يا مسيحي.. يا مسيحية

أنت وأنتي...

بتعملوا ايه.. بتعملوا ايه عشان الناس تعرف المسيح؟

بتدخل على المنتدى وبترد.. هي ديه بس الخدمه؟

لو هي ديه بس الخدمه فيؤسفني بجد أقولكم...


أننا مش مسيحين.. ايوه متستغربوش مش مسيحين


المسيحين هما اللي يلتزموا بتعاليم المسيح..


أنت وأنتي بتتعبوا فى نفسكم فى ايه عشان المسيح فهموني بس؟

ايه بتقعدوا تفكروا لآ جدعان بجد.. قاعدين ولا على بالكم أن فيه ناس بتفكر فى مجئ المسيح أكتر مننا بكتير.. وبالذات الكاثوليك والارثوذكس كتير منهم مش على بالهم زاي طوائف تانية يؤسفني أنهم احسن مننا فى التصرف بس ايمانهم مش سليم ..

أحنا بنقول حاجتين يوميا ولا حد فيكم فاهم بيقولهم ليه اساسا.. كلام بيتقاااااااااال وخلاص

بنصلي ونقول ليتقدس اسمك (هو فين اسم ربنا اصلا) اللي بنقوله فين ها افهم؟

قولولي كام مسيحي ميعرفش اسم ربنا بجد... تصدقوا سألت ناس ومكنتش تعرف

حاجة تكسف بأمانه وملهاش حل غير انك تبص فى الارض وتكسف انك اسمك مسيحي ومتعرفش اسم الهك.. يهوه. اللي الكنيسة شالته احترام لعادات اليهود عشان كان بيعتبروه من قداسته حاجة مكنتش تنفع تتقال .. لحد ما ايه المسيحين نسيوا اسم ربنا.

سيبك من ده.. أنت طبعا عارف يعني ايه كرازة.. أنت بقى بتعمل فيها ايه.. بتبشر وانت قاعد على كرسيك ولا بينك وبين نفسك؟ رد بس على نفسك..

أنا بكسف.. ايووووووه بتكسف عشان الارثوذكس مش بيتعبوا نفسهم ويفكروا فى بقيت الصلاة اللي كنت بقول عليها فوق.. نكملها بقى (ليأتي ملكوتك) طب هيأتي ازاي واحنا مش بنبشر بالمسيح؟ أنت عارف ايات الكتاب المقدس بتقول ايه عن الكرازة؟ أنت وأنتي لازم تبشروا زمان عشان يبشروا كان بيسافروا فى صحراء وحاجات صعبة عشان كده مكنش فيه نساء بتبشر انما عذرك ايه النهارده؟ مفيش عذرا ومتقنعنيش اساسا.. أنت لو عارف أن فيه قنبله هتفجر كمان شوية هتسيب الناس اللي حواليك تموت ولا تحاول تساعدهم يعيشوا؟ اكيد تحاول تساعدهم.. طب ما تعمل كده وروح اتكلم مع الناس ناقشهم يمكن يحصلك مشاكل يمكن تلاقي ناس متقبلش كلامك بس فى الاخر انت بتعمل بكلام المسيح لك.. أنت مش عايز الناس ديه تموت أنت مسيحي بتحب كل الناس يبقى عايز يكون ليه حياة ابديه زايك بالظبط.

نشوف بعض الايات اللي بتتكلم عن الكرازة سوا:

1- لا تخف, بل تكلم, ولا تسكت, لاني انا معك, ولا يقع بك أحد ليؤذيك.
2- وأرسلهم ليكرزوا بملكوت الله.
3-دع الموتى يدفنون موتاهم, وأما أنت فذهب ونادي بملكوت الله (اهوه ملكوت الله اللي بنقول عليه فى الصلاة ليأتي ملكوتك بالكرازة سيأتي ملكوت الله) مش بقعدتتنا فى البيت!


أنا أتكلمت براحتي وديه حاجة واقعيه ومضايقني جدا فوق ما أي حد يتصور... وقبل ما تردوا عليا ردوا على نفسكم.. شوفوا أنا عندي حق فى اللي بقوله ولا أنا غلطانه بس للاسف أنا شايفه أمر واقع مش بنسجه من خيالاتي... ومنتظره ردودكم. فبرونيا.

