يبقى انت اكيد فى مصر

كلماات مؤلمة جدا لانها بتعبر عن الواقع دلوقتى فى مصر

للاسف بلدنا مليانة بخفافيش الظلام

بس ربنا اكيد مش هينسى ولاده ولا دم ولاده اللى بيسيل فى مصر

شكرا يا يوسف على الموضوع

جميل جدا اننا نبقى واضحين لهذه الدرجه .. وانا مقدر مشاعرك .. ومش هعلق على اى اتهامات .. ولا هقول كم واحد قتل فالثورة مسلم وكم مسيحى ولا هقول ولا هقول
انا هقول شىء واحد بس
ادعى انتىقول يا مسيح انه يكتبلك النصر علي من قالوا لا الله الا الله الحى القيوم امنا بانبياؤه ورسله وملائكته واليوم الاخر ونحن له مسلمون
وانا هدعى اقول يا خالق كل شىء يا واحد يا قهار يا عزيز يا منتقم يا اكتب لنا وللمسلمين النصر على كل من يكفر او يشرك بك
تعالى نشوف ربنا هيستجيب لمين
ليا بس كلمه اخيره لو فى وطن انا بتظلم فيه وبتقتل وبغتصب و و و والغرب قاتلى المسلمين ومنتهكى الحرمات فى سجون ابو غريب و غيرها وسارقى ثروات الشعوب وحرياتها لو الغرب ده هو الى هيحققلى العدل وهيعاملوكى على انك منهم مش على انك عربيه
اعتقد التأشيره دلوقتى مش صعبه فى ظل الظروف القاسيه والاضطاد الى بتعانوه فى مصر
وان واجب على الدول القبطيه انها تسترعيكم وتاخدكم زى ما السعوديه ومصر وغيرها بتعمل مع الفلسطنين كده وبياخدوهم يعلموهم ويشغلوهم
صدقينى انكم لو معرضين لاضطهاد فى مصر مش هتستحملو تعيشو فيها يوم واحد
انا مش هقولك احنا قدرنا واحد ولا هقولك عبرنا القناه سوا
انا هقولك انى كمسلم القرآن والسنه رفضوا اى اضطهاد لغير المسلم ورفضو ان يخرج من داره ورفضو ان يسلب ماله او نسائه او ان يقتل الا فى ارض القتال
ماتفتكروش ان بعدنا عن تطبيق الشريعه بيحميكو
لان الى بيبعد عن دينه فلا مبدأ له فهل هتقدرى تحسى بالامان وسط ناس عديمة المبادىء؟؟
فمابالك لو المبادىء دى بتقولنا ان النصارى اكثر موده وقرب لينا وان فيهم قسيسين ورهبان بنحترمهم
( لم يسجل التاريخ فى عهد الرسول محمد صلى الله عليه وسلم او فى عهد الخلفاء الراشدين اى نوع من انواع الاضطهاد او التفرقه بين المسلم والمسيحى )دى الناس الى طبقت الشريعه صح
انا هقول آيه بحب اقولها ونفسى اى مسيحى يفكر فيها بالمنطق بس مش عاوز اكتر من المنطق ( قُلْ يَا أَهْلَ الْكِتَابِ تَعَالَوْا إِلَى كَلِمَةٍ سَوَاءٍ بَيْنَنَا وَبَيْنَكُمْ أَلَّا نَعْبُدَ إِلَّا اللَّهَ وَلا نُشْرِكَ بِهِ شَيْئًا وَلا يَتَّخِذَ بَعْضُنَا بَعْضًا أَرْبَابًا مِنْ دُونِ اللَّهِ فَإِنْ تَوَلَّوْا فَقُولُوا اشْهَدُوا بِأَنَّا مُسْلِمُونَ )
انا لما بدعيك مش بقولك اشتمى حد ولا اكفرى بحد ولا بقولك المسيح كان مضل
انا بقولك اشهد ان لا اله الا الله وماتشركش بالعبادة لحد غيره وماتتخذش اله غيره
الجمله دى مالها بالعقل منطقيه وبالقلب ايضا ...والجمله دى هى الاسلام ان احنا مابنعبدش غير ربنا الى خلق كل شىء وهو ده الى جاء به محمد صلى الله عليه وسلم عشان كده صدقته وشهدت بانه رسول الله ..لانه ماقالش شىء غلط اوا يرفضه العقل.. وانا هعمل موضوع دلوقتى ياريت تتابعيه

