احداث ماسبيرو

مصر كلها بتولع وماسبيرو بيتولع دلوقتى شهداء كتير اوى بتروح والكل بيقول ان الاقباط هما اللى بيموتوا فى الجيش ومطلعين الاقباط دول جبابرة ومفتريين. منهم لله

اخر حاجة عرفتها دلوقتى ان فى جيوش سلفيين متجهين الى ماسبيرو

ربنا يستر ويحمى ولاده

خليك معانا يارب

انتي بتقولي ايه يا ايتن ؟
ايه اللي حصل

ليه بتقولي مصر بتولع ؟

كلامك خوفني بجد

النهاردة يا هوب خرجوا الاقباط فى مظاهرات حاشدة من كافة المحافظات زى اسيوط وسوهاج واسكندرية وكذلك من شبرا متجهين لماسبيرا للمطالبة بالقبض على الجناه اللى هدموا كنيسة الماريناب ولاقالة محافظ اسوان
ولكن اللى حصل ان فى ناس مجهولين اطلقوا عليهم الرصاص والقوا عليهم المولوتوف
والجيش هجم على الاقباط ووقع شهداء كتير
وماسبيروا شايفة فيها حرائق على التلفزيون واشتباكات عنيفة بين الجيش والاقباط
واخر حاجة سمعتها فى التلفزيون من شوية على قناة المحور ان فى جيش من السلفيين خارج ومتجه لماسبيروا لمهاجمة الاقباط
ومازالت الاشتباكات مستمرة لغاية دلوقتى

ربنا موجود

يارب حافظ على اخواتي في مصر

ارجوك يا رب عدّي هذه الازمة على خير

يا رب اخواتي امانة بين ايديك احميهم ..وكون معهم ..وابعد عنهم اي شر

أنا جيت من بره من شوية.. مفيش اصلا تاكسيات ولا عربيات فى الشوارع فى مدينة نصر والمناطق المجاورة عشان كله خايف حتى واحنا بعيد عن منطقة وسط البلد انا عند عباس العقاد.. يعني بعيد جدا والشوارع فاضية خالص.. وفجأة كده الشرطة والمرور والجيش اللي بيكونوا مالين الشوارع كل يوم مبقوش موجودين كله خايف ومحدش بيروح ناحية طلعت حرب نهائي طبعا الدنيا متبهدله..

ربنا يحفظ مصر بجميع اولادها...

انا اسمى اسماعيل وسلفى وعلفكرة احنا كا سلف بنحرم اى حد يمس مسيحى حتى بالفظ دا حرام مدام عايشين فى سلام وامان بس المشكلة ان الناس مش عارفة تفرق بين السلف والشيعة او تكفير وهجرة او اى واحد ملحد يعنى اى واحد مربى دقنه بيتقال عليه ارهابى سلفى ودا غلط زى ما انتم عندكم فى طوائف برده منحرفة الفكر او قسيس بيطلع يشتم او بينهار فى الفاظه ومش بيحترم اى حد من المسلمين

مش عارفين يفهمه ان احنا بشر اعبد اللى تعبده وانا اعبد اللى اعبده مع الدعوه الحكيمة والرحمة ولو كل واحد مستقر عى ديانته خلاص مش احنا اللى هنحاسب بعض ولا احنا اللى هندخل بعض الجنة او النار .. فى رب يحكم بينا .. بس لازما نحترم بعض ونخاف على بعض كابشر .. خبر ايتن بيقول جيش من السلفية نازل اشاعة ..السلف والله اكتر ناس بتخاف عليكم من القتل او السرقة او السب فى دينك .. بس المشكله ان انتم مش عارفين تفرقوا ما بين السلفى والطوائف الاخرى

ارجو انى مكنشى طولت فى كلامى بس انا اشتركت علشان نعرف ايه الغلط

يا سيد اسماعيل
اولا ً نرحب بك معنا في المنتدى

اللي بيخلي الواحد ياخد فكرة عن السلفيين هو تصرفاتهم اللي بنشوفها على ارض الواقع

يعني انا ما بيهمني اعرف السلفية بتدعو ل ايه وما بيهمني اعرف مبادئها واسسها النظرية

اللي بيهمني هم بيتعاملوا ازاي مع الناس وازاي بيرهبوا الناس وازاي بيهدموا الكنايس
وازاي بيهجموا حاملين السيوف وازاي بيطلعوا ع الفضائيات يسبوا ويشتموا فينا

انا هستفيد ايه من كلامك اذا كان ما بيتطبق اصلا

وحتى لو فرضنا ان مش السلفيين هم اللي بيعملوا كدة
ف بالنهاية هم مسلمين.. يعني سلفيين او غيرهم مش هتفرق

هم مسلمين وبيطبقوا تعاليم دينهم الاسلامي

شكرا على ترحيبك

موضوع هدم الكنائس لا يجوز شرعا والدليل على كدا ان مشكلة اطفيح الشيخ محمد حسان هو وعلماء سلف اجتمعه وطلعوا بيان ببناء كنيسة اطفيح كما كانت بدون زيادة او نقصان

