ابنى هذا كان ميت فعاش

احب ابدا فى الاول الشكر للمنتدى على خدمتهم وخصوصا نيو مان ومولكا وكل اللى ساعدونى
ليس الكثير لاقوله ولكن كل مافى داخلى هى دموع كل لما اتذكر ماضاع من عمرى فى اوهام
انا خالد.ع.م طبيب بشرى ابلغ من العمر 29 سنة
اتخرجت من جامعة القاهرة واعمل طبيب فى احد مستشفيات القاهرة الخاصة
عشت فى بيت مليان هدوء وكلنا متفاهمين انا الاخ الاوسط وابى وامى ربونا تربية دينية وعشنا فى كنفهم فى بيت مملوء بدفء الاسرة المصرية
ابى علمنى كل شئ فى الاسلام من طفولتى اتعلمت الصلاة وابتديت اصوم رمضان بالتدريج وذهبت لحفظ اجزاء من القران
ابى لم يعلمنى معنى الكره ولا اكره احد وكان دائما يقول اننا لازم نخاف ربنا ونمشى على صراطه المستقيم
وانا دايما فعلا كنت بخاف ربى وبحاول ارضيه بكل ماعندى من قوة
لكنى فى نفس الوقت لم ياتى فى عقلى مرة افكر مين الاله دا؟ياترى هو حاسس بيا؟بيحبنى؟شايفنى؟ليه مش بحس بيه؟
كانت حياة روتينية زى كل الشباب وكنت شاب ملتزم ومتحفظ فى حياتى
كان ليا اصحاب كتير مسيحين سواء فى الثانوية او الكلية ومحستش فى يوم انى بكرهم
كانت كل معلوماتى عن المسيحية انه دين اتى بيه رسول الله عيسى ولكن اتحرف انجيله واصبحوا يعبدون عيسى وامه من دون الله وان انجيلهم محرف
دى كانت كل معلوماتى عنهم لم اقرا الانجيل ولم اسال ولم اكن مهتما انى اسال اصلا
كغالبية الشباب ابتديت اتعامل مع الانترنت واكتشفت عالم اخر وان هناك مواقع تتكلم عن حوار الاديان من الطرفين الطرف المسيحى والاسلامى
فى الاول تعرفت على منتدى دون ذكر اسمه يختص بحوار الاديان وينتقد المسيحية قريت موضوعات كتيرة
منها مثلا الثالوث المسيحى الوهية المسيح تحريف الكتاب المقدس وموضوعات عددها يفوق عشرات الصفحات واكيد هناك قسم ثابت فى كل منتدى الرد على الشبهات حول الاسلام العظيم وشعار القسم الاسلام يعلو ولا يعلو عليه
مش هقعد اكتب الشبهات لانكم على دراية كاملة بيها
ولكنى اكتشفت مواضيع لم اكن اعرفها مطلقا ولم اسمع عنها بتاتا فى حياتى
اتعلمت الكره للمسيحين او زى مبقيت اقول للنصارى من المنتديات الاسلامية
طريقة الرد على الشبهات
وطريقة نقد المسيحية
تعلم المحب الكره تعلم المسالم ان يكون مليان دوافع شيطانية
عدد مشاركتى فى اى منتدى اسلامى لا يذكر كنت اميل للقراءة ولا اميل للمشاركة
واكشتفت ايضا من المنتديات الاسلامية ان هناك منتديات مسيحية عرفت اسمها من المواضيع نفسها
ابتديت ادخل واقرا
بقيت اشبه بالمدمن بقضى 8 ساعات او اكثر يوميا على النت فى قراية المنتديات
كلامى القادم للمسلمين ساحكى نفسية المسلم وطريقة تفكيره من اختبار شخصى

كمسلم واعرف نفسية المسلم ساورد لكم بعض من طريقة التفكير الاسلامية
1-موضوع يستحيل ان نجد له مبرر فنبحث عن اى شبه مماثل له فى كتاب النصارى ليكون الرد لا تعايرنى ولا اعايرك
