محتاجة رأيكم

مش عارفة ابدأ ازاى... لكن عايزة اعرف رأيكم فى حاجة

انا من فترة قليلة كنت فاكرة زى كل الناس

ان الصداقة علاقة نبيلة جدا وفى احيان كتير الانسان بيتخيل انه اخيرا عثر على ضالته فى صديق
بيحبه جدا من كل قلبه.لكن من خلال تجربة شخصية مش المفروض نصدر حكم على الصداقة
دى انها مثالية رغم مرور سنين عليها طالما مفيش موقف معين اتحط فيه الصديق ده علشان
يظهر معدنه الحقيقى. السنين مش هى مقياس الحكم على الصداقة ابدا اى صداقة بدون اختبار
حقيقى هى صداقة وهمية.

سؤالى دلوقتى هو:اذا اكتشفت ان صديقك غدر بيك وللاسف متقدرش تواجهه بكده لان اذا حصلت اى مواجهة كرامتك هتتجرح وممكن تخسره نهائى

فى الحالة دى هتستمر فى صداقته طبيعى ولا هتقاطعه لفترة معينة ولا هتقاطعه نهائيا؟؟
انا محتاجة رأيكم ضرورى لانه مهم جدا ليا

الاول حمد الله على سلامتك يا ايتن

تاني حاجة بخصوص موضوعك:
في رأيي: اذا كانت الصداقة قوية ولها سنين فليس من السهل غدر الصديق بصديقه

ويجب المواجهة بأسلوب جيد في صورة عتاب كما قال المسيح:
"وَإِنْ ‍أَخْطَأَ إِلَيْكَ أَخُوكَ فَاذْهَبْ وَعَاتِبْهُ بَيْنَكَ وَبَيْنَهُ وَحْدَكُمَا. إِنْ سَمِعَ مِنْكَ فَقَدْ رَبِحْتَ أَخَاكَ. (متى 18:‏15)
اِحْتَرِزُوا لأَنْفُسِكُمْ. وَإِنْ ‍أَخْطَأَ إِلَيْكَ أَخُوكَ فَوَبِّخْهُ، وَإِنْ تَابَ فَاغْفِرْ لَهُ. (لوقا 17:‏3)

احيانا كثيرة نرى شيء فنفهمه خطأ ونغير كل تصرفاتنا على حسب فهمنا الخطأ .. ولكن بالعتاب تتضح الامور وبعد ذلك تستطيعي ان تأخذي قرار سليم بناء على معلومات مؤكدة

واذا كان الصديق اخطأ بالفعل فمن منا لا يخطئ .. فمحبتكم هترجع الامور لأفضل من الاول لأن المحبة تستر الاخطاء
وَلكِنْ قَبْلَ كُلِّ شَيْءٍ، لِتَكُنْ مَحَبَّتُكُمْ بَعْضِكُمْ لِبَعْضٍ شَدِيدَةً، لأَنَّ ‍الْمَحَبَّةَ تَسْتُرُ كَثْرَةً مِنَ الْخَطَايَا. (بطرس الاولى 4:‏8)

وحاولي بقدر الامكان تلتمسي الاعذار

ربنا معاكي ويرشدك للصالح

انا اؤيد راي انا مسيحي
لان فعلا في بعض الاوقات ممكن الصديق يعمل حاجة تبان انها غلط لكن لما نعرف ايه الظروف اللي خلته يعمل كده نعذره
فأنا افضل العتاب وبعدين أخذ القرار

الله يسلمك يا انا مسيحى.شكرا على تعبك معايا انت وسامح

انا هوضح حاجة بسيطة
الصداقة دى استمرت 4 سنين وكنا كويسين يمكن لان الطرف التانى مكانش محطوط فى موقف معين يظهر معدنه الحقيقى ولكن فى اول موقف حقيقى بعدت تماما وقالت كلام مكنتش اتوقع انها تقوله ومكنتش اتوقع يكون ده موقفها معايا واتسببت فى ضرر كبير ليا بسبب موقفها.انا متسببتش فى اذى ليها علشان تعمل معايا كده ولو انا كنت مكانها عمرى ما كنت هعمل زيها كده

