ابني الحبيب

هذا الموضوع من مواضيع (ايتن) ..انا كنت محتفظة فيه عندي لانه عاجبني جدا ..ولما قريته اليوم حبيت اعيد وضعه مرة تانية
لاني حسيت اننا كلنا بحاجة لقراءة الكلام اللي فيه
شكرا ايتن ع الموضوع المؤثر فعلا
-------------------------

ابني الحبيب
+
+
+
!!!مش هينفع نفضل بعيد عن بعض كدا...أنا حاسس أنك مخاصمني
اصل انا كل يوم بستناك تحكي معايا وانت مش بتيجي فقلت اجيلك النهاردة أحكي معاك
كلامك معايا هو لذة بالنسبة ليا....أنا صديقك وعاوزك انت كمان تكون صديقي...خدني معاك في كل خطوة
انت لسة زعلان مني عشان محققتلكش.....اللي طلبته مني ؟

صدقني هتعرف بعدين ...في السما هبقى احكيلك كل حاجة

فاكر اليوم اللي كنت مضايق فيه جدا بسبب....؟
انا كمان كنت مضايق جدا يوميها..انا بضايق لما حبيبي بيضايق
وفاكر اليوم اللي بكيت فيه بسبب.....؟
انا كمان عيني دمعت اول ما انت بكيت وإيدي كانت تحت عنيك بتلقط كل دمعة نزلت...دموعك دي جواهر ثمينة عندي
أنا عارف اوقات كتير بتحس انك لوحدك وماحدش فاهمك...لكن وقتها انا مبستحملش أشوفك وحيد فبجري اقعد جنبك لكن انت مش بتاخد بالك...وصدقني ببقى فاهمك وحاسس بيك لأبعد ما تتخيل
فاكر وقت التجربة... اللي مريت بيها..؟

انا عارف ان انت لما كنت بتصليلي كنت فاكرني مش سامعك لكن في الحقيقة انا مكنتش معاك من اول التجربة..بس دا من قبل ما تبدأ التجربة انا كنت معاك وبجهزلك الحل...صدقني انا دايما سامعك..حتى الكلام اللي مش بتقوله انا بسمعه
أنت قلقان على مستقبلك ؟
هسألك سؤال :هو انت اللي كنت دبرت حياتك اللي فاتت ولا انا ؟ خلاص سبني أنا أدبر مستقبلك..متقلقش انا هكون معاك لو حصلت اضطرابات في حياتك ماتقلقش انا عارفها ....إذا كنت انا بهتم بالعصافير...معقولة مش ههتم بيك؟
أنا مش ناسي الأيام الجميلة انت كنت قاعد بتسمع كلمتي..كان شكلك جميل قوي...عمري ما هنسى اي يوم كنت فيه في كنيستي...

عمري ما هنسى اي ذرة تعب قدمتها علشاني حتى انت لو كنت شايف ان عملك صغير لكني شايفه كبير جداا..لأنك كنت بتتعب علشاني
أنا بافرح خالص بأي خطوة أنت بتخطوها

ناحيتي حتى لو كانت مجرد زيارة كنيسة او سماع ترنيمة او قراءة قصة أحد القديسين..فمن فضلك متهملش أي اشتياق في قلبك ناحيتي لكن حوله ألى فعل ولو صغير , هيكبر بالتدريج
أنا عارف أنك مكسوف تيجي تكلمني علشان الخطية...اللي كل ما بتوب عنها بتقع فيها تاني لكن فكر نفسك كل شوية إنك أبني وانا مستعد أسامحك عن كل حاجة لما تيجي لحضني اللي مستنيك في كل لحظة

أنت مش عارف أنا بحبك قد ايه ..انت غالي عليا قوي..أنا بحبك أكتر من حبك لنفسك..نفسي أمتعك بمحبتي
على فكرة لو انت عايز ممكن نبدأ السماء من هنا..

انا نفسي نبدأ بداية بس انت اللي لازم توافق

ولو وفقت هنتفق على شوية حاجات
1- كل ما تحس أنك تعبان ومضايق تعالى وأحكي معايا...هتلاقيني مستنيك في مخدعك

2-هنستحمل شوية تعب صغيرين على الأرض بس متقلقش...كل التعب اللي في الأرض دا ولا حاجة بالنسبة للمكان الرائع اللي انا حاجزهولك عندي في السماء

3-كل ما تقع قوم من تاني وأوعى تيأس...مكانك عندي

4- متخصمنيـــــــش تانــــــــــــي

ودلوقتي طالما أتصالحنا

ممكن أقعد جنبك النهاردة وانت نايم ؟؟؟

اقتباس :

انت لسة زعلان مني عشان محققتلكش.....اللي طلبته مني ؟

انا مش زعلان خالص يارب لتكن مشيئتك لا ارادتي

فعلا احسن شي بيقوله الواحد : لتكن مشيئتك يا رب

شكرا يا سامح لمرورك على موضوع ايتن

انا بتذكر الموضوع دا كتبتو ايتن وقت يلي كنت انا كمان مخاصمة ربنا وبنهال عليه بالاتهامات و...

انا بحبك اوي يا رب
سامح ضعفي ونكراني لك
كن دائما العين الساهرة علي واليد القادرة التي تنشلني من صعوبات الحياة

انا بحبك اوي يا رب ولن انكرك بعد الان ولن اخاصمك ابدا ما دمت حية على هذه الفانية

شكرا ايتن وهوب

انا كنت محتاجة اوى الموضوع ده تانى يا هوب لانى بمر بنفس الحالة اللى كنت بمر بيها.. كنت محتاجة اشوفه تانى شكرا ليكى يا هوب وسامح وفيكتوريا

فكتوريا ع كلامك المشجع :

اقتباس :

انا بحبك اوي يا رب ولن انكرك بعد الان ولن اخاصمك ابدا ما دمت حية على هذه الفانية

-----------------------------
ايتن ..هالمرة اكيد بتفرق عن المرة الماضية
لاننا الان اقرب لبعض من زمان وعلاقتنا الأسرية بالمنتدى عم تقوى يوم بعد يوم
وطبعا كلنا هنفضل جنبك لغاية ما تخرجي من هالحالة اللي بتمري فيها ..واللي هي وضع عادي على فكرة ومش بس انتي اللي بتمري بحالة كدة

ايتن = ياسمينة المنتدى ( لانها بتحب الياسمين اوي )
فبرونيا= وردة المنتدى ( انا سميتها كدة من وقت عيد ميلادها )

لما اختار لقب ل فكتوريا هبقى اضيفه

اقتباس :

لما اختار لقب ل فكتوريا هبقى اضيفه Very Happy

ههههههههههههههههههههههه

طيب قوليلي ما اخترت لقب ليكي ام نخترلك يا هوب؟

طيب ونبعد ليه يا فكتوريا
انا وانتي ألقابنا موجودة قدام عنينا

فكتوريا = الإيمان
أنا = الأمل .. أمل حياتي

معك حق وانا موافقة على كلامك يا امل حياتي
بتعرفي يا هوب لخظات المزح يلي منقضيها سوى هون في المنتدى بتخلي الواحد يتجدد نفسيا ويضحك من قلبو
حلوين كتير هاللحظات
ميرسي