لسة الأمل موجود

بحلم .. وحلمي بسيط
مش كتر مال..ولا سيط

ولا جاه ..ولا سلطان
بحلم .. أكون إنسان
بالكلمة.. والمعنى
والناس تعيش في أمان
والحب ..يجمعنا

ولا حدّ يجرح حدّ
ولا حلم يوم يتهدّ
جسر الأمل يتمدّ
يحضن خطاوينا

لسة الأمل موجود
جوانا راسمينه
ينده على حلمنا
تطرح بساتينه
يفرش طريق عمرنا
ورده..وياسمينه

يبدّد الأوهام
يمسح دموع الأمس
ويلوّن الأيام
بلون شروق الشمس
لسة الأمل موجود
طول مااحنا عايشينه

***************
لســـــة الأمـــــل موجـــود
و الحلم مستنــي

بس الهمـــــوم دي تــزول
تبعـــد بعيــد عني

لســـــة بحب الكــون
و كل البشــر و النــاس

لســـــة في قلبي بحــــور
م الود و الإخـلاص

لســــة يا دنيــــا بعيــــش
أحلـــم و مستنــي

الفـــــرح يملـــى الحيـــاة
و القلــب متهنــي

و لا ويـــل و لا أحـــزان
ولا جـــرح يألمنـي

بدّد الأوهام
يمسح دموع الأمس
ويلوّن الأيام
بلون شروق الشمس
لسة الأمل موجود
طول مااحنا عايشينه


منتهى الاحساس والجمال فى الكلمات ديه بجد.. ربنا يعوض تعب محبتك يا هوب

شكرا مروة