من الاخر كدا لو عايزة شعرك يتقل ويطول وينعم اعملى الماسك دا مرة كل اسبوع
وهوعبارة عن مجموعة اعشاب
المكونات
1- المشاط
[img]
[/img]
وده عبارة عن مجموعة اعشاب مطحونه كانو بيستخدموه الستات بتوع زمان فى دول الخليج وطبعا انتو عارفين شعورهم عامله ازاى
والاصلى منه موجود فى السعوديه الربع كيلو ب25 جنيه و دا يكفى معاكى شهرين
وموجود عند حراز بردو الربع كيلو ب15 تقريبا
********************************
2- سدر
[img]
[/img]
وده عشبه بتجبيها من اى عطار رخيصه جدا ممكن تجيبى ب2 جنيه فى الاول هتجبيه ورق مش مطحون وهتلاقى شكل الورقه بتاعته فيها 3 خطوط مش زى اى ورقة شجر خط واحد فى النص
وهتطحنيه فى الخلاط لغايه ما يبقى ناعم خالص زى الصورة كدا
**********************************
3- حنه اصليه
[img]
[/img]
ودى ممكن الاستغناء عنها للناس اللى صابغه شعرها
لكن الحنه عموما مفيده جدا لانها بتعمل طبقه حول الشعرة تحافظ عليها من التقصف وبتغذى الشعر كمان
*************************
4- زيت زيتون -زيت جوزهند -زيت سمسم
[img]
[/img]
انا جبت كل ازازة من دول بجنيه بس
******************************
نيجى بئة للطريقه
* 4 معالق مشاط -معلقتين حنه -معلقة صغيرة جدا سدر -معلقة زيت زيتون -معلقة زيت جوزهند -معلقة زيت سمسم -علبة زبادى
* هنخلط كل الحجات دى مع بعض ونحوطها فى طبق غويط
* هتبقى عجينه ناشفه هنزودها بماية سخنه معلقة معلقه لغاية ما تبقى ولا سائله ولا جامده يعنى تبقى زى ما بنعمل الحنه كدا
ليه بنحوط مايه سخنه ؟؟؟؟؟
عشان ندفى الماسك كله ونستفيد منه كويس
* هندهن بيه الشعر من الجذور حتى الاطراف
* هنغطى الشعر بكيس بلاستك وفوقيه الايشارب بتاعك عادى
***********************
مدة الماسك من 5 ل6 سعات مش اقل من كدا
**************************
فوائد الماسك
1- تطويل الشعر بسرعه رهيييبه
2- تنعيم الشعر وفرده من اول مرة بس متكتريش من السدر لانه بينشف
3- تتقيل الشعر جداااا
4- لمعان الشعر
********************
عيوب الماسك
1- ريحتك هتبقى شبه البهارات كدا يعنى شويه ويطشو بيكى الملوخيه ههههههههههه
2- غسيله صعب جدااا
3- لو بطلتيه مرة واحدة الشعر اللى تقل هيقع كله لانك كدا عملتى لشعرك انتكاسه بعد ما بقيتى تغذيه المفروض لما توصلى للطول والتقل اللى انتى عايزاه تبطليه بالتدريج يعنى بدل ما بتستعمليه كل اسبوع هيبقى كل اسبوعين وبعدين كل شهر وهكذا لغاية ما تبطليه خالص
*********************
ودى صورة شعرى بعد اول مرة استخدام للماسك
[img]
[/img]
عايزة اقولكو انى قعدت طول اليوم احسس على شعرى من كتر ما هو عجبنى ملمسه كان زى الحرير
انا اصلا شعرى يعتبر ناعم الحمدلله لكن الماسك دا خلاه حريييييير
وصحابى كمان استخدموه وقالولى دا ولا السحر ونتيجته من اول مرة
***************************
طبعا الموضوع مش منقول دى تجربتى انا وبجد تعبت اوى فى تصوير وتنزيل الصور دى سو بلييييييز محدش يقرا الموضوع من غير ما يرد هيجيلى احباط والله ههههههههههههههههههههه