حتى لو لجا اللى بيرد ان يقص الكلام لايهام القارئ بالفكرة الذى يريدها
2-موضوع لا نجد مايضاهيه فى كتاب النصارى يكون الرد بالبحث المستميت عن اى دليل ينفى هذا الحديث ويضعفه اون ثبت صحته سندا ومتنا نلجا للبحث عن اقوال من اهل الكتاب تسند الرد الساذج
مثال زواج محمد من طفلة حينما فشلوا كان الرد هكذا
عائشة الطفلة بنت الجزيرة العربية لها استعداد جسدى للزواج
وهاهو الدليل الدكتور مجدى اسحق يقول ان البنت فى سن 9 سنين ممكن ان تتزوج
وان مريم كانت 12 عام حينما تزوجت بيوسف النجار الذى يبلغ التسعين حسب دائرة المعارف البيرطانية
دا الرد اللى حفظناه؟ولا ايه يا مسلمين؟
طيب هل انت رديت على الموضوع؟
ولا لجات ان تقتبس اقوال من هنا ومن هنا لتخدير الضمير باى رد والسلام؟
عزيزى المسلم لا تكن موهوما وتحاول ان تسدد خانة الرد
ارجو من ان يكون رد تقتنع بيه انت قبل من يقراون ردودك
باى منطق يجعل شيخ فى ال53 من عمره يتزوج بطفلة 9 سنوات ؟؟؟؟؟؟
فى علم السايكرتك هذا ليس انسان سوى مطلقا انه يمتلك عقدة نفسية
دا مثال صغير للردود الاسلامية خير وسيلة للدفاع هى الهجوم وايجاد مايشابه ذلك ولو لجا للتدليس لانه لا يجدد مبرر فى ذات فكره الاسلامى
ناتى لانتقاد المسيحية
اولا لا يستطيع مسلم مهما كان ان يفتح اى تفسير مسيحى لانى فعلا لما كنت بكلم مسيحين وبيطلبوا منى قراءة التسير بمجرد قراءة التفسير اجد ان الامور وضحت كثيرا
ولكن المنهج النقدى الاسلامى للمسيحية يعتمد على
1-قص النصوص
2-التفسير الشخصى
مثال صغير لذلك
إنجيل يوحنا 5: 30

أَنَا لاَ أَقْدِرُ أَنْ أَفْعَلَ مِنْ نَفْسِي شَيْئًاهقول ماكنت اقوله
يسوع بيقولك يا نصرانى هو لا يقدر ان يفعل شيئا
هو ميقدرش يعمل حاجة من ذاته
اله وميقدرش يعمل شيئا من ذاته؟؟؟؟
وانا عارف وعلى يقين ان تكملة النص لو قرتها هيبقى شكلى وحش
كَمَا أَسْمَعُ أَدِينُ، وَدَيْنُونَتِي عَادِلَةٌ، لأَنِّي لاَ أَطْلُبُ مَشِيئَتِي بَلْ مَشِيئَةَ الآبِ الَّذِي أَرْسَلَنِي.حتى لو كملت النص هقرا
أَنِّي لاَ أَطْلُبُ مَشِيئَتِي بَلْ مَشِيئَةَ الآبِ الَّذِي أَرْسَلَنِي.
واستحالة انى اقرا الكلمتين اللى فى النص
كَمَا أَسْمَعُ أَدِينُ، وَدَيْنُونَتِي عَادِلَةٌ
فهكذا نسير اقتباس مبتور تفسير شخصى يحقق اغراض فى عقلى وبهكذا يكون الانتقاد
مثال اخر
بولس الكذاب الذى بكذبه يزيد مجد الله
رسالة بولس الرسول إلى أهل رومية 3: 7

فَإِنَّهُ إِنْ كَانَ صِدْقُ اللهِ قَدِ ازْدَادَ بِكَذِبِي لِمَجْدِهِ، فَلِمَاذَا أُدَانُ أَنَا بَعْدُ كَخَاطِئٍ؟انا لغاية وقت قريب كنت مفكرها صح لغاية مقريت موضوع فى منتدى مسيحى عن الرد على ذلك وفهمت انه على لسان معترض وفى الاية اللى سبقتها
أَتَكَلَّمُ بِحَسَبِ الإِنْسَانِ.
