عارف انت مين ؟

عارف انت مين ؟

انت نموذج أمين

انت كل البني أدمين

انت وانا وهي وهو ... نبقي مين ؟

بشر مساكين ... محتارين

مليانين مشاعر وأفكار وأسرار وأغوار وملونين

يوم تشوف نفسك ملك أو أمير

ويوم تلاقي نفسك عبد حقير

يوم تصلي ترنم ... وتلمس السما يا قديس

ويوم الأرض تلمسك ... تبقي عميل لإبليس

انت وانا وهي وهو ... نبقي مين ؟

بشر مساكين ... محتارين

مليانين مشاعر وأفكار وأسرار وأغوار وملونين

مش عارفين احنا مين

نبكي دم ودموع وألم وأنين

نسأل اللي رايحين واللي جايين

كلهم زينا وأكتر مننا مساكين

مساكين ... مش عارفين احنا مين

ونلف حوالين نفسنا سنين وسنين

لغاية ما الواحد مننا يقابل الشفيع المعين

اللي نزل يعرَّفنا بحبه ونعرف احنا مين

كل ما نشبع بحبه أكتر

يرتاح القلب ويدوب الأنين

وحبه يشفي ويعالج جروح السنين

وحبه فينا يورينا

صورته وملامحه في كل الموجودين

انت وهي وهو عرفتكم انتوا مين

لما عرفته عرفت نفسي وعرفتكم انتوا مين

لما عرفته عرفت حبه

وعرفت معنى الحب ونسيت الأنين

وجيه عطا

انا مين؟؟؟!
أنا متعمّد وابن يسوع
أنا بوعظ أفراد و جمـوع
أنا مـليان بركات وخـشوع
أنا موجود وعليَّ العين!!

بين الناس .. ليا مـقام
في القداس .. مقبلش كلام
مانا شماس بأسـاس ونـظـام
أنا غير باقي البنآدمين!!

أنا بخدم أولاد وشباب
وأمسك أسـرة درس كتاب
و بنـــظّم دورات ألـعاب
وأعمل رحلات للشاطرين!!

وأنا على فكره بقى فنان
و بمثّل , وبـغنيّّ كــمان
وبدرّس قــبطي وألـــحان
أنا شـاعر .. بكتب دواوين!!

أنا خاطي لكنْ مش نادم
مانا في الظاهر أعظم خـادم
ده يمكن أكون الكـاهن القادم
مانا بعرف أظــهر مسكين!!

أنا متجدد, أنا موهـوب
أنا مـتودد, أنا مـــحبوب
أو متشدد .. أو مـــــرهوب
حســب الـدفّة رايـحة لفين؟!!

أنا كلمنجي .. أنـا متسلّق
أنا محــورجي .. أنا متملّـق
أنا مشــهور.. أنا مــتآلِــق
أنا ع القمة.. مــع الفايزين!!

طبعا وضحت أنا مين أكون..
بلـــمع وأخدع أيّ عيون..
وقلبي الفاضي صـــار ملعون
أصل أنا أبقى من الملاعيــــــــن

أصل أنا أبقى شجـــــرة تـــيــــن..

جميله جداااااااااااااا جداااااااااااااااااااااااااا

منتهى الرووووووووووووعة بجد يا أنا مسيحي..

دلوقتي عرفين أحنا مين.. شكرا جدا.

» أنا عارف ومتأكد
» عارف انك متحملني
» أنا عارف ومتأكد
» ابتسم ............ عارف ليييييه ؟
» عارف يعني ايه تكتشف ناس؟