عايز عبير

موضوع: عايز عبير السبت 14 مايو 2011, 5:02 pm

عايز عبير

أثبتم بالدليل القاطع وبنسبة مية مية.. إن الدولة لازم ولابد تكون مدنية.. آدى كارت واتحرق.. اللى بعده
عايز عبير | بقلم | إسعاد يونس

بقلم إسعاد يونس
١٣/ ٥/ ٢٠١١

■ آلو.. معاك يافندم.. والله كل واحد فى موقعه بيحاول ينفصل عن الواقع ويعمل شغله على جنب.. عندك وزير الخارجية شغال تمام ومن غير دوشة ومنظرة.. ورئيس الوزرا الله يكون فى عونه.. شايل شيلة ما يعلم بيها إلا ربنا.. وعمّال يلف بره مصر وجواها يصلح الملفات الخربانة.. والمواطنين الشرفاء مكونين لجان وعمالين يحلوا مشاكل الميه واللى بيشوف الدستور.. يعنى فيه ناس مفحوتة.. والله القمح يعنى عالحُركرك.. والدقيق خلاص بنلحّس فى آخر كيس.. بس هما يشتغلوا يا فندم.. حد قاللهم ما يشتغلوش.. يشغّلوا المطاحن والمخابز والمصانع اللى واقفة دى.. والله يافندم أنا مش فاهم منين أوائل أيام الثورة كانوا هالكينا.. الثورة وقّفت حالنا.. داحنا ناس رزقنا باليومية.. قولولهم يروّحوا بقى عايزين ننزل أشغالنا.. طب أهى راقت والولاد روّحوا.. مانزلوش أشغالهم ليه بقى؟.. أنا عارف؟..
وقفات فئوية واعتصامات وبلا أزرق.. مش عايزين يفهموا إنهم لو ما اشتغلوش لا حايبقى فيه فئوية ولا حد أدنى للأجور ولا نيلة.. مش حانلاقى ناكل كلنا.. لحظة واحدة يافندم.. أصل فيه واحد شكله غريب دخل عليا كده من غير إحم ولا دستور.. مش عارف لابس كده ليه.. عامل زى الكفار بتوع المسلسلات.. نعم؟.. ماله؟.. آه.. يعنى ده لبس السلف الصالح ودى دقنه؟.. أمال الكفار ساعتها كانوا بيلبسوا جينز مثلا؟.. مش نفس اللبس؟.. يعنى ما علينا.. خليك معايا أشوف عايز إيه ده لحسن مكشر وقالب خلقته عالآخر.. قال يعنى هيئته ناقصة غشلقة.
■ نعم يا محترم.. أفندم.. أؤمر.
■ «عايز عبير»
■ إيه عبير دى؟.. ده مشروب جديد أخو فيروز ولاّ إيه؟.. بس إحنا هنا ماعندناش مشاريب يا بابا..
■ «بقولك عايز عبير.. سيبنالكوا كاميليا وماريان تشبعوا بيهم.. أنا وإخواتى الكتار اللى واقفين بره دول عاوزين عبير وإلا حانطربقلكوا الدنيا.. أَهُم بُص م الشباك وإنت تشوفهم».
■ ياااااه.. كل دول إخواتك؟.. سبحان الله نفس الدقن ونفس النكشة.. إنتوا أكيد باباكوا عامل اشتراك فى التوحيد والنور.. نفس اليونيفورم.. وكلكوا عايزين عبير؟.. دى ماركة أتوبيس أو تُرماى ولا حاجة؟.. ولاّ عبير ده نوع من الدعم مثلا حاتصرفوه ولاّ مركب عايزين تهاجروا فيها ولا إيه يعنى؟..
■ «لا تراوغ ولا تتلاعب بالألفاظ.. عايزين عبير وإلا ما نبقاش رجالة لو ما ولعنالكوش الكنايس.. واخد بالك؟»..
■ واخد بالى من إيه؟؟.. إنت إيه اللى ف إيدك اللى عمال تشوح بيه ده؟.. ورينى كده.. يا ساتر يا رب.. إيه الذوق العكر ده؟.. حد يشيل ف إيده ودن كاوتش يلعب بيها كده؟.. إيه ده؟.. يا نهار اسود ومنيل.. دى ودن بجد.. ودن بنى آدم فعلا.. إنت معتوه يا بنى؟.. جبتها منين دى؟..
■ «دى ودن واحد قليل الأدب وما بيسمعش الكلام».. كلام مين؟.. «كلامنا».. كلامكوا مين يعنى؟.. إنتوا تبقوا أبوه ولاّ الحاكم بتاعه ولاّ مين يعنى؟.. وده ماسمعش الكلام ف إيه بقى؟.. «حب واحدة».. ياااااااااسلام؟.. حب واحدة فقطعتوله ودنه؟..
