الصحوبية ... يارب أستر!

هتصاحب مين وهتصاحب إزاي بيقول حاجات كثيرة قوي عن صورتك الذاتية
وعن علاقتك بربنا.

هتقوللي :ما هو علشان ابقى طبيعي لازم يا إما احب يا إما أصاحب .

أصحابك هيقولوا لك: يا حرام ما عنديكش boy friend ياحرام ما عنديكش girl friend يا جماعة مش الشلة هي اللي هتقول لي هأصاحب ولا لأ،

وعلى فكرة فيه احصائية إن50% من بنات ثانوي و40% من أولاد ثانوي عمرهم
ما صاحبوا.

بس حتي لو قررت تصاحب وده في حد ذاته مش غلط، فيه ثلاث شروط للصحوبية:

الشرط الأول:

لا تلمس

ما نلمسش بعض تحت أي ظروف من الظروف ولا حتى "كفك" ليه؟
لأن لما نبدأ كده
ولأننا معجبين ببعض، طبيعي إن بعد شوية عايزين نتمادي.
الأول نمسك ايدين بعض وبعدين نحضن بعض وبعدين مين عارف إيه اللي هيحصل.
الكتاب المقدس بيقول في نش12:4
أختي العروس جنة مغلقة عين مقفلة ينبوع مختوم...
أوعى تفتكر إن ده بينطبق على العروسة بس.
قول لنفسك النهاردة أنا أستاهل إنك تنتظريني وتحافظي على نفسك علشاني. وأنت
قولي لنفسك أنا استاهل إنك تنتظرني.

فيه قإنون إلهي بيقول:
"ما يزرعه الأن سإن إياه يحصد"
لو إنت عكيت مع حد، ليه منتظر إنك تتزوج واحدة محدش عك معاها قبلك؟

افتكر دايماً إن اللي إنت بتصاحبها النهارده حتبقى في يوم مرأة حد تاني .
تحب الست اللي هتكون مراتك تكون مع مين وبتعمل إيه دلوقت مع الشخص اللي هي مصاحباه؟
وإنتي تحبي الراجل اللي هتتجوزيه يكون فين ومع مين دلوقت وبيعنل إيه مع صاحبته؟

في يوم من الأيام لما تقابل الشخصية اللي طول عمرك بتتمناها هتقدر تقول لها بكل
ثقة أنا حافظت على نفسي علشإنك ياحبيبتي.

وإنت هتقدري تقولي له ما حدش لمسني قبلك.

القإنون الثإني

لا تعتزل

عايزين نخرج نخرج في مجموعات مش لوحدينا ليه؟
لأن الخروج لوحدينا بيعرضنا إننا نتجرب في علاقتنا ،وثانياً لأن اللي بيحب حد
لازم يحترمه ويحافظ عليه.
لو قال لك صاحبك لو بتحبيني هاتي بوسة هو مش بيحبك ده هو عايز يشبع شهوة عنده وإنتي لو رضيتي لأنك خايفة إنه يسيبك حتفقدي احترامك لنفسك بعد كده
وهو نفسه حيفقد احترامه ليكي لأن كل اللي بيربطه بيكي هو الشهوة الأنانية .

القإنون الثالث

لا تنعزل عن اصدقاءك

كثير مش بنكلم غير بعض ومش بنخرج غير مع بعض. بنسيب كل حاجة: أصحابنا ومذاكرتنا وأهالينا..........
ولما العلاقة بتنتهي بعد شهر ولا سنة بنلاقي نفسنا لوحدينا خالص وفقدنا كل
الناس اللي بنحبهم.
العلاقة الأنانية هي علاقة غير سوية. ليه الصديق أو الصديقة بطلبوا إن ما تخرجوش إلا لوحديكم؟ العلاقة الصح تنميك و تكبرك.

ما كنتش متخيلة إن العلاقة هتوصل لحد كده.
. طب ممكن نوصل مع بعض في العلاقة لحد فين؟
. طب أنا عكيت وخلاص أوقف ليه دلوقتي؟
. طب يمكن هو ده الحب الحقيقي؟

أخيراً اليوم اللي بتستناه كل بنت: يوم الفرح................
منى لابسة فستان الفرح والطرحة وخطيبها واقف جنبها لابس البدلة وشكله يجنن
وفجأة والقسيس لسه هيلبسها الدبلة في إيدها الشمال، شافت بنت جميلة داخلة الكنيسة وبتمسك إيد خطيبها وبعديها بنت ثإنية وثالثة ورابعة وخامسة: سألت مني والدموع في عينها ............... "مين دول"؟
"أنا أسف ياحبيبتي، دول بنات كنت أنا مصاحبهم قبل كده" بس لا يعنوا لي شئ دلوقت، لكن أنا إديت كل واحدة من دول جزء من قلبي ومن مشاعري".
"كنت فاكرة قلبك كله لي".
"أيوة أيوة اللي فاضل منه كله ليكي"
بدات منى تفكر، طب افرض "فلان كلمني النهاردة وقال لي مبروك يا منى. ياترى قلتي لجوزك على كلام الغزل اللي كنتي بتوشوشهولي؟"
طب قلت له إننا يا ما بوسنا بعض"؟

إيه حدود الصحوبية؟

1ـ حط الحدود

لو استنيت إنك تحط الحدود وإنت مع صاحبتك في ظهر العربية يوم الخميس بالليل على طريق المطار... إنس.
فاكر قصة يوسف الصديق في الكتلب المقدس؟
يوسف كان غمره 17 سنة و كان متخانق مع أهله وبعيد عنهم، يعني كان عنده كل الأسباب اللي تخليه يغلط. لكن يوسف كانت الحدود عنده واضحة من زمان. علشان كده لما إتعرض للخطية قال :كيف أصنع هذا الشر العظيم وأخطئ الي الله؟ (تكوين 39)

إيه هو خط حدود الملكية واللي لا تشعري بالراحة لو أحد تعداه؟

ما هي حدودك؟

روحياً، نفسياً، جسدياً؟

أكتبها وقررها جواك وما تخليش أحد يزقك تعمل حاجة إنت مش راضي عنها.

