مشكلة شاب

موضوع: مشكلة شاب الخميس 23 أكتوبر 2008, 9:46 am

*** استر على ابنك ***

الانسان اللى عنده مبدء صعب جدا انه يحرج اهله

او حتى معرفه

فلان
فلان ده مشكله
عنده34 سنة متجوز
وخادم اعدادى
سعاعات شغال وساعات لا!!!!!!!!!!!! !!؟
حتى الخدمة ساعات بيخدم وساعات لا!!؟
المهم
مشكلته
انه عايش الدنيا من غير هدف
حتى جوازه من غير هدف

فلان كل لما يشوف حد يستلف منه
وخصوصا اولاده فى الخدمه

فلان: ازيك يا مارك
مارك: ازيك يا استاذ
فلان: بقولك ايه يا حبيبى معاك فلوس؟؟؟
مارك :ايوة يا استاذ 5جنيه
فلان : طيب معليش هات 3 جنيه علشان انا فلوسى نيستها وبكرة ادهالك

طبعا ما فيش بكرة

يستلف حتى من اولاده فى الخدمة
من امهات المخدومين اولاده

المهم سيرته على كل لسان
الكنيسة كلها عارفه كده عنه

المهم

هو شخص غير مرغوب فيه
ودايما عامل نفسه قديس

فى مرة مراته تعبت
وكان عاوز يوديها لدكتور بس معوش فلوس
مع الاسف
فكر

خطط

راح

راح دخل الكنيسة
والكنيسة فاضية وكان بالليل
وفكر انه يسرق صندوق الكنيسه

ومسك سلكة وحاول يطلع الفلوس

وفعلا طلع على حظه ورقه 100 جنيه
وهو خارج قابله ابونا
ابونا : ازيك يا اخ ....
فلان : الحمد الله كويس
كنت جى احضر التسبحة بس ما لقتش حد
صلواتك يا ابونا
ابونا : الميسح يحميك ويحافظ عليك

وبعدها بيومين
الفكرة عجبته
راح فى نفس المعاد وعمل نفس الحكايه
وسرق مرة واتنين

وفى مرة
وهو بيسرق شافته ام واحدة من المخدومين عنده
فلان اضخد ووشه جاب الوان ومعرفش ينطق

الام: ايه ده هو انت بتسرق مش كفايه بتستلف فلوس منى ومن ابنى مارك

فلان : ارجوكى بلاش صوت عالى
الام: ده انا هفضحك
فلان :ارجوكى انا هديلك كل اللى اخته منك
الام : طبعا من السرقة

وصوتهم على وهو حاول يسكتها وحاوك يحط ايده على بقها علشان تسكت وهى مسكت فيه

وبقت حكايه والناس اللى فى الكنيسه اتلمت

حتى ابن الست جيه وحاول يضرب استاذ فلان

وفجاة دخل ابونا ابراهيم
الام: شفت الواد ده بيسرق و و و و و

===========

شباب
مين يقول المشكله الحقيقيه فيه ايه؟؟؟

وتفتكروا ابونا ابراهيم هيعمل معاه ايه؟؟؟؟

+++++++++++

فلان كان عايز يجرى يهرب
كان عاوز ان الارض تنشق وتبلعه

الكنيسة كلها اتلمت والناس كلها بتقول الحق الواد بيسرق الكنيسة ومامت مارك مسكته

وبقت فضيحة بجلاجل

المهم

لما دخل ابونا ابراهيم
الكل سكت
وشوية وقالت ام مارك: شوفت الواد ده بيسرق و .... و و و و

بص ابونا اليه بصت عتاب اب لابنه

وكملت الام:وكمان كان بيستلف من..........؟

وهنا قال ابونا بصرامه: ايه يا ست انتى
عيب كده !!!!!!!! ازاى تتكلمى كده على خادم من الكنيسة

الام: يا ابونا ده انا شفته بيسرق فلوس الكنيسة وكمان............ ..!؟
قطعها ابونا
ابونا : ايه قلتلك عيب
من اللى قال انه كان بيسرق؟؟؟؟؟؟