مواضيع كثيرة اكتشفت فيها للاسف يا اخواتى المسلمين مع ان فى نظركم الان كافر مرتد مهدور دمى
انكم لا تقدمون الحقيقة للاسف ردودكم هى فقط لكى تقنعوا انفسكم بان هناك رد وانتقادكم للمسيحية بقراتى للرد المسيحى اكتشفت مدى المهاترات اللى كنت برددها معاكم
الجزء دا خاص باخواتى المسلمين ليعيدوا حسباتهم
القادم هو صراع داخلى

نظرا للوقت المتاخر ساكتفى بهذا الجزء ايضا وغدا ساكمل
بدا داخلى صراع
عرفت الكثير بل والكثيييييييييير نتاج 3 سنين بقرا على النت حوارات ومواضيه ومناظرات
عرفت معنى الثالوث المسيحى
عرفت معنى تجسد الكلمة
عرفت معنى الفداء والخلاص
عرفت الفكر الكتابى
وفى نفس الوقت تعمقت اكتر فى الاسلام
من حوالى 6 شهور بدات عندى حدة العنف والكره للمسيحين تخف
صدقونى الليل مبقتش انامه وساعات كنت افتكر ايه فى القران او حديث واقوم وانا بفكر فيه بليل افتح الكمبيوتر واقعد ادور على اى رد يريحنى
تعبت تعبت كثير الاسلام بمواضيع تعبنى
مبقتش منتظم فى الصلاة وكان ممكن افوت العصر الفجر كتير كان قبلها مستحيل دا يحصل
ابتديت افكر اقول
طيب ليه يارب انا تعبان ؟انت مين؟ليه خلتنا تايهين؟
مكنت تجيب دين واحد وتريحنا من التعب دا كله
ساعتها كنت بكلم مسيحين على الاميل
وابتدى حدة الكلام تخف شوية بعد التريقة وكنت بقول الفاظ غير لائقة مش احب اقولها تانى
يعنى مثلا اقوله
الرب ارسل الرب بحلول الرب واتريق عليه
ومسبلوش فرصة يكلمنى
كلمت واحد بس كلمته بهدوء
شرحلى حاجات كتير من منظور مسيحى
مش عارف ليه ساعتها قولتله انا الصراحة تايه بين الطريقين فى حاجات هنا كويسة وهنا كويسة بس امشى فى دا ولا دا
ساعتها قالى هتقدر تواجه عدل الله؟
فكرت فيها كتير اقول ياترى هيرحمنى ولا هيعاقبنى؟
طيب انا عملت ايه علشان يرحمنى
وياترى التوبة هتخليه يتنازل عن العقوبة؟
لاقيت نفسى بفكر زى مكنت بسمع من المسيحين
ان عدل الله كان لازم ينفذ
تعبت ومبقتش عارف افكر لدرجة انى قولت انا هعيش حياتى اغانى وخروج ولبس وفسح وهعيش زى باقى الناس مش هفكر
بس لسه جوايا الحاح واحساس بعدم الراحة
حاولت انسى نفسى اللى قريته طول السنين اللى فاتت مفيش فايدة
قولت ارجع اصلى تانى اقف اصلى الا نفسى باردة واكروت بسرعة واخلص
احساس بالدمار
بقيت ابكى طيب اعمل ايه لاانا مستريح ولا انا عارف أقلم نفسى على اللى عرفته ومش مريحنى
بكرة هكمل ايه اللى حصل كانت بداية او اشارة بدا للتفكير بطريقة مغايرة تماما

هناك موقف محورى فى حياتى عندما انتدبت لمؤتمر كان من حظة ان رفيقى فى غرفتى شخص مسيحى وبحكم اننا فى غرفة واحدة اتعرفنا على بعض اكتر وتقريبا اللى اصبحت اكمله طول فترة المنتدى لمدة 10 ايام نحضر ندوة ولا اتنين وطول اليوم فاضيين
كان بيتهرب منى كل لما افتح مواضيع دينية ب انا شجعته بكلامى انه يكلمنى اكتر عن المسيحية ووعدته انى اكلمه عن الاسلام
فابتدى يقولى ان المسيحية لا تقوم على شعائر وطقول بينما تقوم على قبول شخص المسيح وهو اللى بيغير حياتنا ويعطينا الحياة
وكلمنى كتير على ان هذا المسيا المخلص انتظرته الشعوب طويلا وتنبا عنه الانبياء فى اليهودية
وابتدى يسرد ليا نبوات وكيف تحققت بمنتهى الدقة فى شخص يسوع وانا مذهول من اللى بسمعه وسرحت بخيالى لحظة ورجعت لايام مكنت بكلم مسيحين على النت ويسالونى نبوة محمد ايه ارد واقول بكل عجرفة اسلامية يا جاهل يا كافر يكفى انه تنبا عن هزيمة الروم فى ادنى الارض
