ياللي بضحك وببكي وانا بين ايديك

هظلمك لو قولت بحبك

هظلمك لو وصفت احساسي بيك

هو ده يتقال عليه ايه

مشوفتش مصطلح يوصف احساسي

فى أي قاموس أو معجم

احساسي بيك يا رب معدي كل حد

احساسي بيك يا رب اكبر من الزمان وملهوش وجود فى مكان بعينه

أصلك مش متواجد بس حواليا فى كل مكان.. لا انا بحس انك انت هنا

ايوه هنا جوايا جوايا اوي فى قلبي فى احساسي فى عقلي فى فكري فى عواطفي

بقعد ابصلك فى كل حاجة عملتها فى حياتي.. عنيا تدمع واسكت اصلي هقول ايه على كل ده

أنا بجد عاجزة يا أحب من أي حبيب لقلبي يا مخلصي ياللي بنام وبصحى افكر فيك ياللي بضحك وببكي وانا بين ايديك

ياللي بكون كويسة وانا وياك ولما بخطأ بكون تحت رجلك ببوسها واقولك خليني جنبك بأي شكل مد ايديك وارفعني ليك

ارفعني اشوف عيونك اللي ادمعت وانت على الصليب علشاني.. انت تدمع علشاني يارتني اقدر امسح دموعك ديه بأفعالي الصالحة

ساعدني يا حبيبي.. أنا بحبك يا رب مش قادرة أوصفلك.. ما أنت عارف بقى يا رب أنت عملت معايا ايه

وأنا سمعتلك ازاي لما ارشدتني ما أنت سري ما انت منبع حياتي ما أنت اللي اتولدت معاك من جديد.. ما أنت عارف يا رب

يوميها حسيت بأيه.. حسيت أني كنت فى العدم وبيك بس بقيت واتكونت وفتحت عيوني على نور أعلى من نور الشمس..

ايه دة كله يا فبرونيا .. ايه الكلام الحلو دة

كتاباتك حلوة اوي ولازم اجمعها بموضوع واحد زي ما عملت مع مواضيع فكتوريا

لان كتاباتك تستاهل فعلا queen

شكرا الك

أنا نفسي.. بجد أتمنى أني أعرف أوصف احساسي بـ ألهي.. لآني بحبه بشكل مش قادرة أحكي عنه. بحس بيه فى حياتي بيملى كل كيان.. ولما بغيب عن التفكير فيه ثواني بحس ان الحياة فارغه لا معنى لها اطلاقا... مش عارفه.. بحبه ونفسي اشكره على اللي بيعمله معايا..

شكرا جدا ليكي يا هوب.. وشكرا على مجهودك بجد معانا.. احنا بنتعبك يا حبيبة قلبي..

انا بكون مبسوطة لما بقرأ كلام زي اللي انتي كاتباه دة :

أنا نفسي.. بجد أتمنى أني أعرف أوصف احساسي بـ ألهي.. لآني بحبه بشكل مش قادرة أحكي عنه. بحس بيه فى حياتي بيملى كل كيان.. ولما بغيب عن التفكير فيه ثواني بحس ان الحياة فارغه لا معنى لها اطلاقا... مش عارفه.. بحبه ونفسي اشكره على اللي بيعمله معايا

وبتعلم من كلامك حاجات كتير
انا اكيد رح اكون مبسوطة وانا بجمع مواضيعك ..وانا اللي لازم اشكركم على تعبكم

merci

فيبي

ايه الحاجات الحلوة دى كلها...كمان العنوان رااااائع

ايه دا يا فبرونيا
دي ثاني مرة بتفاجئيني بيها

انتي مستخباية وراء قلمك

ممنوع الكسل في الكتابة
انتي كل اسبوع لازم تكتبي حاجة
يعني ليه تبخلي علينا؟

كلام رائع
برافو فيبرونيا waw

شكرا جدا يا ايتن Smile

.

فكتوريا أنا بكتب وقت ما بحس بـأن احساسي صعب اني اعرف اكتمه جوايا بس لما بيفيض الاحساس جوايا.. شكرا جدا ليكي

منورني جدا.

يا بختك يا فبرونيا

يا بختك على احساسك دة بربنا
يا بختك على كلماتك اللي بتعبر عن احساسك دة

ربنا يباركك ويبارك موهبتك ويقربك انتِ وايانا من ربنا (المحبة) اكثر وأكثر

flower

كلام رائع واحساس رائع وعنيا دمعت وانا بقرى كلامك
ومهما عملنا مش هنعرف نرد اى حاجة من محبة ربنا ليناااااااااا
ولا حتى باعملنا الصالحه دة بيقول لوقا ١٧:‏١٠ كَذلِكَ أَنْتُمْ أَيْضًا، مَتَى فَعَلْتُمْ كُلَّ مَا أُمِرْتُمْ بِهِ فَقُولُوا: إِنَّنَا ‍عَبِيدٌ بَطَّالُونَ، لأَنَّنَا إِنَّمَا عَمِلْنَا مَا كَانَ يَجِبُ عَلَيْنَا".
ربنا يثبتنا فى ايمانة ويعطينا روح التوبة الدائمة المستمرة فى كل حياتنا ويعطينا روح الشكر الدائم ولنسبحة ونمجدة لانة مستحق

شكرا جدا فبرونياااااااااااااا

أنا مسيحي... كلنا نقدر نحس بربنا بقلبنا بجد يمكن مش هنعرف دايما نعبر بس الاحساس ممكن يكون موجود بالتقرب منه بحبنا له بأحساسنا انه بالفعل حوالينا فى كل مكان.. منور جدا وشكرا على ردك الجميل Smile

.

فيري... شكرا على ردك جدا واضافه الايه.. عنيك اللي دمعت دليل على الايمان اللي بداخلك ولكنه عايز تنشيط من حين للاخر... أنت اكيد منورني.. شكرا ليك وربنا يباركك ويحفظك.

يبقى كلنا عايزين تنشيط للايمان يلي بداخلنا

Embarassed

ايوه ديه حقيقة... كلنا محتاجين لده.. لان الايمان موجود.. ولكن محتاجين لشئ دايما يقويه أكثر فأكثر.