انا الابن الضال

انا الابن الضال الشريد ****
اللي تركت ابويا وذهبت بعيد
انا الابن الضال الشريد ****
اللي تركت قصر ابويا ورحت ألهو مع العبيد
انا الابن الضال الشريد ****
اللي بعت حب ابويا وصرفته على العالم البعيد
انا الابن الضال الشريد ****
لما كان معايا المال كان الكل بيا فرحان وسعيد
ولما اتغير الحال تركتنى كل ايد
انا الابن الضال الشريد ****
انا اللي اكلت من اكل الخنازير
ونسيت انى انا الابن الامير
انا الابن الضال الشريد ****
جعان وتعبان ومليش سنيد
وعشت حياتى مع العبيد
وسالت نفسى راحو فين كل الاحباب اللي كانوا زى ظلى فى كل طريق
انا الابن الضال الشريد ****
وشوفت بيت ابويا من بعيد
وافتكرت كنت اد ايه كنت سعيد
لكن الخطية شدتنى لمكان بعيد
وافتكرت حب ابويا ليا
وقلت هو ممكن ابويا يقبلنى من جديد
حتى اكون واحد من العبيد
وشفت ابويا من بعيد
ولما شفنى جرى عليا
وقال انت ابنى اللي مات
لكن الان اتولدت من جديد
يا ابنى انا عمرى ما نسيتك
لكن انت اللي ناسي إني حبيتك

موضوع حلو كتير يا حمتو
شكرا لك

كلماتك جميلة جداااا



رائعه الابيات ديه


(وشفت ابويا من بعيد
ولما شفنى جرى عليا
وقال انت ابنى اللي مات
لكن الان اتولدت من جديد
يا ابنى انا عمرى ما نسيتك)



شكرا حمتو.

كلمات حلوة اوى يا حمتو