بعد كل اللى سمعته دا ويعتبر مقولة ترجيحية ليس لها اى دقة ولا اى معالم نبوية اعتبرها نبوة استضلئت فكرى وعرفت كم نحن بؤساء
فتخيلت كدا لو انا شخص مسيحى وواحد طلب منى محتوى النبوى للكتاب وقعدت اسرد ليه كمية النبوات دى هشعر بايه؟اكيد بفخر انى بنتمى لهذا التراث الغنى والفرق بين النبوة وتحقييها سنوات تصل الى الف سنة واكثر فالنبوة التى كنا نتشدق بيها ترمى كلمة عايمة لا تفيد بضع سنين
ياااااااااااااااااااااااااااااااااااااااااه ايه الروعة والجمال
ايه الفكر المنظم والنسيج المتداخل من الترتيب والعظمة دا
كنا فين من دا كله ؟كنا فين من النظام والترتيب والاعلانات النبوية المباشرة
نؤمن بنبى وهو لم ينطق بنبوة واحدة؟
فكيف يدعى نبى؟
ابتدى عقلى يتغير شوية وابتديت اسال منير زميلى اللى اصبح اعز صديق لى عن كل اللى بيدور فى خيالى
واجد شخص يكلمنى بهدوء ويريحنى فى كل اجابته
الاقى شخص بيكلمنى عن شخص يعرفه وكانه يعيش فى بيته يعرفه المعرفة الحقة؟
ماهذا الشخص الذى انتهى حكايته منذ الفين عام والى الان كل الناس يتكلمون عنه بنفس الصورة؟
اكيد فى عامل مشترك بين كل الناس مخلى كل الناس لما تتكلم عن هذا الشخص لا يكذبون بل يقدمون حقيقته كما عاشوها
قريت اكتر واتصدمت لما قريت ايه خير لكم ان انطلق لانى لو لم انطلق لم ارسل لكم الروح القدس المعزى فهو ياخذ مما لى ويخبركم
فعلا هو دا اللى انا حسيته ملقتش واحد بيتكلم عن المسيح بصورة غير التانى
كل الناس متمسكين بنفس الصورة
انا لا اقصد طبيعة شخص المسيح فى اختلاف الطوائف من حيث طبيعتين ولا طبيعة واحدة
لا انا اقصد مايقدمه الانسان عن صفات وعمل هذا الشخص الذى احبنا
كله مشترك فى نفس الالفاظ والصورة اللى بيقدمها
مستحيل ان يكون كل البشر من نفس الثقافة
ولكنى اكتشفت ان الروح القدس يجعل كل من قبلوه بداخلهم يتكلمون بلسانه
عجيب هذا الايمان
ابتديت اقرا وليس بعين الناقد المتصيد للخطاء ولكن بعين الملهوف على معرفة اين اجد الطريق؟
وكانت رسالة السماء لى طلبت منى صديقى اعطائى صورة للمسيح
فاعطى لى صورة فى منتهى الروعة ومكتوب عليها انا هو الطريق والحق والحياة
حسيت بقشعريرة فى جسدى لما قريت المكتوب على الصورة
حسيت انه بيقولى الكلام دا ليا انا شخصيا
فتحت الشاهد المكتوب على الصورة على النت وقريت الاصحاح دا من انجيل يوحنا لن انسى رقم الاصحاح يوحنا 14 ولاقيت نفسى بكمل للاخر بدون وعى اول مرة افتح الانجيل انا اقرا بنفسى كان كل اللى حفظته منه من المواقع
بقيت قاعد قدام الكمبيوتر وببكى
ايه الجمال دا؟
مين يقرا هذا الانجيل بعين صادقة ولا يصرخ ويقول انت هو المسيح ابن الله الحى؟
بقيت على شبه القبول بشخص المسيح ولكنى لم البث كثيرا فى هذا الجو الروحانى
الا ان اتى ابليس بكل قوته يعيد لى فكرة الدخول على منتديات اسلامية من جديد وقراءة المزيد قبل ان تفكر فى اى شئ
دخلت تانى وابتديت اقرا
قرايتى لاسلوب المواضيع تجلعنى انفر من المسيح
وقرايتى للانجيل بنفسى تجلعنى افرح بالمسيح
ياترى انا اللى غلط ولا هما
طريقة عرض الموضوع توهمنا ان المسيحين دول متخلفين عقليا الهوا المدعو يسوع ولهم جزاء عن ربهم
وحينما اقرا اقوال يسوع الاقى ان يسوع لم ياله الناس بالعكس دا اليهود رفضوا ان يدعى نفسه ابن الله ويساوى نفسه بالله
حصل جوايا صراع جديد
هل ياترى انت اللى الهك الناس؟