طب الحمد لله إن إيدكوا ما سرحتش على حتة تانية.. والله كرم من أخلاقكوا إن إنتوا اكتفيتوا بودن واحدة.. دى شكلها الشمال.. أيوه أيوه.. أصل الودن الشمال دى كافرة.. زى الإيد الشمال والرِجل الشمال.. الظاهر ربنا خلق النص الشمال ده عشان يتقطع كله.. طب وإخواتك اللى بره دول كل واحد معاه ودن برضه؟؟. . يمكن عندكوا هواية جمع الودان زى طوابع البريد زمان كده.. الواحد فيكوا يتفشخر بقى بالودن اللى معاه.. يقولك أنا معايا ودن صفوت الشريف مثلا والتانى يذلّه بقى عشان معاه ودن مبارك.. طب قوللى يا ضنايا.. والستات برضه بتقطعوا منهم حاجات وتشيلوها كده؟..
■ «أنت تسخر وتلهو وتعبث بالكلام.. حاتجيب عبير ولاّ أولعلك فى أُم أى كنيسة جنبكوا؟»..
■ آآآه.. إنتوا ما بتقطعوش حاجة م الستات بقى بتاخدوهم على بعض حتة واحدة.. أفيد برضه.. أصل حاتعمل بيها إيه وهى متقطعة جزل جزل.. كده أنا فهمت بقى إن عبير دى واحدة ست.. وعايز عبير واحدة ليك ولاخواتك ولاّ نعبيلكوا عوابير كتير على قدكوا.. وممكن نلفلك شوية برضه تاخدهم للى فى البيت.. تيك أواى يعنى.. ثم إيه علاقة عبير بالكنيسة؟.. يا خبر.. معلش أنا راكن حد كبير على التليفون.. ثانية واحدة.
■ آلو.. ألا لامؤاخذة يافندم.. عندى هنا واحد بيقوللى ياجيبله عبير يا يولع فى الكنيسة.. ده إيه ده سعادتك؟.. رسينى أنا مش فاهم حاجة.. إمم إمم.. الله؟.. ده المفروض ناس زى دى يكونوا كتيبة من اللى بيساعدوا البلد والناس.. كان ممكن ييجى منهم كتير قوى، إخيه على كده.. طب بالسلامة سعادتك بقى..
■ شوف يا.. «دكتور فلان».. بتشتغل دكتور؟.. «لأ إمام جامع».. وده من إيه؟.. أزهرى سعادتك؟.. «لأ أنا دكتور أمراض جلدية وتناسلية».. وما بتشتغلش شغلتك ليه؟؟.. «عشان الأمراض التناسلية حرام».. أُمال درست طب ليه وكلفت الحكومة سبع سنين تحشى معلومات ف دماغك.. وخدت مكان طالب تانى كان ممكن ينقذله عيان ولاّ حاجة.. ولما إنت أمراض جلدية ما بتعالجش القشف اللى كاسى قشرة دماغك ليه؟؟..
شوف يابنى.. إنت وإخواتك الكتار اللى بره دول.. واضح إن بختكوا مش ماشى مع الستات.. كاميليا وماريان راحوا عليكوا خلاص.. وعبير دلوقتى فى قبضة الشرطة.. تاخد فاتشن؟؟.. طازة ولوز ولسه ضاربة جوزها بالشبشب ومغيره الملة وخالعاه.. طب والنبى طالما بتلموا النسوان الخايبة التايهة دى.. مش ممكن تدوروا عالعيال التايهة من باب الثواب يعنى؟.. أهو العيل من دول حا يرجع لأهله إنما الستات دى حتاخدوها تعملوا بيها إيه؟؟.. طب ممكن تروحوا تدوروا على الستات المسلمات المخطوفين والمحتجزين فى إسرائيل.. ولاّ إمبابة هى اللى على قد إيدكوا بس..
والله إنتوا واقفين عالبلد بخسارة.. كل الرجولة والفحولة والشنبات والدقون والحنجورى ده وعالفاضى.. ما بتتكلموش إلا فى الأمور التافهة وتضيعوا أرواح الناس فى رجليكوا.. مصرين تفهموا الكلام بالمشقلب.. وتفتوا فتاوى مغلوطة ومحصورة فى الشيطان اللى بيعمل بيبى وبول الحمير وعورة المرأة والفالنتاين ويوم ما تتكلموا فى السياسة تقولوا كلام جاهل وتحشروا نفسكوا فى اللى مابتفهموش فيه.. فينتهى الأمر دايما بفضيحة.. ورافضين تفهموا إنكم مرفوضين من عامة الشعب بكل أطيافه.. بيخافوا منكم وبيكرهوكم جدا..
■ إنتوا مش ممكن تكونوا أبناء السلف الصالح.. لأنكم أسوأ دعاية ليه.. مصرين تشوهوا منظره.. مع إن الناس كلهم بالطبيعة منتميين للسلف الصالح.. من غير مظاهرة الجهل والعنف والكراهية دى.. إنما الحق يقال.. اتضح إن ليكم فايدة واحدة فقط.. إنكم أثبتم بالدليل القاطع وبنسبة مية مية.. إن الدولة لازم ولابد تكون مدنية.. آدى كارت واتحرق.. اللى بعده.