أمثلة للحدود
.

كلمة:
لا أوافقك
لاأسمح لأحد إن يلمسني
لاأسمح لأحد إن يكلمني بهذا الأسلوب

خللي دايما مسافة من الزمإن ومسافة فعلية بينك وبين الآخر

2ـ ضبط النفس غير كافي:

اسأل نفسك الأسئلة دي وإنت خارج مع أصحابك:

ـ هل الخروجة اللي هنخرجها هتحطنا في موقف ممكن نتمادي فيه مع بعض؟
ـ إيه سمعة الشخص اللي هاخرج معه؟
لما بتخرج مع حد بتقول لنفسك أنا قيمي هي نفس قيمك وده لوحده ممكن يحطك في موقف سئ بعد كده.
الكتاب المقدس بيقول إن المعاشرات الردية تفسد الأخلاق الجيدة.

ـ هل الخروجة هيبقى فيها ضغط إني اشرب كحوليات أو مخدرات؟ ماتتهاونش مع مبادئك علشان تصاحب. صدقوني الأمر ما يستاهلش.

ـ هل أنا بأجذب الناس الغلط؟
خلي بالك من طريقة لبسك علشان طريقة لبسك ممكن تخليكي تجذبي ناس تخليكي تتخلي عن مبادئك.
ـ هل بنخرج مع مجموعة وفي مكإن عام؟

3ـ المسيحي مش لازم يواعد حد مش مسيحي
"لا تكونوا تحت نير مع غير المؤمنين" 2كور14:6

ليه؟ لأن المبادئ مختلفه تماما. افتكر ان انت نتيجة اختياراتك. كل قرار هتاخده دلوقت هيأثر عليك طول عمرك.

4ـ احفظ قلبك:
خلي بالك بتدي مشاعرك لمين لأن القلب بيأثر على كل حاجة ثانية
أم23:4

ممكن تقول طب أنا أتماديت وخلاص أوقف ليه؟

1ـ كون الواحد غلط مش معناه إنه يقرر إنه يكمل في اللي بيعمله.

لكن دلوقتي حالا عندك فرصة إنك توقف اللغلط اللي بتعمله و تبدأ تمشي صح وإنت تقدر.
أنا مؤمن بيك وعارف إنك لو وضعت حاجة في ذهنك هتعملها.أنا عارف إن جواك طاقة هائلة وعزيمه غير عادية. أوعي تخللي أحد يلوي دراعك ويخليك تكمل في حاجة إنت مش عايزها.
مش معنى إن الواحد تمادى إنه يكمل في الغلط دي مش شجاعة ولا مرجلة.

الصح إنك تقف وتقرر وتقرري النهاردة إنك هتعيشها صح .

2ـ إلهنا إله غفور
الكتاب المقدس بيقول لنا كده
"إن اعترفنا بخطايانا فهو أمين وعادل حتى يغفر لنا خطايإنا ويطهرنا من كل أثم"
1يو9:1
ما فيش خطية صعبة على ربنا يغفرها مهما كانت واللي يقوللك غير كده كذاب.
ده يسوع دفع ثمن خطيتك علي الصليب. مافيش حد بيحبك قده.

3ـ الله بيحبك وهو عارف إن التمادي في علاقاتك بينتج عنه علاقات زوجية ممزقة

الله عايز زواجك يكون ناجح وعايزك تبقى أسعد ما يمكن وعلشان كده عايزك تعيش مراهقتك بكل طهارة.وأنت تقدر......

موضوع راااائع بجد كان نفسى حد معين يقراه بس انا هخليه يقراه عشان يتعلم
بس انا جدعه وبقوله لاء لالالالالالالالالالالالالالالالاء
بيترياء عليا ويقول عليا معقده عشان مش بخليه يمسك ايدى
انت شجعتنى والله وحسستنى ان انا صح
ثنكس

اوعى تخلية يمسك ايدك يا فوزية
ربنا يستر وميطلعش خطيبك ولا جوزك فى الاخر
هههههههه

انا بقى عندى 15سنة ولا مسكت يد حد ولا بوست حد

:

يا جامد يا كيرو (اخيرا لقيت حد قدى) ولا مسكت ايد ولا بوست حد انتا كده صح Laughing

.
شكراا يا كارز الحب الحقيقة الموضوع ده ليه فايدة كبيرة جدا وقبل ما الواحد يفكر فى نفسو يفكر فى غيرو ولى متقبلوش على نفسك متقبلوش على غيرك .ولا انتا رايك ايه ياعم كركر lol!

» ليه يارب
» أنت مين يارب
» إلى متى يارب
» يارب علمني
» قصدك ايه يارب