الام: يا ابونا ده انا شوف.........؟
قطعها ابونا تانى
ابونا:؟ انتى بتكررى الغلط تانى؟؟؟؟
اولا هو ما كنش بيسرق!!!!!!!!!!!! !!!؟
ده كان بيحط فلوس انا اعطيتهاله بنفسى

الام: يا بونا ....انا .....قدسك يعنى.........؟

ابونا :كدبينى انا كمان!!!!!! وقولى انى انا كمان يسرق؟

الام: العفو يا ابونا

الكل مستغرب من رد فعل ابونا ومش عارفين هى الحقيقه فين؟؟؟؟

ومش قادرين يتكلموا او يردوا بكلمه على ابونا

المهم
فلان كان اكتر منهم مزهول

الناس كلها مشيت ما فضلش غير ابونا وهو فى الكنيسة

ابونا: يا ابنى فى حد بيسرق ابوه؟؟؟
مش ربنا هو ابوك؟؟؟؟
على العموم ابوك ستر عليك

ايوة ابوك اللى مات عشانك ستر عليك

+
+
والاغرب
من كده حاجة مش ممكن تتخيلوها

مش ممكن

مستحيل
++

بس هو ده اللى حصل

ابونا فتح الصندوق اللى كان عاوز يسرقه !!!!!!!!!؟
ابونا : خد يا ابنى اللى انت عاوزه
ديه فلوسك ابوك

فلان راح صرخ

صرخ صرخة كان محتاجها من زمااااااااان

صرخ وصوته هز الكنيسة
صرخ من جواه وقال
فلان: يا ابونا انا حرامى
ايوه انا حرامى

بكى
دموعه ملت عينيه وصوته رااااح من العياط

توبه
ربنا بيعرف ازاى يتوب كل واحد

وكان غرقان فى الدموع ووشه فى الارض
ابونا ابراهيم بجد اب

ابونا ابراهيم حضنه
وهو اول مره يلاقى صدر دافى اصيل
ابونا: عيب كده يا واد هو فيه راجل يعيط؟؟؟
فلان: لا يا ابونا فى حرامى لازم يتوب

ابونا : عيب يا واد قلتلك
فلان: اصل يا بونا اصل.......؟
ابونا : ولا اصل ولا فصل ايه اللى حصل يعنى؟؟؟

ابونا:شوف يابنى ما حدش بيسرق ابوه

وكلمه بقت فى ودانه
ما حدش بيسرق ابوه

اوعدك امام ربنا انا مش ممكن اسرق تانى حتى لو هموت

بالفعل كان صادق بالفعل
وما مدش ايده تانى لاى حد حتى موضوع انه يستلف بطله

طوباك يا ابومقار طوبالك يا مقاريس
يا من تشبهت بالديان تستر خطايه النفوس

طوباك يا ابونا ابراهيم طوباك يا اب حنون
تشبهت بالديان وسترت خطايه
وديه العبارة اللى دائما كان بيصلها دايما

ودايما يعلم اولاده
ما حدش بيسرق ابوه
منقول
[img:1a8f]http://www.saint-marina.com/vb/images/smilies/ccc[1].gif[/img:1a8f]

[/b]

موضوع: رد: مشكلة شاب الخميس 23 أكتوبر 2008, 11:43 am

قصة رائعة جداااااااااااااااااااااااااااااااااااااااااااااا
مش لاقى كلام يعبر عن فرحتى بالموضوع دة
ربنا يعوضك يا كارز الحب

موضوع: رد: مشكلة شاب الخميس 23 أكتوبر 2008, 12:06 pm

فعلاً قصة رائعة

موضوع: رد: مشكلة شاب الخميس 23 أكتوبر 2008, 5:05 pm

التوبة شيء عظيم وانشالله الكل يتوب ويعودللاب السماوي
ميرسي للقصة المفيدة

موضوع: رد: مشكلة شاب الخميس 23 أكتوبر 2008, 9:20 pm

ميرسي اوي على مروركم وربنا يبارك حياتكم وخدمتكم

قصة جامدة موت
ربنا يعوضك بجد حلو اوى
ربنا ينفعنا ببركات القدسين العظام دول