ميكروباص المنتدى

يا جماعة أنا جايبلكم فكرة ممكن تكون لذيذة شوية

أنا فكرت إننا نعمل ميكروباص ل
منتدى أنا مسيحي
وأعضاء
منتدى أنا مسيحي

نوع الميكروباص : تويوتا

عدد الركاب : 14 راكب

الأجرة : بدون اى أجرة

خط السير : اى مكان نتخيله

الفكرة
إحنا ها نعمل رحلة كل أسبوع
هانختار مكان نروحة بالميكروباص بتاعنا
مفيش حاجة اسمها حدود او بحار او محيطات هاتمنع الميكروباص انه يروحها
هانروح اى مكان فى العالم احنا نفسنا نشوفه بالميكروباص بتاعنا

الفكرة بقى اننا نتخيل وإحنا في الطريق ورايحين مكان معين هانعمل اييه فى المكروباص وهانقول اييه وهانهزر مع بعض ازاى عشان احنا هانبقى فى رحلة بالظبط

واللى هايختار مكان نروحة هو اللى هايبقى المرشد السياحى داخل الميكروباص وهو اللى هايقعد يكلمنا عن المكان ويوصفه لينا لحد ما نوصل المكان ده

هانروح كل الاماكن اللى احنا بنحبها ونفسنا نشوفها

الكل يتخيل وانت بتدوس كليك عشان تدخل الموضوع ده...انت مدوستش كليك.. انت فتحت باب الميكروباص ودخلت اعدت جوه

يا ريت تكونو فهمتوا و تخيلتو أنا كنت اقصد ايييه
مستني ردودكو

بجد ياكارز الموضوع ده جميل جدا
انا عجبني قوي بصراحه
وميرسي خالص ياكارز علي موضيعك الجميله دي

فكرة الموضوع جميلة جداً

بس انا عندي طلب بسيط

انك تكون يا كارز الحب المرشد لرحلتنا الاولى

شكراً يا كارز على الافكار الجميلة وربنا يعوضك

أولاً يا فادي أنا أسف على التأخير في الرد بس مش هينفع أنا أكون المرشد علشان أنا السائق ههههههههههههههههههه
ومتخفوش أنشاء الله هنوصل بالسلامة بس أنتو أدعولنا فأي حد ياريت من أخواتنا يكون مرشد لأي مكان عايز هو يختاره

[/center]

ما دام انت اللي سايق يبقى نطمن

بس برضو عايزك يا كارز تبقى مرشد سياحي لأول رحلة لينا بالميكروباص علشان نتعلم من طريقة ارشادك

ويا رب نوصل لأي مكان

هههههههه

ماشي يا فادي أنا هجهز لرحلتنا أللي هنطلع بيها، بس مش هينفع نطلع بالرحلة والمكروباص أنا وأنت بس عايزين نكمل العدد وأعملنا دعاية ليها على فكرة دي مجاناً وفيها هنتعرف على أماكن كتير كل مرشد هيقولنا على الأماكن أللي هياخدنا ليها طبعاً سواء أماكن دينية زي الأديرة والكنائس أو أماكن سياحية أو أماكن عامة أو بلاد وربنا يستر علينا ويكفينا شر الطريق.

انا هاجى معاكم بس اختاروا انتو المكان
وربنا يرجعنا بالسلامه

أوكي يا نوجا يالله أركبي معانا وياريت تقولي لكل أصحابك وكمان أنتي هتكوني المرشدة بتاعتنا علشان زي ما أنتي شايفه أنا بسوق وأحسن ربنا يستر علينا في الطريق وأنا سمعت أنك هتودينا دير الانبا ابرام يالله بسرعة جهزي
البرنامج