انما حاملين السيوف او ترهيب الناس او شغل مية نار كذب وزى ما انا وضحت مش اى واحد مربى دقنه يبقى سلفى هنقول طيب مهو تبع المسلمين هقول كل بلد فيها الحلو والوحش ولازما يعاقب اللى يروع اى واحد سواء مسلم او مسيحى وعلفكرة فى برده بلطجية بيقتله مسلمين علشان سرقه او كدا ناس بعدة عن الدين او القيم الاخلاقية فدا مشكلة فيه هو مش فى الاسلام ولازما هو ياخد عقابه

وبالنسبة برضه للى بيشتم فى المسحين فدا غلط وبرضه فى عندكم اللى بيشتم رسولنا وبيشتم دينا .. وفى على اليوتيب القسيس بيكلم وبيشتم وبيهدد بطريقة مستفزة على مشكلة اسوان
فلازما نكون عقلاء نعرف مين اللى غلط ونحاسبه

وبعدين مش عاوزين ندخل الدين فى الشخصيات المنحرفة مثلا لو حد سرق عربيتك من الكنيسة هتحسبى القس واعضاء الكنيسة ولا هتحسبى السارق

فرقى بين اسلام وبين ناس بينتموا الى الاسلام بدون تعاليم الاسلام

يا سيد اسماعيل

كلامك كله جميل ولكن انا مش شايفة حاجة بتتطبق منه

يعني الكنايس بتتهدم فعلا..ومش مرة ولا اتنين ولا عشرة
عشان نقول حالة فردية ..يبقى فين تحريم هدم الكنايس اللي انت بتتكلم عليه ؟

وانت بتقول لازم يتعاقب اللي بيروع وبيرهب الناس ..كلام جميل
طيب هي فين العقوبات دي
ما شفنا اي عقوبة صدرت بحق اي حد هدم كنيسة او اعتدى على مسيحيين

بعدين لو كل الحاجات اللي بنتكلم عليها هي حالات فردية يبقى مين اللي بيطبق الاسلام الحقيقي اللي انت بتقول عليه ؟
الحالة الفردية ممكن نقبلها مرة اتنين تلاتة ...طيب وبعدين

هم الحالات الفردية دول لو تم عقابهم عقاب رادع ..وخلوهم عبرة لمن اعتبر
اكيد ما كان حد هيتجرأ انه يتطاول مرة تانية

لو طلع شيخ واصدر فتوى بتحريم عمل هذه الامور من البداية ..ودلل على كلامه بآيات من القرآن كان ما تكرر هذا التصرف
ولكن اي ايات اللي هيقدر يستشهد فيها ! !

اذا القرآن بيقول المسيحيين كفار ومشركين
والكفار لازم يتقتلوا

يبقى منين بتقول ان تعاليم الاسلام مش زي ما انا بتكلم عليه

علفكرة احنا بنعانى من نظام فاسد 30 سنة
وعلفكرة انا من الناس اللى كانت بتظن ان انتم وخدين حقكم تالت ومتلت وانتوا كنتوا بتقولوا كدا ان احنا برضه واخدين حقنا

البلد كانت بتبطب وخايفين على اموالهم اللى هما النظام السابق

جت الثورة كل واحد مضايق من واحد رايح يقتله
فعلا مشكلة
انما اللى انا داخل اتكلم عليه مش عاوزين نقول ان الاسلام قاتل وان البلطجية دول مش بلطجية دول دعاة الاسلام
مفهوم غلط

زى ما فى ظلم على المسحيين فى ظلم على المسلمين القتل بقول لحضرتك فى قطاع طرق بيقتلوا المسلمين ويسرقوا اموالهم او نسائهم ودا بيحصل بالنهار امال بالليل بقى بيحصل ايه

الظلم مش واقع على المسحيين بس والمسلمين والبلد كانت قبل كدا قافله على الدعاة انهم يعرفوا المسلمين معناه دينهم ويعلموهم هو ايه الاسلام

وفى شيوخ دلوقتى فعلا بتشتغل على دعم بعض المسلمين المغيبين عن تعاليم الاسلام بالاخلاق السليمة

والمشكلة ان البلد دلوقتى فى حالة ولادة معذرة فى التشبية
ياما البلد تلد رجال اشداء فى قراراتهم بهم قلوب رحيمه بالضعفاء عقول سليمه

او تموت فى الولادة وتموت الرجال

بالنسبة لاخر جملة ليكى

انتى دلوقتى بتخشى فى تفاصيل وحوار دينى مش مشاكل لاحداث واذا كنتى عاوزة تفصيل او شرح للايات دى انا موافق بس مش وقته لانه كدا النقاش هيدخل فى مجرى ليس له صله بالموضوع

فعلا مش وقت اننا ندخل في نقاشات وحوارات اسلامية
وانا مش عايزة اصلا ان الموضوع يأخذ هذا الاتجاه