موضوع: رد: عايز عبير الثلاثاء 14 يونيو 2011, 4:33 am

اخى فيرى
لم افهم مضمون موضوعك وما الذى تقصده به ولكن

منذ قيام ثورة 25 يناير طالب الكثير من المتظاهرين بأن تصبح مصر “دولة مدنية”، وبعد إعلان بعض المرشحين لمنصب رئيس الجمهورية عن نيتهم خوض سباق الرئاسة أكدوا نيتهم أن تكون الدولة “مدنية” ..

لا يوجد في العلوم السياسية ما يسمى أصلاً بـ”الدولة المدنية” ،ومصطلح الدولة المدنية لا وجود له في المراجع السياسية كمصطلح سياسي، ولكن استخدام المصطلح نفسه في وسائل الإعلام يعني أن يكون الحكم للشعب بطريقة ديموقراطية ولا يكون لمؤسسة دينية أو عسكرية

جميل هذا الكلام ونحن معه

موضوع: رد: عايز عبير الثلاثاء 14 يونيو 2011, 5:40 am

اقتباس :: لا يوجد في العلوم السياسية ما يسمى أصلاً بـ”الدولة المدنية” ،ومصطلح الدولة المدنية لا وجود له في المراجع السياسية كمصطلح سياسي، ولكن استخدام المصطلح نفسه في وسائل الإعلام يعني أن يكون الحكم للشعب بطريقة ديموقراطية ولا يكون لمؤسسة دينية أو عسكرية

جميل هذا الكلام ونحن معه

اهلين فيك اختي درة الاسلام
واسال الله لك الثبات وان يجعلك من الهداه المهتدين

ناتي لتعليق

انا موقفي معارض تماماان تصبح مصر مدنيه فمصر دوله اسلاميه اما الديموقراطيه فاكيد الشعب لايعارض مالم تكن مخالفه للشرع الحنيـــف
2- اغلبية الشعب المصري يريدون مصر اسلاميه وايضا يريدون الاخوان المسلمين فهذه رغبتهم
3-مستحيــــل ان تصبح مصر دوله مدنيه وصرح الجيش والشعب باكمله ان الماده 2 فوق الدستور وصرح الكثير ان لو تغيرت الماده الثانيه فمادونه الدماء
فستظل مصر باذن الله بمسى مصر الاسلامــيـه الي اوصى رسول الله باهلها حتى باقباطها
واخيرا انا لست مصرياولكن قال رسول الله المسلم لمسلم كالجسد الواحد اذا اشتكى منه عضو تداعى له سائر الجسد بالسهر والحمى ويعلم ربي اني ان مهتم ومتابع الاحداث في مصر الحبيبه ارض الاسلام وارض علماء المسلمين الاجلاء فاسل الله ان يحفظ مصر من كل عدو وان يحفظ عليها اسلامها وسائــــر الدول الاسلاميــه
وصل الله وسلم على رسول الله

