تأملات اسبوع الآلام

جاءت لي فكرة ان افتح هذا الموضوع و فكرته عبارة عن ان يضع الاعضاء المباركين مشاركات كل يوم من اول جمعة ختام الصوم الي احد القيامة و المشاركة عبارة عن تأمل بسيط و استعراض لاحداث هذا اليوم مثلا طوال الاسبوع المقدس و بكدة يبقي عملنا بصخة في المنتدي منتظر المشاركات اللي هاتبدأ بكرة جمعة ختام الصوم و كل سنة و انتم طيبين

فكرة جميلة

النهاردة سبت لعازر

عايزة اقول شكرا يارب على حبك واهتمامك بالانسان
انت بكيت علشان لعازر وبتبكى على كل انسان بعيد عنك وعن حضنك اد ايه انت طيب وحنين؟؟
ساعدنى يارب وشدنى علشان اعرف اجيلك طريقى مليان مطبات كل ما احاول اقرب حاجات كتير تشدنى تانى لورا وكل ما احاول اقوم واقف اقع مرة تانية
اشتغل يارب جوايا بروحك القدوس وقربنى ليك
انا مش عايزة اتسبب فى حزنك او المك لانى بحبك
انت روحت للعازر علشان تقومه من الموت
ارجوك يارب قومنى انا كمان من بحر الخطايا اللى انا فيها وساعدنى اقربلك

شكرا لمشاركتك الجميلة اوي دي