عندك حق ونحن مسؤلون امام الله
تيموثاوس الثانية ٤:‏٥ وَأَمَّا أَنْتَ فَاصْحُ فِي كُلِّ شَيْءٍ. احْتَمِلِ الْمَشَقَّاتِ. اعْمَلْ ‍عَمَلَ الْمُبَشِّرِ. تَمِّمْ خِدْمَتَكَ.

انا مش فاهمة اوى بصراحة يعنى انا هتكلم عن نفسى مثلا
انا هقدر اعمل ايه اكتر من كده
انا مش مجرد انى بقعد هنا وانسخ اى رد واكتبه والسلام
انا بقرا كتير جدا فى الكتب المسيحية وكمان بقرا كتير جدا عن الاسلام علشان اقدر ارد
انا مش من علماء الدين لكن الى حد ما بحاول انى ارفع اسم ربنا على اد ما اقدر
سواء ده بالرد على الشبهات او توضيح شىء معين لان هو ده كل اللى فى ايدى اعمله
لكن انا مش هشد الناس بالعافية انها تسمعنى لان ده مش من حقى
اذا كان ربنا ترك للجميع حرية الاختيار انهم يتبعوه او يبعدوا عنه يبقى انا بقى البشر الضعيف اللى هجبرهم انهم يفهموا

اقتباس :

سيبك من ده.. أنت طبعا عارف يعني ايه كرازة.. أنت بقى بتعمل فيها ايه.. بتبشر وانت قاعد على كرسيك ولا بينك وبين نفسك؟ رد بس على نفسك..

انا ببشر عن طريق وسيلة الكترونية حديثة(الكمبيوتر) خلتنى اعرف ناس كتير وفى بلاد تانية واوصلهم كلمة ربنا الفكرة مش فى مكانى الفكرة انا هقدر اوصل لمين بمكانى ده؟

اقتباس :

هيأتي ازاي واحنا مش بنبشر بالمسيح؟

طيب امال وظيفة المنتدى ده ايه؟؟ امال تعبنا ده بيروح فين؟
انا بقالى سنة و7 شهور فى المنتدى هنا وكل ده فى الاخر معقول ملهوش معنى
كل ده وكان مفيش شىء اتعمل خالص .يعنى كده انا بقيت متساوية مع اللى بيلعب جيم على النت.
ده يبقى شىء صعب اوى.
رغم اختلاف ارائنا فيما يخص الموضوع ده يا فبرونيا لكن ده ميمنعش انى بحترمك جدا جدا
ميرسى ليكى على الموضوع

صوت صارخ.. الايه اللي وضعتها فى محلها.. وهحتاجها أوصل بيها فكرتي أفضل للايتن.


شكرا... نورتني.

مرحبا بك عزيزتي ايتن.. أكيد تواجدك الفترة ديه كلها فى المنتدى معنوي جدا وذو أهميه وألا مكنش حد فينا هيكون موجود هنا.. لكن أحب أنبه لشئ معين ومن وجهه نظري مهم.. أحنا تواجدنا فى المنتدى هنا عظيم ولكن لو افتراضا مدخلش عضو مسلم ولا أي ديانه تانية والكل مسيحين.. يبقى أنتي هتبشري مين؟ محدش طبعا..


انا ببشر عن طريق وسيلة الكترونية حديثة(الكمبيوتر) خلتنى اعرف ناس كتير وفى بلاد تانية واوصلهم كلمة ربنا الفكرة مش فى مكانى الفكرة انا هقدر اوصل لمين بمكانى ده؟

الوسيلة ديه وسيلة مساعده مش اساس.. مثلا لما بتبحثي عن عمل بتبحثي على النت وتبعتي السي في بتاعك لكن عشان تتقبلي فعلا لازم تروحي ويشوفوكي وتتكلموا قدام بعض كويس اسمها مقابله عمل... أحنا محتاجين لمقابله تبشير بالمسيح.. فيه طوائف مسيحية بتعمل ده وأنا فعلا بحسدهم ايوه لازم نحسدهم فيه منهم مثلا محتاج انه يشتغل فول تايم وبيشتغل بارت تايم عشان يخلي بقيت يوم يروح يتكلم مع الناس ويعرفهم بالمسيح واتكلمت مع ناس منهم كتير قبل كده.. قولتلهم مش بتقابلوا مشاكل قالوا طبيعي نقابل مشاكل وممكن نفضل بره البيت ساعات طويله وبنلف بعربيتنا وبنتغدى بره مثلا كام يوم فى الاسبوع واحنا شغلنا مش بيعمل دخل عظيم يعني بس الكرازة ديه شئ يخلي اسمنا فعلا مسيحين نتتمي للمسيح مش بالكلام بالفعل الناس ديه يا ايتن عندهم نت زاينا صدقيني بس هما فاهمين بيعملوا ايه وبيرتبوا مواعيدهم ازاي..