موضوع: رد: عايز عبير الثلاثاء 14 يونيو 2011, 1:47 pm

اقتباس :: - اغلبية الشعب المصري يريدون مصر اسلاميه وايضا يريدون الاخوان المسلمين فهذه رغبتهم

انت المتحدث الرسمى بتاع اغلبيةالشعب واحنا منعرفش ولا ايه؟انت عديتهم يعنى وعرفت ؟ اتكلم عن نفسك وبس مش تجمع . انا واحدة من الشعب المصرى واريد مصر دولة لكل مصريين ومش بحب الاخوان المسلمين اللى ملهوش هدف الا مصالحهم فقط

اقتباس :: 3-مستحيــــل ان تصبح مصر دوله مدنيه وصرح الجيش والشعب باكمله ان الماده 2 فوق الدستور وصرح الكثير ان لو تغيرت الماده الثانيه فمادونه الدماء

لا يوجد مستحيل المستحيل هو احلامك.ما معنى كلمة مادة فوق الدستور؟ دى حاجة كده تشبه الاشعة فوق البنفسجية يعنى ولا ايه؟ ليه المصطلاحات الجديدة الغريبة دى؟
دماء؟ هل هذا تهديد ام ارهاب؟ مادة عنصرية لا يدافع عنها سوى العنصريين
مين الشعب بأكمله يا سيادة المتحدث الرسمى بأسم الشعب؟ عيب يا فندم كده واضح انك نايم بقالك فترة يا سيادة المتحدث الرسمى ومش متابع ان فى مفكرين ومثقفين وناس كتير بتطالب بتغييرها.
ربنا يهدى

اقتباس :: انا واحدة من الشعب المصرى واريد مصر دولة لكل مصريين

طيب ياستاذه ايتن من قال غير هذا الكلام مصر دوله لكل مصريين في حضن وعــــــدل الاسلام سوا مسيحي او مسلم

اقتباس :: ومش بحب الاخوان المسلمين اللى ملهوش هدف الا مصالحهم فقط

هذا موقفك وانت حره انا اتكلم انا كثر التصويت كما سمعت للاخوان المسلمين والله اعلم والشعب هو من يقرر

اقتباس :: لا يوجد مستحيل المستحيل هو احلامك.ما معنى كلمة مادة فوق الدستور؟

ان كان هناك شي مستحيل فهو تغير هذه الماده ونعم هي ماده فوق الدستور ولا تقبل النقاش ابدا

اقتباس :: دى حاجة كده تشبه الاشعة فوق البنفسجية يعنى ولا ايه؟ ليه المصطلاحات الجديدة الغريبة دى؟

1-لان مستحيل شعب اغلبية سكانه مسلمين يرضوا بغير حكم الاسلام فالاسلام هو الحل لكل الاطراف مسلم ومسيحي
2-الم تعلمي ان اكثر الدول الغربيه الغير مسلمه ينص دستورها ان لايكون الحكم الا لنفس دينها وطائفه معينه ايضا
نذكر بعض منها
1-لابد من الرئيس الامريكي ان يكون مسيحي من البروستانت
2-انجلتر كل شخص يتولى الحكم يكون من رعايا كنيسة انجلتراالبروستانتيه
3-اسبانيا الاندلس سابقا تنص الماده السابعه على ان يكون الرئيس من رعايا الكنيسه الكائوليكيه
4-الدنمارك تنص الماده الاولى ان الملك يكون من كنيسة البرستانت
5- السويدتنص الماده الرابعه ان الملك يكون من اتباع البرستانت الخـــالص
6- تصر دول الاتحاد الاوربي عدم انضمام تركيا اليها لان هوية تركيا هوية الاســـلام

اذا ليس نحن اول من نعارض عشان ديننا الحق اذا كان هؤلاء يدافعون عن دينهم وهو رب الكعبه دين باطل فما بالك بنا نحن اتباع الدين الحق ؟؟؟
اذا مستحيل تغير الماده الثانيه نهائيا ولا تحتاج الى جدال او نقاش

اقتباس :: مادة عنصرية لا يدافع عنها سوى العنصريين

اذا معظم العالم عنصري
ونحن ندافع عن هذه الماده لان فيها حكم الله وصلاح للبشريه جمعا

اقتباس :: ان فى مفكرين ومثقفين وناس كتير بتطالب بتغييرها.

