ايام الخطوبة ههههههههه

أجمل ما في الخطوبة العزايم الرومانسية
المخطوبين بيروحوا على أحلى مطاعم في البلد وأخر انسجام

!! وادي دقني لو العروسة حتشوف مطاعم تاني بعد الزواج !!
المهم يا أنستي العزيزة ،، لو ربنا فك عقدتك و اتخطبتي

اول شي

الشوكة والسكينة

لازم تعرفي الله يسترك

الشوكة تتمسك من ايدها من الطرف ..
مش من الوسط ولا من البوز

وبطلي افلام الرعب الي بتشوفيهم ..
مش خنجر هو

2

:: الخبز ::
اوعى تفضحينا وتقطعيه باسنانك

!! و لا تقطعيه نصين بايديكي وكل نص وابلع .. اوعي

الخبز بتقطع بالسكينة في الطبق ..
وبعدين تاخدها لقمة لقمة وتاكليها بالعافية

!! قال يعني نفسك مسدودة

واضغطي على اعصابك شوي لحد ما تروحي بيتكم وهناك خدي راحتك زي ما انتى عاوزة

3

:: الشوربة ::
أبوس كعب رجلك .. هذا البند مهم كتير
الشوربة تتشرب من غير صوت خالص .
ومن غير ما تقعدي تنفخي فيها

!! زي القهوجي الي بنفخ الحجر للزبون
اهم شي بالملعقة وبدون صوت .. و تكون سخنة، مولعة، برضه بدون صوت
ولا تنسي تسيبي تلت الطبق مليان

ولا تميليه ع طرفه وتلعبي حبشة مع أخر نقطة في الطبق

4

:: الرز ::
الرز طبعا يتاكل بالشوكة

إوعك تمدي ايدك ع المعلقة وتغرفي من الطبق وتعبّي !! إوعي

الرز بالشوكة .. وكأنك بتبوسيه مش بتاكليه

5

:: المكرونة الاسباجيتي ::
برضه بالشوكة .. تتلف على طرف الشوكة

لحد ما تخلص وبعدين في فمك في هدوء ومن سكات

مش تشفطيلنا المكرونة عود عود

6

:: السمك ::
هو السمك مشكلة شوي

ركزي معي لتعرفي كيف تفصلي اللحم عن الشوك
بتقطعي اللحم من النص بالطول .. وبعدين افردي اللحم ع الناحيتين

وبس تخلصي ناحية لا تقلبي السمكة .. بلاش فضايح

شيلي السلسلة بالشوكة والسكينة وحطيها في جنب الطبق

وكملي النص التاني
ولا اقولك .. بلا هالفيلم الهندي كلها

بلاها اكلة السمك .. قولي ما بحبش السمك وريحي نفسك

7

:: الجمبري ::
اذا بتعرفيه يعني
اول ما ينزل صحن الجمبري .. بصّيله كدا من تحت لتحت

قال يعني زهقانة من كتر اكل الجمبري الجامبو في بيت ابوكى

الله يخليلك اياك .. واتنهدي بصوت كدة وقولي

هو انت تاني يا جمبري .. انت ورايا ورايا
و تروحي قاطعة راس الجمبري بالشوكة .. بليز انا في عرضك

انسي المصمصة في الجمبري خصوصا

8

:: البطاطس ::
سواء مسلوقة ولا محمرة

لا تهرسيها وترميها ع صحن الرز وتلغّي .. لا كدا غلط

بالشوكة وشوي شوي زي ما تكوني راح تبكي من كتر ما

البطاطس صعبانة عليكي يا عيني

9

:: الفاكهة ::
لو الفاكهة فيها بزر .. بتطلعيه من فمك بشويش

وتحطيه بايديكي وهي مقفولة .. و في طفاية السجاير الي ع الطاولة

وانسي نظام التفتفة .. مش وقته

10

:: النهاية ::
بس تخلصي أكل

تحطي ايدك ع بطنك -اللي عصافيرها بتزمّر من العينات الي شميتيهم

وتقولي مش قادرة ، مش ممكن .. اول مرة اكل بفجع كدة

قدامي اسبوع مش هبص للأكل
وبعدين تمسكي الفوطة اللي دايما محطوطة ع الطاولة

بلا اهمية وتبوسيها .. قال يعني بتمسحي فمك
وبعدين استأذني عشان تصلحي الميك أب .. وتروحي التواليت