انا كأنسانة لا اهتم بما تعبد ولكن بهتم انك لازم تحترمنى وتحترم معتقداتى ده اذا كنت انت عايزنى احترمك واحترم معتقداتك
فهل هذا مطلب صعب للدرجة دى؟؟

اذا كنت تنعتنى بالكفر ازاى عايزنى اصدق انك بتحترمنى؟

انت بتقول ان القران قال ان النصارى اكثر مودة للذين امنوا ولكنك ايضا لم تذكر ان القران يقول لن ترضى عنك اليهود والنصارى حتى تتبع ملتهم وده طبعا مش صحيح وكأنه بيقول للمسلم متصدقش ان اى يهودى او نصرانى هيحبك ويرضى عنك الا اذا بقيت زيه فهل ده شىء يدل على المحبة ؟؟

اقتباس :

ادعى انتىقول يا مسيح انه يكتبلك النصر علي من قالوا لا الله الا الله الحى القيوم امنا بانبياؤه ورسله وملائكته واليوم الاخر ونحن له مسلمون

انا هقول يارب نجينا من الظالمين

اقتباس :

وانا هدعى اقول يا خالق كل شىء يا واحد يا قهار يا عزيز يا منتقم يا اكتب لنا وللمسلمين النصر على كل من يكفر او يشرك بك

انت تنعتنى بالكافرة والمشركة رغم ان المفروض اننا من اهل الكتاب واهل الذمة وعايزنى اصدق انك بتحترم غيرك

اقتباس :

صدقينى انكم لو معرضين لاضطهاد فى مصر مش هتستحملو تعيشو فيها يوم واحد

لو؟؟؟؟ استوقفتنى اوى كلمة لو
طب تعالى نبدل الاماكن علشان نعرف حكاية كلمة لو
تخيل ان مصر دولة مسيحية اغلبيتها مسيحين وانت من الاقلية المسلمة ورغم انك من البلد دى لكن مبقيتش حاسس بأنتماء ليها (فقط لانك مسلم)

تعالى نشوف ايه اللى بيحصل

تخيل سيادتك ان المسجد بتاعك يهدمه مسيحين ويجمعوا تبرعات لبناء كنيسة فى نفس موقعه ويضعوا علامة الصليب مكان المسجد ؟هيبقى ايه شعورك؟

تخيل سيادتك لوكنت خارج بعد صلاة العيد من المسجد وفجأة شوية ناس فتحواالنار عليكم بالرشاشات ومات شباب زى الورد قدامك كل ذنبهم وجريمتهم انهم مسلمين بيصلوا ليله العيد؟ هيبقى ايه شعورك؟

تخيل سيادتك لو القاتل اخد اعدام فقط لانه قتل مسيحى بالصدفة ولانه لا يؤخذ دم مسيحى بدم كافر مثلك على حسب اعتقاد الاغلبية على افتراض ان الاغلبية مسيحية ولان الباقى قتلوا مسلمين فقط اخدوا براءة لان دم المسلم لا قيمة له؟ هيبقى ايه شعورك؟

