اللي زايك

اقتباس :
خليك جنبي يا احب من اي حبيب.. يا اغلى من اي قريب..

اقتباس :
قلبي كله واحساسي كله وكياني كله ليك

اقتباس :
مش طلبه منك غير انك تسيبني احس بيك سيبني

سيبني احبك.. افضل جنبي بس متعمليش حاجة بس الاحساس ده يكفيني..


و الجميل في الموضوع برده انه بيدي للواحد دفعه انه يرجع تاني لربنا و يقوي علاقته بيه

[size=24]بصراحه الموضوع ده من اجمل المواضيع اللي شفتها في المنتدي

[/size]
الرجوع الى أعلى الصفحة اذهب الى الأسفل
+فبرونيا ثيوبيستوس+
مسيحي متميز


الجنس: انثى
عدد المساهمات: 1328
العمر: 24
المزاج: أرحمني وأغفرلي أنا الغير مستحقة
الكنيسة التابع لها: الكاتدرائية المـُرقسية

مُساهمةموضوع: رد: أنت وبس.. وبس   الخميس 29 مارس 2012, 9:23 pm

شكرا جدا لتقديرك...



نورتني... ويا رب كلنا مشاعرنا تبقى كده دايما واكتر بربنا ونوصل لمراحل اكثر روحانية مع الله.
الرجوع الى أعلى الصفحة اذهب الى الأسفل
رؤوف عبد المالك ابراهيم
مسيحي جديد


الجنس: ذكر
عدد المساهمات: 2
العمر: 28
الكنيسة التابع لها: دير الاباء الرسل باطفيح

مُساهمةموضوع: رد: أنت وبس.. وبس   الأحد 16 فبراير 2014, 5:44 pm

فبرونيا
حقيقى كلامك ده كله احاسيس نابعه من قلب اختبر ربنا وعاش معاه حياه حقيقه
كلامك كل مره اقراءه ب ابكى على نفسى لانى عايش حياه مزيفه
حقيقى ربنا لمس قلبك ...
يارب المس قلبى واسكن جوايا
يارب اجعل قلبى يكون مسكن ليك
اجعل قلبى يكون عرش النعمه اللى انت ساكن فيه
الرجوع الى أعلى الصفحة اذهب الى الأسفل
+فبرونيا ثيوبيستوس+
مسيحي متميز


الجنس: انثى
عدد المساهمات: 1328
العمر: 24
المزاج: أرحمني وأغفرلي أنا الغير مستحقة
الكنيسة التابع لها: الكاتدرائية المـُرقسية

مُساهمةموضوع: رد: أنت وبس.. وبس   الخميس 20 فبراير 2014, 6:19 pm

شكراً يا رؤوف ربنا يبارك حياتك,, ويجعلك تسكن فى القداسة طيلة ايام حياتك.
الرجوع الى أعلى الصفحة اذهب الى الأسفل
 

أنت وبس.. وبس

استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
++ Ana Mase7e forum++ :: المنتدى الروحي :: مواضيع روحية-