مش عارفة ارجع تانى زى الاول ومش قادرة اسمع صوتها تانى .موقفها واضح ومش محتاج انى اناقشها فيه او اعاتبها فيه لان اى مناقشة فيه هيمسنى وهيمس كرامتى ودى اخر حاجة انا ممكن اعملها. انا مش لاقية اى عذر ولو حتى بسيط وتافه التمسه ليها نهاائى
انا حاليا فى منتهى الغضب منها واى كلمة ولو بسيطة منها ممكن تخلينى انفجر فيها وده هيتسبب فى قطع علاقتنا.
مش عارفة ايه الحل؟ ابعد عنها فترة ولا اتظاهران مفيش حاجة رغم ان ده صعب جدا ولا اقطع علاقتى بيها نهائى. معلش انا بتعبكم معايا بس بجد انا حاليا متدمرة ومحتاجة حل انفذه

شوفي يا ايتن

لو انتي زيي لما بتغضبي بتقولي كلام بتندمي عليه بعدين..فأنا بنصحك انك لا تكلميها الا بعد فترة يعني لما تهدا اعصابك شوي

اما اذا انتي بتقدري تتحكمي بكلامك حتى لو كنتي زعلانة ومتضايقة فالافضل تتكلمي معها بصراحة الان

اياكي تقطعي علاقتك فيها نهائيا بدون ما تسمعي منها

انتي بتقولي انك مش لاقية لها اي عذر بس يمكن هي فعلا عندها سبب للي عملته

واذا ما اقتنعتي بتبريرها وما قدرتي تسامحيها وقتها بتقرري اذا كنتي رح تعطيها فرصة تانية او رح تتركيها نهائيا

اما الحل المرفوض تماما برأيي هو انك تتظاهري بانه ما في شي حصل

انا لا استطيع ان اصدر راى فى هذة المسال الا وانا على دراية كاملة بباقى الموضوع

هناك انواع من الخلافات نستطيع ان نتغاضى عنها ونحاول ان نتجنبها فى علاقتنا مع الاخرين
وهناك انواع اخرى لا يمكن احتمالها او تجنبها ويكون افضل الحلول الانفصال النهائى عن هذا الشخص
اما اذا كنتى تتكلمى عن افشاء اسرار من قبل صديقك هذا فهذا مرفوض البتة لا يصح ان يكون لكى صديق وياتمن على اسرارك

واخر راى ليا خدى راى اب اعترافك او مرشدك الروحى وربنا يرشدك

انا مش هقدر استمر فى التظاهر وكأن شىء لم يكن. لكل انسان طاقة وانا طاقتى بدأت فى النفاذ. انا هبعد عنها حاليا لفترة لغاية ما اهدا وهحاول اخف علاقتى بيها تدريجيا لان صعب انى انهى علاقتى بيها نهائيا مرة واحدة.

بس بجد مستغربة جدا يعنى ممكن انسان يأذى انسان اتسبب له فى الاذى لكن يأذى صديق معملش معاه الا الخير دى بجد اللى غريبة جدا ومش فاهمة ليه بيحصل كده.

انا اسفة بجد انا تعبتكم معايا كتير شكرا على مساعدتى

عارفة يا ايتن انا زمان كنت زيك لما بزعل من حدا ما بقوله انا زعلانة بسبب كذا وكذا
وبضغط على اعصابي وكأنه ما صار شي وبتصرف عادي

ولكن تعلمت من فترة قريبة اني لما بتضايق حتى لو من حاجة بسيطة بقول انا زعلت او تضايقت من الموقف دة او الكلمة دي

واغلب الاحيان بيكون سوء تفاهم هو سبب الزعل كله

(وطبعا اللي علمني اني اقول اي حاجة بتضايقني اكيد ندمان على انه علمني كدة
لانه هو اول واحد بطبق عليه القاعدة دي )

يمكن انتي مشكلتك كبيرة ومش مجرد سوء تفاهم وانتي بتقدري تحددي هالشي

مع اني بفضل انك تكلميها بصراحة وتنهوا الموضوع بشكل واضح افضل ما تتركي نفسك للتخمينات والاحتمالات والافكار اللي ممكن تتعبك