الايه اللي ذكرها اخونا صوت صارخ(احْتَمِلِ الْمَشَقَّاتِ. اعْمَلْ ‍عَمَلَ الْمُبَشِّرِ. تَمِّمْ خِدْمَتَكَ) احتمل المشقات يعني تروحي وتيجي وتستحملي والناس اللي شوفتها ديه فيه ناس بتقفل فى وشها الباب أول ما تبدأ تتكلم عن الدين لان هنا فيه ملحدين كتير أو ناس ولا يهمه الدين بالمرة ... اعمل عمل المبشر.. أنتي مثلا لو هتعملي افتتاح لبوتيك مش هتقعدي تعملي له اعلانات فى كل حتة وبكل طريقه قبلها بشهرين على الاقل.. أحنا عايزين نبشر بالمسيح لكي يأتي ملكوته... وبعدين فى اخر الايه بيقول تمم خدمتك يبقى ممكن نكملها او نتممها بوجدنا هنا.



ده اللي أنا بفكر فيه.. واحنا بنتناقش مفيش مشكلة أن عارفه أن اللي بقوله صعب فى مصر طبعا عشان الاسلام وكده بس بيقول تحمل المشقة.. أنتي عارف يمكن محدش يستجيب عادي بس أنتي هتخلي الناس على الاقل تفكر وتبحث عن الحق.. وكمان تعرف المسيحية كما هي ليس كما هو منتشر بشكل سيئ وأديكي بتشوفي من اخواتنا المسلمين اللي بيدخلوا هنا بيكونوا بيفكروا ازاي الاول لحد ما نتناقش يمكن ميقتنعوش عادي كل انسان له دينه بس على الاقل يعرفوا الصورة الصحيحة للمسيحية..

هى فكرة كويسة اوى يا فبرونيا ودلوقتى وصلتنى بشكل اوضح ولكن....

تطبيقها على ارض الواقع اصعب مما تتخيلى لان ظروف البلد متسمحش اطلاقا بكده

علشان كده لازم نحط ده فى الاعتبار. عارفة دلوقتى التبشير بيتم ازاى؟ عن طريق القنوات

التبشيرية وعن طريق مواقع الانترنت ده هو المتاح. لكن كون اننا نطبق ده فى الشارع ده من وجهة نظرى

صعب جدا رغم انى كنت اتمنى اننا نطبقه.ياريت كان الموضوع اعلان عن بوتيك زى ما بتقولى

كان هيبقى اسهل من كده بكتير.احنا مش عايشين فى بلد قماشة الحرية فيها مطاطة لدرجة انها

تستوعب اننا نعمل كده. ده لو حد حس ولو من بعيد ان فى حد بيلمح لكده بسرعة بسرعة تبقى

تهمة تبشير وانتهى على كده. اه فعلا دلوقتى التبشير فى بلدنا تهمة زى السرقه وتجارة المخدرات

هى فكرة مثالية لكن تنفيذها صعب اوى وان كان مش مستحيل .

اقتباس :

الوسيلة ديه وسيلة مساعده مش اساس.. مثلا لما بتبحثي عن عمل بتبحثي على النت وتبعتي السي في بتاعك لكن عشان تتقبلي فعلا لازم تروحي ويشوفوكي وتتكلموا قدام بعض كويس اسمها مقابله عمل

انا موافقاكى بس ده يتنفذ ازاى كل واحد اللى فى ايده حاجة يعملها وميعملهاش يبقى مقصر

ولكن برضه هقولك لو اتيحت لينا الفرصة فعلا نعمل زى ما بتقولى ده يبقى انجااز رائع.

