كارز الحب مسيحي متميز
الجنس : عدد المساهمات : 786
| موضوع: one way الإثنين 10 نوفمبر 2008, 9:01 am | |
| One Way
طريق كلة عربيات ... عارفة سكتها من غير إشارات ولا مرور ولا وقف واقطع كارتات ... والهواء فيه بيعمل مطبات طريق بنعملة آحنا بإيدينا وبنبعت فيه عربيات عليها ماركات " طلبات " و " تظلمات " طريق اتجاة واحد من تحت لفوق يبدأ من عندى انا هنا يبدأ لما الدنيا تضيق عليه ... لما آحس انها بقيت مش ماشية زى الاول ... لما تحصل حاجة انا مش متوقعها ولا فاهمها يروح يبدأ صوتى يعلى ويصرخ وانا باصص لفوق واقولة ليه يارب ... ليه بتعمل معايا كده ... اية اللى بيحصلى دة ... رد عليا ... فهمنى ... وافضل قاعد مستنى الاجابة علشان افهم ويعدى وقت كبير وانا مستنى الرد والاجابة ولا فيش حاجة وانا عمال اصرخ ليه يارب ... ليه يارب وعمال اوجه الاتهامات و الاسئلة ولا لاقى إجابة ... ولا هلاقى حاجة لانى لازم افهم اسأل نفسى قبل ما اقول ليه يارب قبل ما استنى اجابة .. واجيب اللوم على ربنا انه مش بيرد علية ... اسأل نفسى انا فين ؟؟ انا فين من ربنا ؟؟؟ شكل علاقتى بيه ايه ... انا حاطط ربنا فى انهى مكانة فى حياتى ...ربنا نفسة لية اد اية فى حياتى علشان اسألة ليه يارب هل ربنا بالنسبة ليا بتاع الطلبات وقت الاحتياج ليه يارب هل ربنا بالنسبة ليا بجرى عليه وقت الخطر ليه يارب هل ربنا بالنسبة الاله اللى فوق اللى بيحقق طلباتى ليه يارب هل ربنا بالنسبة بتاع الاعياد والمناسبات هل انا عامل معاه طريق وسكة رايح جاى اسأل ويرد عليه عامل معاه طريق فيه شكر فى كل الاحوال بتكلم معاه فى الحلوة والمرة وهو فى حياتى المركز ولا بتكلم واعلى صوتى لما الامور ما تعجبنيش لما ما تجيش على هوايا .. وكل اللى عايزة منه انه يفهمنى ويرد عليه ... طاب ازاى وانا عامل معاة سكة اتجاة واحد يعنى مافيهاش راجع ... علشان كده قبل ما تقول ليه يارب ... اعرف انت فين وعلاقتك معاة شكلها اية
| |
|
maryain bent almalek مسيحي نشيط جداً
الجنس : عدد المساهمات : 425 العمر : 34
| موضوع: رد: one way الإثنين 10 نوفمبر 2008, 5:19 pm | |
| | |
|