انا مش هقدر اعدد او احصر الجرائم اللى بتحصل

بس بجد حرام عليكم انتم ليه بتكرهونا كده؟ ليه الظلم ده؟

هل بعد كل اللى انا قولته ده لسه هتقولى لو
لانك لو قوولت لو تانى هتبقى انسان ظالم

ربنا قادر على كل ظالم
ربنا موجود

بصى يا استاذه .. انا مش هصطفى كلام ابدا من خارج الشريعه عشان ارضيكى وانا عارف انك مش تحبى كده
بس شريعتنا لو انتى فهمتيها هتعرفى ان الحالات الفرديه دى ماهى الا مش هقول تعصب قد اقول جهل وحماقه
دم اى مخلوق على وجه الارض محرم عندنا خارج ميدان الحروب والقاتل بغير الحق يعاقب بالقتل .. وياريت تركزى فالى هقوله .. انا كمسلم
بررررىء من اى انسان قتل مسيحى او غيره او ضره او اذاه بغير وجه حق ..وانا ارى ان ماحدث فى كنسية القديسين مثلا او كنيسة اطفيح ماهو الا ظلم وفساد فى الارض
دينا يا استاذه نهى عن هدم دور العباده فى حالات الحروب فمابالك بدور عبادة الناس الى عايشين معاهم واتربينا كلنا وسطهم واتربو وسطنا والشعب الوحيد الى نبينا الكريم صلوات الله وسلامه عليه وصى بيهم هو شعب مصر
الى كان ساعتها كلهم اقباط او معظمهم
ثالثا انا لما قلت آية الموده مدرك ان فى آيه تانيه بتقول انكم مش هترضو عننا لحد ما نآمن بمعتقداتكم
ركزى فالايه بس الى بتتكلم عن الموده .. الموده شىء غير الرضا او الحب
يعنى انا ممكن اعامل انسان كويس او مابقاش معاديه وفنفس الوقت انا مش بحبه وراضى عنه زى اخويا الى بيصلى جمبى فى مسجد او كنيسه
وانا شايف ان الواقع فعلا بيعبر عن الكلام .. انه برغم كل الكوارث الى بتحصل الا ان المسلم علاقته بالمسيحى افضل مليار مره بعلاقته باليهودى او غيره ..
مع انه فى نفس الوقت عندكم الاحساس وعندنا احنا كمان باننا مستحيل يكون فى بينا صداقة مكتملة الاركان لان كل واحد فينا شايف التانى من جوه غير مؤمن
مع امكانية اننا بنود بعض وبنعامل بعض كويس فالحياه العامة بعيدا عن صفحات الانترنت ومجتذبات الخلافات والاختلافات
وانا والله ماعنديش اى مشاكل انى اعاشر واحد مسيحى واسكن معاه واكل انا وهو فطبق واحد وكل واحد ليه دين ومعتقدات وكل واحد بيحترم الاخر ومابيفرضش رأيه
الى حصل ليكم ده مش اكتر من حالات جهل وحماقة من بعض الناس الى هتلاقى فيهم اصلا الى مش حافظ تلات اربع سور من القرآن .. واكبر دليل على كلامى ان دينا الى لم يحلل بناء الكنائس او المعابد حلل بناءها فى حالة وقوع ضرر عليها زى ماحصل الاونه الاخيرة
على فكرة انا مش بتكلم من منطلق نفسى او تفكيرى والله بالعكس انا ممكن اكون عندى تعصب وبعترف انه غلط .. انا بتكلم من منظور ايمانى بدينى الى بيفرض عليا احترام كل المعتقدات وانه لا ضرر ولا ضرار وان السلام حياة وحق لكل من لم يضرنا حتى ولو كنا فى بلاد الغرب المضطهده للمسلمين والله انا ساعتها برده ماهستحل دم انسان وااحد منهم مهما وصل اضطهاده ... القتل عندنا يا اختى فى ساحة القتال فقط او فى القصاص من قبل ولى الامر فقط او فى الدفاع الشرعى عن النفس فى حالة محاولة احد قتلك فقط .. غير ذلك فوجب القتال على القاتل بغير وجه حق ...
اشكرك على اتاحة الفرصة لى فى ان اتكلم فى هذه النقاط واقولها لله لا اكثر برغم حسيت فكلامك بشوية عصبيه الا انى التمست منه امكانية العتاب وهى دى الموده الى اتكلمت فيها عشان كده كلامى كله ليكى خرج من صدر رحب دون اى عداء ولا اى رياء
وتقبلو جميعا مسلمين واقباط وكل من لم يرفع فى وجهنا عدة للأذى او القتال
تقبلوا جميعا تحية الاسلام
السلام عليكم ورحمة الله وبركاته

طيب شكرا ليكم جميعا على متابعتكم الجميله .. ولكن اسمحوا لى ان اقول شيئا لان انا كاتب القصيده ومن حقى ان اتكلم : انا كتبت هذه القصيده تعبيرا عن رأى الشخصى بغض النظر عن من يوافقنى او من يختلف معى فيها فهذا لا يهمنى على الاطلاق فأنا لم اضع القصيده لنناقشها ودليلى على ذلك اننى وضعتها بعيدا عن قسم المناقشات ولن اطلب من احد ان يناقشنى فى كلماتها فبالتالى لن اسمح لاى احد مثل الاخ ( thewalf ) ان يعلق تعليقات سخيفه ومستفذة مثلما فعل فأرجو عدم تكرار هذه السخافات كما ارجوا من ادراة المنتدى التمييز بين الموضوعات التى تطرح للنقاش والموضوعات الاخرى لانه ليس من المعقول ايدا اننى كلما كتبت موضوعا بعيدا عن النقاش يأتينى شخصا سخيفا مثل هذا الشخص ليتدخل حتى فى التعبير عن رأيى الشخصى ... وشكرااا