ماشي ممكن أتفهم ده فى مصر أو عموما فى بلد عربي عشان بتكون دول اسلاميه مع أن فى السودان بشروا زاي ما فيري كان نزل فيديو بتاع الشيخ اللي زعلان أوي عشان نزل فى محطة ولا معرفش فين لاقى شباب واقفه وبتتكلم عن المسيح وقالوا للناس أن المسيح يحبك وكده وده عمل زيادة فى تعداد المسيحين فى السودان.. وعلى أي حال هلاقي لمصر عذر طب أنا عايزه افهم فى دولة مسيحية بقى مش بيحصل ده ليه سواء من الكاثوليك ولا من الارثوذكس؟ ده ملهوش أي تفسير غير أن الدين بقى من الحاجات الغير اساسيه بالمرة فى الحياة اليومية السطحيه الواهيه اللي الواحد بقى بيعيشها فى الدول ديه.. واللي يحزن أكتر تدخلي القداس كل يوم فى دوله من اهم الدول المسيحية الاوروبية تلاقي كل اللي موجودين ناس عواجيز ألا ما فيه شباب يعرفوا ربنا ده شئ بيؤسفني بجد.. تفتكري يا ايتن ميزعلكيش أنك تيجي تتكلمي مع واحدة صاحبتك مسيحية وبتقوليلها مثال على حاجة فى بتقوليلها الجديد مثلا أو العهد القديم ويحصلك فزع لما تسألك هو ايه العهد الجديد والقديم دول وهما فين وديه كاثوليك وفى بلد كاثوليكية يا نهار أبيض انا يوميها كنت هشد فى شعري قولتله العيب مش عليكي معلش العيب فى المجتمع اللي مبقاش يهمه غير الاشياء الدنيويه وقعدت كل يوم اتكلم وياه فى حاجة اذا كانت مش عارفه اصلا الكتاب المقدس بيحتوي على ايه اومال بقى اللي ملهمش دين عاملين ازاي أنتي متخيله؟

للاسف الناس بتبعد وتضل من قلة المعرفة ومن قصور الخدمة

المسيح قال: تضلون اذ لا تعرفون الكتب

ميرسى ليكى يا فيبى لاثارة موضوع مهم وحيوى زى ده

فى ناس كتير اوى احوالها تحزن وللاسف بتجرح قلب ابونا السماوى

شكرا لانك نورتيني يا غاليه


وربنا يفتح عيون الجميع.

طبعا الحوار رائع جدا بس عايز معاكم اضع بعض النقاط الهامة
اولا البشارة بالمسيح دة عمل كل مسيحى
بنقول فى القداس فى مرد مشهور والكنيسة كلها بتصرخ فية يا رب نبشر وبقيامتك المقدسة وصعودك إلى السموات نعترف نسبحك نباركك نشكرك يا رب ونتضرع غليك يا إلهنا
ثانيا السؤال دلوقتى المفروض يبقى طب اذاى هعمل كدة زى بالظبط ما ايتن قالت كل وسيلة امامنا متاحة نستعملها
1- نستطيع التبشير بالمسيح بصمت اذاى
متى ٥:‏١٦ فَلْيُضِئْ نُورُكُمْ هكَذَا قُدَّامَ النَّاسِ، لِكَيْ يَرَوْا ‍أَعْمَالَكُمُ الْحَسَنَةَ، وَيُمَجِّدُوا أَبَاكُمُ الَّذِي فِي السَّمَاوَاتِ.
2-من خلال الخدمات المتنوعة فى الكنيسة
المفروض كلنا بنخدم فى مجالات كثيرة وفى الخدمة عندنا افتقاد ارامل وايتام وعندنا مرضى وعندنا خدمة قرية كل دية اماكن بننزل فيها (المفروض) ونكرز باسم المسيح ليس للمسلمين او الاخر بس على الاقل نكرز باسم المسيح للمسيحيين الذين لا يعلموا المسيح

ويبقى احنا وهما لما ننور للناس والناس تشوف عملنا الحسن بالبشارة الصمتة يبقى احنا كمان وصلنا الى لهدفنا
3- من خلال الوسائل الالكترونية (كما قالت ايتن )
4- من خلال الاحتكام المباشر مع الاخر المخالف فى المعتقد وتوصل افكار وتصحيح افكار خاطئة عنده

بس فى نقطة لم استطيع ان افهمها رجاء التوضيح

اقتباس :

نكملها بقى (ليأتي ملكوتك) طب هيأتي ازاي واحنا مش بنبشر بالمسيح؟

ما علاقة قدوم الملكوت بالبشارة بالمسيح ؟

في نقطتين عجبوني كتير بكلامك يا (صوت صارخ)
وسبب اعجابي فيهم انهم من الواقع اللي انا عايشة فيه

