مزكرات فتاه مسروعه على الزواج (ههههههههههههههههههههه)

من مذكرات بنت مسروعة على الجواز

اليوم : أحد الأيام

التاريخ : مش فاكرة ـ هو تحقيق ؟

الوقت : الصبح وأنا رايحة الشغل

اللى حصل ......

نزلت من بيتنا لرحلة العذاب اليومية فى الميكروباص .... بطرف عينى لمحته على أول الشارع .... شاب طول بعرض .... وسيم .... جوه نفسى صرخت (( وااااااااااااااااو )) مشيت باتزان ولا باين على اى حاجة .... بس بصراحة هو يتاكل أكل البدلة جنان والشعر ولا ليوناردو دى كابريو فى تيتانيك ... وماسك شنطة ... دبلوماسى ده يا خواتى ولا ايه !! جه الميكروباص ...حشرت نفسى فى الكرسى الوسطانى .. وكانت المفاجأة ...صاحبنا ركب جنبى ..... يا حلولى يا حلولى .... قولت لنفسى أربطى يا بت ....

بعد حوالى محطة لقيته فجأة قالى

(( لو سمحتى حضرتك مرتبطة ؟؟؟؟؟ ))) صرخت جوايا (((( جوووووووووووووون و جون وجون وجون ))

رديت بكل تناكة ( هو ده يخص حضرتك ؟؟؟؟))

وشه راح لون وجه لون وقالى

( بصراحة انا دوغرى انا متابع حضرتك من فترة وعازم انى اتقدم حضرتك لو مافيش مانع ؟؟؟؟ ))

فضلت بنفس الوش الخشب بس جوايا كنت بقول ((( هيييييييييييييييييه ))

قولتله ( متهيألى موضوع زى ده ميبقاش هنا وبما انك متابعنى يعنى عارف بيتنا يعنى ممكن تيجى وتسأل والدى ـ فى حاجة تانى ؟))

حسيت انه أنكبس بعيد عنكم

بس مش مهم ما انا قولتله ممكن تسأل والدىيعنى مقفلتش الباب برضه .....

هنا جاء صوت الصبى اللى بيلم الأجرة مثل الرعد (( يا فنديا فيه اتنين مدفوعش هتركبوا ببلاش ولا ايه ...؟؟؟ )) لسه همد ايدى واطلع الفلوس من الشنطة لقيت صاحبكوا ثار وقالى (( لالالالا يا أنسة أنتى كده بتشتمينى أنا مقبلش ان واحدة هاتقدم لها تدفع وانا معاها )) حسيت ان الرجولة نقحت عليه وانا منظرى هيبقى نص كم فى الميكروباص سبته دفع ............

نزلت من الميكروباص لقيته ورايا وقالى (( يلا ادينى وفرت لك أجرة الميكروباص النهاردة أخر الشهر وتلاقى الأمور مش تمام )) بينى وبينكم استفزنى وجرح كبريائى وانتوا متعرفونيش رحت بكل جرأة فاتحة الشنطة وطلعت كل ما أملك و والنهارده كان ميعاد الجمعية وبكل ثقة قلتله(( الحمد لله الخير كتير ))

فى لمح البصر يا اخوانا لقيته قبض على الفلوس اللى فى ايدى وحطهم فى جيبه وقالى (( خلاص بقى خليهم معاى تذكار ) وقبل ما أنطق كان البعيد راكب ورا واحد على موتسيكل وبيشاورلى

( هبقى أردوهملك لما أجى أخطبك ))

بقى (( اللى هو ماى ماوس ....فمى يعنى ))

ده يا اخوانا اتفتح على مصرعيه زى ما بيقولوا وحسيت بالفك السفلى

خاصم الفك العلوى بشكل وحش ............ ......... .....

ولأول مرة أعرف يعنى ايه الشعور بالبلاهة .... الأشارة فتحت .. والكلاكسات بييب يبيب ...... وانا ولا هنا ...... هبل وجانى بعيد عنكم )) .

خدوا بالكم يا بنات

ههههههههههههههههههههههههههههه

حلوة اوى

ده عامل زى حلقة فى مسلسل عايزة اتجوز بس الراجل مكانش حلو كده
ياشيخة ده انا عشت معاكى وكنت عايزاها تخلص بنهاية سعيدة
صحيح الواحد مش المفروض يتغر بالمناظر والشكل. بقى كل المواصفات دى ويطلع حرامى

بتستاهل البنت اللي صار فيها ... طار العريس وطارت فلوسها معاه هههههههه

ههههههههههههههه علشان البنات تبطل استعجال ههههه
ومحدش هياخد اكتر من نصيبة jocolor

ههههههه معلش تعيشي و تاخدي غيرها بدل ما كان هايطلع ابن حلال طلع ابن حرام ههههههه

لالالالالا عنيا هتدمع والله Sad

ان شاء الله ربنا يعوضها Very Happy

» الزواج السعيد
» من اسس الزواج الايمان
» اهداف الزواج المسيحى$
» اغرب العادات في الزواج
» اسس الزواج موافقة الوالدين