انا عندي مشكله معذباني

مساء الخير

انا بحب واحده و بموووووت فيها بس المشكله انها بتقولي اني زي اخوها

و انا عايز اشوف حل و عايز اخليها تحبني

عشان لما بتقولي انت اخويا بتضايق

انا عندي 15 سنه

ياريت حل للمشكله

مساء النور, اهلاً بيك osasuna120
------

أولاً: أسمحلي أقولك أن سنك صغير جداً يعني ديه مرحلة وهتمر بيها وهتعدي معتقدش أنه هيكون حب العمر.. ما علينا حتى لو افترضنا أنه حب بجد.. أنت لازم تكون هادي شوية وتسيب الموضوع يجي لوحده متضغطش على مشاعرها لانها طول ما هي حاسه بده هتبعد مش هتقرب صدقني.. سيبها فترة متسألش عليها ولو اهتميت انها تتصل بيك او تطمن عليك معنى كده انها حسيت بغيابك ويجوز هي كمان تحس بحاجة ناحيتك بس الامور ديه بتيجي خطوة خطوة.. وكمان الحب مش انك تقولها كلام وتنتظر منها كلام هي لما تشوف مواقف رقيقة وجميلة ورجولية منك يجوز تفكر وتقرب منك.. يعني جبلها هدية فى حاجة أنت عارف انها ممكن تعجبها.. تشتريلها كتاب فى حاجة هي مهتمه بيها.. تفتكر عيد ميلادها وتعملها فيه مفاجأة.. كده يعني.

نورتنا.

شكرا يا اختي علي المساهمه

و لكن اسمحيلي اوضح ان الحب ليس له سن

و انا علي الحال ده منذ 4 او 5 سنين و مش قادر اقربها مني و عملتلها حاجات كتير جدا و كل سنه بفتكر عيد ميلادها

يعني مكلمهاش خالص دلوقتي و لا ايه ؟

بس انا مش عارف اعمل ايه انا متضايق عشان الموضوع ده

أينعم الحب ملهوش سن بس ديه جملة تنطبق على بعد سن المراهقه.. أعتقد ده حب مراهقه وده ميعبش فيك وكلنا مرينا بالسن ده وكنا فكرينا اننا هنموت بدون شخص معين لكن الحياة بتمشي.. ده بنسبة كبيرة حب مرحلي فترة وهيمر مهما طالت او قصرت المدة.. وفاهمه ومقدره جداً اللي أنت حاسس بيه ساعتها مكناش نتخيل اننا هنعيش بعديه بس كله بيعدي..

المهم مادام بقالك على الحال ده فترة كبيرة وزي ما بتقول سنين وكده لازم تبعد فترة عشان تشوف هي هتدور عليك ولا لأ لان عدى وقت طويل وأنت دايماً جنبها فيه ناس لما بتكون الحاجة او الشخص جنبها مش بتعرف قيمته لكن أول ما بيبعد أو مش مبتشوفه بتحس بقيمته بجد ساعتها يجوز هي تكون كده جرب فترة متقلش عن اسبوعين عارفه انه صعب بس اضغط على نفسك لو عايز تعرف فعلا احساسها الحقيقي لو ده متغيرش ومسألتش وكده يبقى شيل الموضوع ده من احساسك واحدة واحدة طبعا عشان نفسيتك متتعبش

أتمنالك الخير..

يعني كل ما تتصل بيا مثلا او ترنلي مردش و كده ؟

لا متردش وحاول متتواجدش فى مكان هي ممكن تتواجد فيه.. عشان هي نفسها تعرف تقيم احساسها تجاهك.. لامه يكون زي ما أنت بتتمنى لامه لأ وتبطل وجع القلب ده.

اوك شكرا يا اختي علي المساعده

بس اسبوعين كتير قوي