عايزك تضرب كوبايتين قهوة معتبرين وتسمعنى
......................................................................
عارفين ايه اللى هيحصل لو انت مسكت جردل (أقصد جردل حقيقى مش السيد نظيف) وخدت الجردل ده عند المحيط ومليته منه
هل هيفضل مكان ما خدت الميه فاضى ؟؟؟؟؟؟؟؟
أكيد لأ ... لأن المحيط هيعيد توزيع الميه اللى فيه ويملا الجزء اللى انت سيبته فراغ
أقفش بقى فى النتيجة دى علشان هنحتاجها بعدين
.............
هل حد فيكم عنده تصور لنسبة الناس الابرار او الابرياء اللى فى العالم ؟؟
انا هقولكم أفضل احصائية متفائلة
واحد لكل عشرة
يعنى لو فرضنا ان تعداد سكان العالم عشرة مليار يبقى هنلاقى مليار برئ وتسعة عايزين الحرق
اقفش بردو فى النتيجة دى هنحتاجها بعدين
........................................
داروين قال ان العالم قايم على الصراع من أجل البقاء
لكن اللى اثبته العلم فعلا ان العالم قايم على التوازن
وده السبب اللى يخلى الارانب عدد مواليدها بالهبل لكن الاسود والنمور تبقى عدد مواليدها قليل
وده اللى يخلى العالم زى المسطرة لما تحطها من النص على صباعك وتعملها توازن كل ما تحط عليها تقل من ناحية تحاول تعادله انت بأى طريقة علشان تحافظ على المسطرة
أقفش فى النتيجة دى كمان
.........................................
علشان تعرفوا هدفى فهو انى اخلص العالم من التسعة مليار اللى عايزين الحرق وانى اساهم فى توريد اكبر عدد ممكن من البنى ادمين للملكوت
( طبعا انت فتحت بوقك بس مش هقولك اقفله لأن التهوية مفيدة)
فى كل الافلام (ماعدا الروسى منها لأنهم بيخلصوا على بعض فى النهاية) بتبقى النهاية ان الاشرار هما اللى يموتوا علشان العالم يبقى أفضل
أنا بقى هقولكم على الطريقة الصح
أحنا تخيلوا معاى اننا قتلنا المليار انسان الابرياء الحلوين ايه اللى هيحصل ؟؟
أولاً : هيبقى احنا ساعدنا المليار دول انهم ميكملوش فى عالم مليان شر ورذيلة ويبقى عملنالهم خدمة بأننا قصرنا طريقهم للسما
ثانياً ( وده الاهم ) : حسب النتيجة التالتة فالعالم قايم على التوازن يعنى استحالة (وبقولها انا عن ثقة) هيسيب كل اللى عايشين فيه يبقوا اشرار اصلهم هيسرقوا من مين ؟ وهينصبوا او يقتلوا مين ؟ ما احنا قتلنا الابرياء
وطبقاً للنتيجة الاولى فالعالم زى المحيط مش هيسيب الجزء اللى اخدناه فراغ وهيعيد توزيع الناس تانى علشان يسد الفراغ اللى عملناه لما قتلنا المليار بار .. وهيصبح الاقل شراً فى التسعة مليار هو البرئ الطيب الجديد
وحسب النسبة اللى قفشناها فى النتيجة التانية
يبقى العالم هيعيد توزيع التسعة مليار كالآتى
8,100,000
أشرار
و
900,000
أبرار ( اللى هما كانوا اقل شرا والعالم اعاد توزيعهم )
وتخيل اننا كررنا العملية تانى وقتلنا التسعمية ألف دول هيحصل ايه ؟
( انا واثق فى ذكائك )
بالظبط كده العالم هيمسك ال8100000 ويعيد توزيعهم تانى حسب النسبة المقفوشة سابقا كالآتى
7,290,000
أشرار
و
810,000
أبرار ( اللى بردو هيكونوا هما الناس اللى اقل شراً)
.......................................................................................................................
كده يبقى سيادتك ساهمت فى توريد اكبر عدد من البنى ادمين الكويسين للملكوت وفى نفس ذات الوقت خلصتهم من متاعب العالم وفى نفس ذات الوقت قللت الشر فى العالم من تسعة مليار إلى سبعة مليار وشوية فكة
يبقى تخليص العالم من الشر وتحسين حالته قايم على قتل الابرار لأن قتل الاشرار هيخلى العالم يخلق غيرهم علشان التوازن
يبقى من أجل عالم أفضل ساهم معاى فى قتل برئ
)
(■■■► popshan ◄■■■)
اعلى كل موضوع بالمنتدى
موضوع: فتح مخك معايا 
الإثنين 20 ديسمبر 2010, 3:27 pm