اول نقطة :

اقتباس :

ونكرز باسم المسيح ليس للمسلمين او الاخر بس على الاقل نكرز باسم المسيح للمسيحيين الذين لا يعلموا المسيح

انا عايشة بمجتمع اهتمام الناس فيه ضعيف بالامور الروحية

يعني بيعرفوا الامور الاساسية فقط..ولكن مافي تعمق بالامور الروحية..لاسباب لامجال لذكرها الان

اللي حابة اقوله ان اللي بتعلمه من المنتدى بوصله لغيري من المسيحيين عندنا

وفعلا قدرت أأثر على بعض الناس المقربين لي..وتغيرت حياتهم

وانا مبسوطة ب هالشي

وبهذا بيكونوا مؤسسي المنتدى كرزوا باسم المسيح ووصلوا صوتهم بالرغم من بعد المسافة بيننا

النقطة الثانية :

اقتباس :

ويبقى احنا وهما لما ننور للناس والناس تشوف عملنا الحسن بالبشارة الصمتة يبقى احنا كمان وصلنا الى لهدفنا

كمان هذا كلام من واقعي انا..كتير بسمع من الناس المسلمين بعدما يعرفوني كويس

انهم ما كانوا متوقعين انه المسيحيين هيك وانه كانت فكرتهم غلط عننا

انا برأيي الأولوية لازم تكون لتعريف المسيحيين بتعاليم المسيحية ..وبعدها بالدرجة التانية تعريف المسلمين بهذا الشي

شكرا يا صوت صارخ
وشكرا ل ايتن وفبرونيا

الموضوع جميل
وفكرا في اشياء ذكرت انا كان نفسي اثيرها او حتى اناقشها مع اي شخص مسيحي
بس كنت بتوقع انها سوف تثير جدال او يظن اني اسخر او شئ من هذا القبيل
فعلا انا احس ان الناس اللي بالكنيسة اغلبهم كبار بالسن
وبسأل نفسي ليه
ربما الصوارف عند كبار السن اقل من الصوارف عند الشباب بس ذلك لايعني انها اسباب وجيهة تخول له ترك امور مهمة واساسية

انا في اوقات من عمري سكنت بجانب الكنيسة وكنت ارى هذا الشئ
كبار السن وبعض الاطفال هم من يتوجهوون اليها
بس كان من فتره طويله
ايضا قبل ايام نقلت محطة من المحطات لااعرف ماتسمونها ربما صلاة القداس يوم الاحد
وكان الحضور عبارة عن كبار السن وقليل جدا من الشباب
رغم ان قوة كل شئ يكون في الشباب
ولأني وجدت هنا شباب من المسيحيين نشيطيين
استغربت من هذا الواقع
رغم اني اشعر ان كثير من اطفال المسيحيين ينشؤون في الكنائس
قريبيين جدا من مركز العبادة
لكن السؤال اين هم حين يكبرون؟؟
اتمنى لاتعتبرون اني اتيت للموضوع بدافع شئ معين
لاوالله
بس حماسة شخص لأمر معين
يدفعك لنفس الشعور

رغم اني اجد ايجابيات كثيرة في الكنيسة اتمنى ان اقوم بتنشيطها في المساجد
ومن ذلك تحبيب الاطفال في الحضور لمثل هذه الاماكن المقدسة
وتشجيعهم على حضور الصلوات

ورغم ان هذا الامر كان موجود في عهد النبي صلى الله عليه وسلم
الا اني اجد قلة من الناس تحاول احياء مثل هذا الامر
وثقافات فردية عند بعض العائلات

ثانيا قلة معرفة الناس بدينهم النقطة التي اثارتها الاستاذه فبرونيا
انا فعلا عايشتها
احيانا اتكلم مع اشخاص اشعر اني افوقهم عشرات المرات معرفة عن دينهم
ربما انهم لايحملون الا مسمى الدين فقط
وبعض من الامور التي لايجهلها احد
رغم انه مخول ليكون اعرف الناس بدينه وبما ينتمي له

اتمنى اني لم ازعجكم
بمشاركتي في هذا الموضوع كونه موضوع ديني بحت
واتمنى ان لاتروني اني اقتحمت على مسائل ليس لي فيها اختصاص
شكرا فبرونيا