يا رب ارحمنا
انا الان بشوف جنازة شهداء ماسبيرو... حاجة تقطع القلب

كل انسان لا يرضى لاخى الظلم

وندعوا الله ان يحفظ هذة البلد واهلها وان تكون مصر امنه مطمئنة باهلها يارب العالمين

الاستاذ اسماعيل اولا اهلا بيك

ثانيا انا مبطلعش اشاعات الخبر ده كان موجود فى قناة المحورو انا ذكرت مصدره

ثالثا وده الاهم ان شيوخ السلفية كلهم بيكفرونا ومنهم على سبيل المثال اللى اعلنها ياسر البرهامى وعبد المنعم الشحات وقالوها علنا لانهم كانوا اشجع من غيرهم من المتلونين اللى بيتكلموا بعكس ما يخفوا فى قلوبهم

بعد كل اللى حصل وبيحصل ده عايزنا نقتنع ازاى بكلامك ولا انت شايف ان اى كلمتين حلوين جنب بعض ممكن يدخلوا عقلنا

اقتباس :

ارجو انى مكنشى طولت فى كلامى بس انا اشتركت علشان نعرف ايه الغلط

الغلط يا استاذ اسماعيل لما كنايسنا تتحرق والجانى حر طليق
الغلط لما اخواتنا يستشهدوا بدون ادنى عقاب للجانى
الغلط لما يطلع شيوخ السلفيين ويكفرونا علنا

بعد كل ده لسه هنسأل ونشوف ايه الغلط
الغلط واضح وضوح الشمس

عااجل:

المجمع المقدس برئاسة قداسة البابا شنودة يدعو الشعب القبطى للصوم والصلاه لمدة 3 ايام ابتداء من غدا الثلاثاء

اهلا بحضرتك انتى

اهدى علشان نتكلم لانى حاسس ان فى كلامك شوية نرفزة

اى فضائيات بتقول ان السلفى ارهاب انا معاكى بس الحقيقة فين انتى مشفتيش وعرفتى هوية سلفى انه عمل كدا دا كله متاخد من الفضائيات وانتو دلوقتى بتقولوا ان الفضائيات كذابة لانها بتقول ان الاقباط اطلقوا النار على على الجيش ودا مش صحيح حسب كلامكم

يعنى انتى بتكذبى الفضائيات فى خبر ماسبيروا وبتصدقى الفضائيات فى السلف الارهابى

ثانيا : انتى بتقولى ان الشيخ ياسر بيقول ان انتم كفار

طيب هل القس بتاعكم بيقول ان اللى هيموت مننا على الديانه الاسلامية هيخش الملكوت الاعلى ويكون فى الجنة؟ طبعا لا ليه؟ علشان هو كافر

بمعنى اصح اى واحد غير الديانه المسيحية هيكون كافر وهيخش النار
واليهود بيقول كدا

والمسلمين بتقولوا كدا ان اى واحد مش مؤمن بالقران او النبى محمد بيكون كافر

فدا امر طبيعى لكل صاحب ديانه

ومعنى كلمة كافر يعنى انا كفرت باللى انتى بتؤمنى بيه وانتى كفرتى باللى انا اؤمن بيه

فليس هناك شك

فتشى فى قلبك وقوليلى بصدق انا بالنسبالك كافر ولا لا

طبعا انا كافر باللى انتى مؤمنه بيه

وانتى هكذا

فلا تغضبى على علم

ثالثا انا قولت هدم الكنائس دا حرام وغلط ودا محرم

انما عقوبة الجانى مش الشيوخ هما اللى هيدوروا على الجانى ويدبحوا
الموضوع دا تبع الحكومة والحكومة هى اللى تدور وتجيبه

يااستاذة ايتن بلاش تعصب وحديه فى الحوار احنا بنتكلم بهدوء وحرية مضبوطة فبلاش ندخل عقائد الدين فى الحوار حتى نتوصل الى امر نتفق عليه

اقتباس :

المجمع المقدس برئاسة قداسة البابا شنودة يدعو الشعب القبطى للصوم والصلاه لمدة 3 ايام ابتداء من غدا الثلاثاء

انا قررت قبل ما انتي تكتبي ردك دة اني اصوم الايام الثلاثة لما سمعت الدعوة دي من شوية على التلفزيون

شكرا ايتن لانك حطيتي هذا الخبر

العفو يا هوب
انا واسرتى كمان هنصوم ونصلى وهقول لكل اللى اعرفهم
يارب ارحمنا وفرق اعداء كنيستك

ربنا يحمى مصر والمصريين

شئ مؤسف اللى بيحصل فى البلد دا اعتصامات و مظاهرات و اقتصاد على وشك الانهيار و هيبة الدولة بتسقط و ممكن مصر فى اى وقت تعلن عن افلاسها يبقى خربنها وقاعدنا على تلها

يارب اقباط مصر تعبانين جدااااااااااااااااااااااااااااا
اتمجد بقي فيهم من فضلك