ابقي خبرينا شو بيصير معك

مو من السهل ان الانسان يفرط في صديق ويخسره
اذا كنتى قادرة انك تكسبيه فهذا افضل
بس لو انا منك على الاقل افرح ان الصديق انكشف عشان ماتنخدعي فيه اكثر وعلى الاقل تكونين حاطه حدود للصداقة وعارفه نوع الصداقه معاك حيكوون شكلها ايه

وبالتأكيد الصديق وقت الضيق والانسان مايبان معدنه وصدق وفاءه الا بأوقات الضيق
تبدأ الاقنعة تنكشف وتبان الشخصيات على حقيقتها

وفعلا عمرها السنيين ماتبين عمق الصداقةوحقيقتها احيانا نعرف اشخاص من ايام معدودة ويكونون احسن من اللي عرفناهم من سنيين
وانا تعجبني المقولة
ليس المهم ان تكسب الف صديق في سنة لكن المهم ان تجد صديق لاالف سنة
فعلا الاشخاص اللي يستطيععوون الوفاء لنا عبر الايام والسنين في الضيق والسعة هؤلاء هم الاصدقاء الذين نشتريهم بماء العيوون
وافضل شيئ في حالتك عزيزتي ايتن المصارحة
لو تستطيعيين تحاورينها حوارمناسب
فقد يبيين مشاعرك تجاهها مثلا
ومدى ثقتك فيها
ومحبتك لها
ثم تدخلين بالموضوع اللي زعلك منها
وتبين انك كنتي تتوقعين منها افضل من اللي عملتوا
وتذكرينها بمواقفكم مع بعض في الحلوة والمرة عبر السنوات
وكيف انه من الخسارة ان تنتهي بموقف لم تقدر فيه الصداقة ولم تحفظها افضل
فإذا لم تأبه صديقتك ومتأثرة بشئ ومااعترفت بخطأها فالصراحة انو ليس عليها حسافة الصديق اللي مايشعر بصديقة مو صديق
واكتفي معها بالصحبة وعدم الانقطاع

هى كلمتنى النهاردةالساعة 12 بليل مكالمة فجرت كل الغضب اللى جوايا لانها استمرت فى موقفها
الغريب معايا ولكن غصب عنى يمكن لان ده طبع فيا مش بقدر اغيره انى للاسف اتكلمت
معاها عادى لأ مش بس كده ده انا كمان ضحكت وهزرت ولكن انا حسيت بنبرات خجلها منى فى صوتها وهى بتكلمنى
رغم انى كنت مقررة انى اصارحها غصب عنى مقدرتش لان كرامتى هتتمس جدا جدا جدا لو ده حصل ومن غير ما احس اتكلمت عادى.

المشكلة انى بمجرد ما قفلت معاها التليفون حسيت بألم رهيب جدا فى عينيا لدرجة انى مكنتش قادرة اغمضها نهائى(انا حتى مكنتش عارفة اخد راحتى فى العياط بسبب الالم)ماما قالتلى ان كده يبقى ضغط عينى ارتفع مرة تانية لان عادة ده بيحصل معايا لما بتضايق.

ماما كلمتها من بدون علمى وقامت هى بالواجب وعاتبتها عتاب شديد اللهجة وفعلا هى حست انها غلطت غلطة كبيرة فى حقى وقالتلها انها عايزة تصلح الوضع معايا وانها مش عايزة تخسرنى...

لكن اعتقد فات الاوان. انا النهاردة خسرت صديقة
اخيرا....
اذا كنت بتعمل لعدوك حساب اعمل لصديقك السىء 1000 حساب
ده اللى انا اتعلمته اليومين دول

انا بشكركم كلكم بجد على اهتمامكم وبشكرك يا مصابيح انا حسيت انى متضايقة ملقيتش حد اتكلم معاه ويكون خارج المشكلة افضل منكم.

مافي داعي للشكر عزيزتي ايتن
هذا الواجب علينا
واحنا هون اسرة وحدة
ولمن احد يحتاج للتاني حيلقى الكل حواليه
ووكلنا نمد يد المساعدة للمحتاج
وانتى كمان
لو اي عضو عنده مشكلة انتى اول وحده تمدي يدك له
والله يساعدك
ويرزقك بخير الاصحاب
ويكفيكي شرهم

الف مليون حمد لله على السلامة يا ايتن
وربنا يبعتلك صديقة او جوز يكون افضل من صحبتك دية الف مرة