الي يطالب بتغيرها هي فئه من النصارى وهذا لن يحـــدث ابدا باذن الله ستضل مصر الاسلاميه الى ان يرث الله الارض ومن عليها

اقتباس :: دماء؟ هل هذا تهديد ام ارهاب؟

رسول الله اوصى باقباط مصر خيرا وقال ايضا من قتل ذميا او كلفه او انتقصه شي من حقه فانا حجيجه يوم القيامه وقال من قتل معصوما لم ير ح رائحة الجنه
عليه افضل الصلاة والسلام
اذا المسلمون يقدرون النصارى الا من ظلم نفســه
اما اذا تقرب النصارى او غيرهم من ديــــن الله فنحن لن نسكت والى هنا وكفى

موضوع: رد: عايز عبير الخميس 16 يونيو 2011, 1:22 pm

اقتباس :: هي ماده فوق الدستور ولا تقبل النقاش ابدا

بلاش تأليف مفيش حاجة اسمها فوق دستور وتحت الدستور؟ هنألف ونصدق تأليفنا ولا ايه؟ ولا ايه؟ هى مادة شأنها شأن المواد الاخرى قابلة للنقاش والتعديل والتغيير

اقتباس :: فالاسلام هو الحل لكل الاطراف مسلم ومسيحي

اتكلم عن نفسك يابنى الاسلام حل ليك انت معلش لكن لينا احنا ابدا لن يكون بلاش صيغة التعميم فى الكلام دى يا سيادة المتحدث الرسمى؟

اقتباس :: الي يطالب بتغيرها هي فئه من النصارى

نصارى ؟نصارى مين؟ انا اعرف ان مصر فيها مسلمين ومسيحين مين النصارى دول؟ واضح ياسيادة المتحدث الرسمى ان سيادتك مش متابع تصريحات المفكرين المسلمين(المستنيرين) اللى بيطالبوا بتعديل او تغيير المادة التانية دى بقى مشكلتك انت مش مشكلتى انا.

موضوع: رد: عايز عبير الجمعة 17 يونيو 2011, 6:49 pm

الذى يطالب بتغيير المادة الثانية من الدستور هم المثقفين سياسيا وانا جلست مع كبار من هؤلاء الاساتذة فى جلسات حوار مسلمين ومسيحيين والكل يرفض المادة الثانية بنصها الحالى بالمناسبة من جلست معهم هم ا.د بكلية اقتصاد وعلوم سياسية جامعة القاهرة

واعتراضهم على النص الحالى هو
كيف يكون الدستور هو مصدر كل التشريعات للدولة ويوجد مصدر اخر فية(مبادء الشريعة الاسلامية المصدر الرئيسي)
ماهى مبادئ الشريعة الاسلامية ؟ اين نجدها هل هى فى كتاب منفصل عن الدستور ومرفق معة ؟
(على فكرة فى مزيعة على اون تى فى سالت السؤال دة للاحزاب الاخوانية وللاحزاب السلفية ولا احد فيهم استطاع الرد)
كيف هى المصدر الرئيسى وكل قوانين البلد مقتبسة من القانون الفرنسي ولا صلة له بحدود الاسلام
كيف يقول فى هذة المادة الاسلام دين الدولة وفي المادة 40 يقول
المواطنون لدى القانون سواء، وهم متساون فى الحقوق والواجبات العامة، لا تمييز بينهم فى ذلك بسبب الجنس أو الأصل أو اللغة أو الدين أو العقيدة.
كيف لا تمييز وهو يلزمك بمبادئ الشريعة الاسلامية كمصدر لكل التشريعات

فالجهلة فقط هم من يوافقون على هذة المادة ومن فعل هذا هم الاخوان المسلمون لمصالحهم الخاصة وكان تغير المادة الثانية هو تغيير للاسلام وفى بقائة نصرة للامة الاسلامية

ياريت المخ هو الى يشتغل وبلاش كل حاجة جنب الدين نعتبرها الغاء للدين وتهجم علية مثلما يقولوا دول مدنية اى علمانية اى الحاد مع ان الدولة المدنية لا علاقة لها بالالحاد كل ما هناك لا دخل للدين فى الدولة ربنا يحافظ على بلدنا مصر ويحميها من كل شر

» بلاها كاميليا خُد عبير
» عايز تحب ؟؟؟ هما سبع طرق بس
» شاب عايز يتجوز
» عايز ابقى سعيد
» عايز منك هدية .. ترنيمة تحفة