ولا انت فعلا الله اللى جيت وسطنا؟
تجرات وسالت منير
قولتله هسالك سؤال وبكل صراحة رد عليا
المسيح اله تجسد ولا انسان تم تاليه بواسطة الناس؟
قالى مين هو المسيح فى وجه نظرك
قولتوا الى الان نبى ورسول من اولى العزم
قالى هو كلمة الله؟
طبعا كلمة الله وروح منه
وايه هى كلمة الله؟
قولتله كن بيها خلق الله كل شئ
قالى يعنى هو نفسه كلمة كن اللى بيها خلق الله كل شئ
ولا هو مخلوق بكلمة كن؟
احترت لان هو كاد هيوصلنى لبداية انجيل يوحنا ان الكلمة هو الله
فحبيت ابعده شوية عن الموضوع دا وقولتله لا هو مثل ادم خلقه بكن
قالى ولماذا لم يسمى ادم كلمة الله فى الاسلام؟
هنا حسيت انها رسالة اخرى من السماء
بحثت ايام ان الاقى حديث ولا ايه يقول ان ادم كلمة الله لم اجد ذلك بتاتا
فالمسيح هو المتفرد بلقب كلمة الله
اذن هو ايضا متفرد عن الذين خلقوا بكلمة الله لان ليس احد منهم دعى بكلمة الله
فغالبا كما يقولون ان كلمة الله هو الكلمة الذى صنع بها الله كل شئ وليس امر خرج من الله
احترت اكتر
جبت الصورة للى منير ادهانى كنت بحب ابص فيها
قولتله انت مين بالظبط بقة؟
انت حيرت كل الناس
نبى رسول بشر اله الله ولا انت وهم واسطورة؟
تعبتنا قولى وريحنى انت مين
استغرب صديقى منير من كثرة اسالتى عن المسيح وصارحته انى تركت الاسلام بكل مافيه من اشياء تتنافى مع عقلى واخلاقى بعد اكتشافى لتعاليمه ولخبطة وتتداخل
كل اللى قدام عنيى دلوقتى المسيح اللى حير الناس
نفسى اعرف هو مين
قالى اساله هو هو اللى هيقدر يجاوبك
دخلت المنتدى وجبت اى سؤالين من منتدى ودخلت كتبتهم ولاقيت الحب بيجمعكم ولاقيت هدوء وسلام بينكم ومشتركين فى الاجابة الواحدة زادنى يقين بان هناك عامل مشترك بين كل المؤمنين بهذا الشخص يجعلهم يتكلمون بنفس اللغة والثقافة
مكان منى بعد صراع وتعب طويل الى ان بعد لما طلبت من الاخ نيو مان امهالى يومين
انى اقف امام المسيح واقوله لو سمحت لو انت فعلا موجود وبتحبنى قولى انت مين
ولم اجد نفسى الا وسار فى جسدى كهرباء قشعرت جسمى كله ولم اجد سوى راحة لم اشعر بها طول حياتى ولم اجد سوى همس مسموع بيقولى انا هو
ايه اللى حصل؟معرفش
ايه اللى غيرنى؟معرفش
مين اللى اتكلم جوايا ؟معرفش
مين اللى غير حياتى وملانى سلام؟معرفش
لست اعرف اى شئ ولكنى اعرف شئ واحد
انى كنت ميتا والان انا حى

سيدى يسوع
كم كنت مشتاق ان اعرف ابى ليس ابى الجسدانى ولكن ابى الذى منه اصل البشرية
حينما كنت مسلما اجتهدت كثيرا انا ارضيك ولست اعرف من انت
وحينما عرفتك اجتهدت كثيرا انا اعرف مدى حبك لى ولم اصل لعمقه
عمق الحب الذى جعلنى ماسورا بمن لم تراه عينى البشرية المادية ولكنى اراه اكثر من كل ماحولى
سيدى يسوع
اركع امامك واسجد بدموع وصراخ واردد مع بولس الرسول
ماذا تريد يارب ان افعل؟
ليس لى الفضل فى انى اعرفك ولكن وعدك امين وصادق ان هناك خراف اخر ليست من هذة الحظيرة ستاتى بها
سيدى يسوع
انا غير مستحق ان انظر اليك ولكن عدم استحقاقى يجعلنى اشعر بقيمة خلاصك لى
كمل الطريق معى
واكتب اسمى فى سفر الحياة مع كل من ساروا فى طريق الملكوت
لكى اقف يوم الدينونة امام كرسيك بكل ثقة ويقين بانى مغفور لى بدم الحمل
كنت زمان بقول قل الله احد الله الصمد لم يلد ولم يولد
والان اقول لك انت هو الهنا الواحد الاحد الذى لا اله غيرك ابن الله الحى ماحى خطايا العالم ينبغى لك السجود يا ابن الله