وطّلعي من شنطة ايديكي ساندويتش فلافل و شوية زتون وفحل بصل وقرن فلفل .. وبالهنا والشفا

هههههههههههههههههههههههه
أيه ده كله يا مورة مفيش أحسن من الأنسان يكون بطبيعتة بس في حدود بردو
ميرسي يا مورة على الموضوع وربنا يبارك حياتك وخدمتك

هههههههههههههههههه
ايه دا يامورة
بس انتى مقولتيش بالنسبه للراجل هيعمل ايه ولا هو مش ناوى ياكل

مانا هقولك هو ممكن مايكولش ويفضل باصصلك فى كانك هتصعدى

وممكن يديها ويخلص على التربيزة كلها بس خدى بالك انه بردوا هيبقى مركز عليكى

يعنى فى كل الاحوال خدى بالك من الكميرا الرهيبة اللى معاكى

وربنا يحافظ علينا وكملنا بسلام

كلمك كويس بس بلاش كدةمش لازم تحبكها اوي

ههههههههههههههههه
جميلة جدا جدا ربنا يخليكى
علمتينا نصائح جميلة
ميرسي جدا
يس فى الاول والاخر التواضع حلو

هههههههههههههههه

مورة كلامك كويس

شوكرا ليك Smile

ههههههههههههههههههههههههههههههههههه حلوة
بصى انا بقى عندى حل هقولة شبعانة جداااااا وكفاية اشوفك بتاكل
واعد انا بقى اتفرج علية وهو بياكل وبدل ما هو يتفرج عليا هتفرج انا علية

انا بهزر طبعا بس انا هتصرف بطبيعتى جدا وزى ما باكل هو انا هغشة عجبة على كدة اوك مش عجبة هو حر مفيش احلى من البساااااااطة والتلقائية

ana fe3lan hakol 3la tabe3ty bas lazm el etekeet el ragel bei7eb el bent lma tkon 3arfa kol 7aga wbezat lma teshrafo 7ata 2odam nas msh ye3rafoh rabena ye3wad ta3b m7betk

ههههههههههههههههههههه
ومين لما بيخطب حد اليومين دول بيروح يعزمها برا
هى الشباب هتلاحق على اية ولا اية

ههههههههههههههههههههههههههه
الكلام جامد جدا بس هو البنات فضايح كده
والولاد مش بيعملوا حاجه

حلو اوى التوبيك ده ضحكنى من قلبى

ههههههههههههههههههههه
مرررررررررررررسي يا مورة
علي الموضوع الجميل

هههههههههههههههه منا عشان كدا بقول مفيش احسن من ماك ومؤمن وبيتزا هات عشان الفضايح دى

بس عارفه يا مورة ان عندى عقده من الشوكه والسكينه دول كرهتهم كل ما اكل لازم حد سخيف يقولى على فكرة انتى ماسكاهم غلط لازم ارد واقولهم انا ليفت هاندد معلش

ههههههههههههههههههههههههههههههه حلو اوى يا مورة بس انا كان عشمى اشوف الطريقة الى هياكل بيها الرجل كمان مهو مش البنت تبقا مظبطاه نفسها والراجل ياكل زاى المدب Rolling Eyes

» فترة الرسم(ماقبل الخطوبة)
» فترة الخطوبة وأهميتها في إنجاح الزواج
» نصائح ضرورية للشباب والبنات أثناء فترة الخطوبة
» ايام الاسبوع باللغة القبطية