مشاكل عمو تاتس والعائلة حصرياً على منتديات أنا مسيحى

اتصل امبارح عمو تاتس بتانت نحنح... تابعوا انتوا اللى حصل
تاتس: ازيك يا نحنح
نحنح: تام الحمدلله
تاتس: ازاى العيال
نحنح: أنا لسة ماعنديش عيال
تاتس: يااااه بقالنا كتييييير مش بنتكلم... ده قلت ان اكيد ولادك كبروا... مش مهم دى حاجات بتاع ربنا.
نحنح: على رأيك... أنا سايباها فى ايد ربنا مش مستعجلة
تاتس: المهم ربنا يخليلك جوزك... هو عامل إيه
نحنح: أنا لسة ما اتجوزتش
تاتس: ياه للدرجة دى الواحد بينسى... واضح ان الذاكرة عندى بقت وحشة قوى... أنا آسف بجد
نحنح: لأ ولا يهمك
تاتس: انا كنت عوزك فى موضوع كدة ممكن
نحنح: اتفضل أنا تحت أمرك... خير
تاتس: لأ هو مش خير قوى... هى مشكلة جامدة جداً وقولت أكيد انتى اللى هاتلاقى الحل زى زمان
نحنح: قول بقى انت قلقتنى
تاتّس: بصى ياستى... عمو سنّح اتخانق معايا وقالى يا تاتّس لازم نخرج جدك... هانس لأن أعصابه تعبت واتخانق معايا... وشوفى اللى حصل بقى ياست نحنح...
هانّس: أنا لازم أخرج مش عاوز أعد فى البيت
سنّح: تخرج تروح فين انت صحتك مش متحملة
هانّس: أنا لو ماخرجتش هابهدل الدنيا
سنّح: خلاص نروح كازينو
هانّس: وأنا موافق هاتودينى فين
سنّح: قول انت تروح فين؟
هانس: أنا عوز أروه كازينو اليلة البيضاء
سنّح: شوف مكان تانى... الأبيض بيبقع بسرعة وبقعته مش بتطلع
هانس: لأ ماليش دعوة أنا لازم أروح الكازينو الأبيض
وكان خلاص عمك نحنح هايوافق وبعدين دخلت البت المفحوصة اللى طولها أقل من بوصة اللى اسمها شحرورة
شحرورة: جدو هانّس حبيبى أنا هاقولك تروح فين وانت تبقى مبسوط
هانّس: فييييييييين؟
شحرورة: البسين... قصدى يعنى حمام سباحة
هانّس: أيوة هو ده أنا عاوز أروح حمام سباحة
سنّح: أنا موفق عشان تغير جو
فجات الجدة الخطر جداً واللى كله بيخاف منها واللى اسمها واقعة سودة رمز الشباب الدائم شباب فوق سن المية وعشرين
واقعة سودة: حمام سباحة إيه يا هانّس يعنى انت تروح حمام سباحة وأنا أعمل إيه
هانّس: ما تيجى معايا
واقعة سودة: اجى ازاى ما نت عارف اللى فيها وانى مش بينفع أنزل الماية
هانس: وأنا مالى دى مشكلتك... انا هروح حمام السباحة... ماليش دعوة
سنّح: إيه المشكلة يا جماعة ان تيتة تيجى معانا
بسرعة جداً قالت شحرورة اللى طولها أقل من بوصة: أصل جدو قالى ان تيتة من كتر الغسيل بقت بتكش من الماية وده بسبب الزمن لأنها بقت عجوزة
وهاتك بعديها يا خناق ومسكت الجدة واقعة سودة فى كلمة عجوزة وطلبت الطلاق عشان تشوف مستقبلها مع حد تانى... مش عارفين نصالحهم على بعض عشان يكملوا مسيرة حياتهم ويبدأ كل واحد فيهم مع التانى مشوار حب جديد
...... أرجعوا بالذاكرة معايا
تاتس: قوليلى الحل يا نحنح هانم أرجوكى
نحنح: انت قولت اسمك إيه؟
تاتس: تاتس... لحقتى تنسى
نحنح: انت طالب مين
تاتّس: أنا طالب الست نحنح
نحنح: لأ بجد أنا أنا آسفة النمرة غلط... رقمى أنا مش رقم نحنح