ربنا نمرة 1 ؟

ربنا لازم يكون غالي علينا كان هناك طالبه تدرس بمدرسه راهبات وكانت سيرمندس هي المسئوله عن وضع كل أمتحانات العلوم والرياضيات لكل فصول أعدادي وثانوي وكانت دايماً بتحط أمتحانات صعبه جداً تتحدث هذه الطالبه تقول أنه في يوم كان عندنا أمتحان الشهر بتاع الكيميا وأول حصه لليوم ده كان في أمتحان للمسيحيات ومن كتر خوفنا من امتحان الكيميا أنا وكذا بنت قررنا منحضرش القداس ونعقد في الحوش علشان نذاكر سيرمندس أخدت بلها أن فيه 11 بنت محضروش القداس جمعتنا (ال 11) في مكتبها سالتنا بكل هدوء كونتوا فين وقت القداس قولنا لها كنا في الحوش سألتنا كونتوا بتعملوا أيه في الحوش قولنالها كنا بنراجع علشان أمتحان الكيميا بكل حزم وهدوء يفرس قالت لنا طلعتوا أغبيا ولا واحده فيكم هتدخل امتحان الكيميا النهارده وكلكم هتخدوا صفر في الشهاده الشهر ده علشان تتعلموا أن في كل مره هتفضلوا حاجة علي ربنا هتخسروا الكل حاولنا طابعاً نبوس القدم ونبدي الندم علي غلطتنا لكن خلاص مفيش فايده البنات عيطوا وأعتذروا وتوسلوا ولكن أنا الوحيدة اللي منطقتش مش علشان مش عايزه أعتذر لأ لكن من كتر الصدمه ما كانت الصدمه كبيره بالنسبه ليا مخي مقدرش يستوعبها كنت حاسه أني في كابوس ولكن كلها شويه وأصحي من النوم وأروح الامتحان مكنتش متخيله أبداً أن عدم حضورنا القداس ممكن تكون عقوبته هيه حرمنا من دخول امتحان الشهر مكنتش قادره أفهم هيه سيرمندس محبكاها كده ليه يعني هيه الكنيسه هطير ما احنا عندنا قداس كل يوم أربع ايه المشكله يعني أن احنا محضرناش النهارده علشان أمتحان الكيميا ماهيه عارفه بتجيب لنا أمتحانات شكله ايه وبعدين هي الصلاه بالعافيه يا ناس اللي بالغظب ده لأ وزاد وغطه انها عايزه تحط لنا صفر في الشهاده البنات خرجوا كلهم من مكتبها وأستنيت أنا وقولتلها ممكن أقولك حاجة قالتلي قولي لو أتحط ليا صفر في الشهاده مش هقدر أدخل بيتنا أبتسمت وقالتلي أنا عارفه بس أنتي بالذات أنا عايزه أعرف محضرتيش القداس ليه سيبتي ربنا علشان درجه زياده جمدت قلبي وقولتلها حضرتك مامسكتناش وأحنا بنحاول ننط من علي سور المدرسه أحنا مكناش بنعمل حاجة غلط أحنا كنا بنذاكر علشان أمتحان الكيميا قالتلي أنا ماعاقبتوش علشان بتعملوا حاجة غلط لكن أنا عقبتكوا علشان معملتوش الحاجة الصح النهارده انتوا محضرتوش القداس علشان أمتحان الكيميا والأسبوع اللي جاي مش هتحضروا القداس علشان أمتحان العربي واللي بعده علشان امتحان كذا أبليس بيحاول بكل الطرق يخلق الاسباب المقنعه جداً واللي مش غلط علشان يبعدنا عن ربنا ووقت ربنا لازم يكون مقدس وغالي علينا انتوا الخسرانين لأن طول ما الشخص بيحط ربنا في أخر قائمه أعماله طول ما ربنا بيحطه في أخر قائمه أستجاباته قولتلها طب مره أخيره عن نفسي وبالنيابه عن زملاتي بنقول لك أحنا أسفين ومش هنعمل كده تاني وقالت ليا وأنا قبلت أعتذارلكم مصدقتش وداني قولتلها يعني أقول للبنات أننا هندخل الأمتحان قالتلي لأ أنا قبلت أعتذارلكم لكن مش هتدخلوا الأمتحان فاض بيا فأنفجرت هوه حضرتك فاكره أنك بالطريقه ده هتخلينا نحب ربنا ممكن تقوليلي أن بالطريقه ده هتخلينا نحب ربنا ممكن تقوليلي لما أرجع البيت النهارده وماما تسألني عملتي ايه في الامتحان اقولها ايه؟؟ انتي مش قادره تستوعبي حجم المصيبه اللي انا فيها قالتلي حبيبتي متخفيش من حاجة قولي لوالدتك تيجي تقابلني بكره وانا أوعدك ان محدش يكلمك بكلمه أوعي تفتكري أن انا قرار منعكم من الامتحان علشان أضايقكم ولا علشان مش بحبكم ولكن مقدرش أتساهل وأنتوا مش فاهمين درس في منتهى الاهميه أن ربنا لازم يبقي نمره واحد انتي مثلاً مع ان مفيش كتير في شطارتك دراسياً ولكن متمناش لحد انه يكون في غباوتك روحياً علشان مفيش حاجة في حياتك غير المذاكره والدرجات انا مش بقولك متاكريش علشان أولاد ربنا مش خايبين أنا بقولك أتعلمي ترتبي أولوياتك صح وألا هتبقي عامله زي العروسه اللعبه شكلها حلو ولبسها جميل ندوس علي زرار تتكلم لغات لكن في الحقيقه ميته مفهاش حياه وده هيبقي حالك طول ما ربنا ملوش مكان في حياتك انا عارفه ان كلامي صعب عليكي بس جايز بعد سنين يجي يوم وتفتكري ان كان عندك راهبه في المدرسة سيرمندس قالتلك ان تعريف الغباوه هوه البحث عن السعاده بعيد عن الله هوه ربنا نمره واحد في حيات كل واحد فينا؟؟؟؟؟؟

ميرسي ليك
ربنا يعوض تعب محبتك