نظرتكـ الحنونه

حبكـ يا ألهي,,

حبكـ مش كلام فى ترانيم,
حبكـ مش حكاية تمر وخلاص,
حبكـ مش فيلم نتفرج عليه بعيونا وينتهي وننساه,
حبكـ مش أننا نروح قداس ونكرر كلام مش مدركين مدى أهميته,
حبكـ وكل الامور اللي فى حياتك وبعد قيامتك مش شئ نفتكره بس فى أعياد,
ده شئ نفتكره كل لحظة, لان بيك أتولدنا وبيك عايشين وبمشيئتك فى الحياة ماشيين,
بدايتنا من عندك ونهايتنا عندك,,,

حبك؟ حبك ده أوصفه بس أزاي, طب بصلي بعيونك الحنونه, وأنا هعرف أوصف من نظرتك حاجة بسيطة,
يا نبع الحنان,,

حبك, آآآآه يا حبيبي, حبك ده جوهرة بتعكس اللمعة لعنيا, حبك ده قيمته أكبر من أي شئ
فى الكون, عيونك.. ايوه عيونك ديه, بحر مليان امواج بتتقلب وبشوف فيها ميلادك مجدك قيامتك ألوهيتك, بس مبخافش أركز فى الامواج لاني امواجك أنت منقذة, امواجك مـُنجية, امواجك فيها الحماية والخلاص الابدي, بس تصدق أنا عايزاه أغرق, ايوه.. يا يسوع أغرق أغرق فيك فى محبتك فى حضــــــنكـ فى تعاليمك فى حياتك يا كامل فى كل شئ ياللي حبيت تحس بيا وباولادك دول وأخدت شكل البشري تجسدت فى شكل لا يليق بعظمتك وبمجدك القدوس, لكن أنت بجد تتحب عشان وصلت محبتك انك تعمل كده,,

حبك... حبك.. حبك ده هو اللي بيعيشني, بيخلني أشوف أمل فى بكره, حبك مش كلام حبك كيان بيسكني مع أني بيت مهجور مكسور من كتر الخطايا بس هو سكني عشان يبني فيا يصلحني يحطلي اساسات من جوايا صلبة ويقويني ضد زلزل الشر والخطايا والشيطان ويحفظني من أي شئ سيئ, عشان مينفعش يكون جوايا شئ سيئ وأنت الكامل الطاهر جوايا,,

كلام جوايا مليني لكن مش عارفه أتكلم ولا أوصف يا يسوع,, بس أنت شايل قلبي فى إيديك وشايفة بينبض أزاي بس ليك,,, أنا بجد بحبك أوي يا رب.