+
كتير بنقابل تغيير في مشاعرنا .. تغيير ما بين فوق شوية وتحت شوية في علاقاتنا
علشان كده محتاجين اننا ..
نتعلم ازاي يكون كل حد فينا شخصية مستقرة .. تفكير ثابت .. مش متردد ..
نتعلم ازاي نصمم ونجاهد اننا نعمل اللي اتكلمنا بيه واللي اتعلمناه من كتابنا المقدس .. أو في حياتنا العملية ..
لو سمحنا لمشاعرنا انها تتحكم فينا معظم اوقاتنا .. هيكون ده من الصعب وجايز من المستحيل اننا نكون الشخصيات اللي بنتمنى تكون جوانا ونعيشها
وجايز من الصعب اتخلص من تأثير مشاعري عليا ..
لكن ده ميمنعش اني احاول اتعلم ازاي انا اللي اتحكم فيها ومسيبهاش تسيطر عليا
للأسف لو سيطرت المشاعر على حياتنا .. ده هيخلي حياتنا مفيهاش اي شيء جميل
علشان المشاعر بتتغير باستمرار ..
حسب المكان اللي احنا فيه احيانا
وحسب الجو اللي احنا عايشينه
او حسب الناس اللي معانا والمواضيع اللي بنتكلم فيها
المشاعر اوقات بتكون صح لكن ده ميمنعش انها بتتغير جوانا
زي مثلا لو كنت موجود وسط ناس .. ويجيلك احساس انهم بيتكلموا عنك
بالرغم من أن ده مش صح ..
أو احيانا تحس ان مفيش حد فاهمك ..
لكن الحقيقة غير كده
او ان الناس بتفهمك غلط .. أو ان ناس معينة مش مقدرين مجهودك وأعمالك
جايز تكون المشاعر دي حقيقية واحتمال كبير برضه متكونش حقيقية
علشان كده لو عايزين نكون ناضجين في تفكيرنا ونعيش علاقات كويسة
لازم منستسلمش لمشاعرنا بالكامل او نمشي حسب احساسنا
طب ازاي نعرف ونميز ان كنا ماشيين حسب مشاعرنا وعواطفنا ؟؟؟
بــ ينصحنا يعقوب الرسول :
- اذا يا اخوتي الاحباء ليكن كل انسان مسرعا في الاستماع مبطئا في التكلم مبطئا في الغضب
- واما الصبر فليكن له عمل تام لكي تكونوا تامّين وكاملين غير ناقصين في شيء
ويعلمنا لوقا البشير :
والذي في الارض الجيدة هو الذين يسمعون الكلمة فيحفظونها في قلب جيد صالح ويثمرون بالصبر
ويصلي لأجلنا بولس الرسول :
وليعطكم اله الصبر والتعزية ان تهتموا اهتماما واحدا فيما بينكم بحسب المسيح يسوع
أقوال وتعاليم كتير في كتابنا المقدس
ومن خلال الآيات اللي فاتت دي
نلاحظ اننا لازم نتعلم الصبر .. التآني
علشان المشاعر من سماتها انها بــ تلح علينا .. فيها تهور وسرعة لفعل الاشياء .. واتخاذ القرارات بسرعة من غير مشورة او تفكير
لكن تعاليم ربنا لينا تنصحنا بالصبر .. علشان الامور توضح قدامنا
ومن خلالها نعرف التوقيت الصح اللي نعمل فيه امر معين
من الصح والحكمة ان تكون قرارتنا مبنية على اللي نعرفه مش اللي حاسين بيه
لتوضيح كلامي أكتر .. دي قصة واقعية .. أثرت فيا انا شخصيا
ذات مرة ادخرت مبلغاً من المال لكي اشترى ساعة يد جيدة وكنت أرغب فى شراء ساعة جميلة
لا تصدأ حتى لا يتغير لون حزامها و يترك أثرا على معصمي.
وفى ذات يوم بينما أنا وزوجي نتجول فى مركز تجارى، توقفنا أمام محل للمجوهرات ووجدت ساعة يد غاية في الجمال.
وفيما نحن نتفحصها اكتشفنا أنها مطلية بطبقة من الذهب وقد يتغير لونها بعد وقت، ولكنها بدت كتلك التي ابحث عنها تماما
وكانت مناسبة جدا على يدي، بل عرض البائع أيضا أن يخفض سعرها.
كانت مشاعري تقول "هذه هي الساعة التي أريدها". ولكن زوجي قال
"حسنا، ولكن هل تعلمين، إنها مطلية بالذهب، وسيتغير لونها بعد وقت" .
فقلت "أنا اعلم، ولكنها تماما ما أريد. فماذا افعل؟" فأجابني .. "انه مالك الخاص"
فقلت له "سأقول لك ما سأفعله" فتوجهت للبائع وقلـت له "أريدك أن تحتفظ بهذه الساعة لوقت قليل
إلى أن أتجول فى المركز وإذا عدت بعد ساعة فسوف أشتريها منك."
وفي أثناء تجولنا في المركز التجاري مررنا أمام محل للملابس، ولما كنت بحاجة إلى طاقم جديد، دخلنا المحل وجدت بذلة أنيقة جداً.
وعندما جربتها بدت مناسبة علي وأعجبتني كثيراً. قال لي زوجي "إنها أنيقة جدا، يجب أن تأخذينها".
وعندما نظرت الى سعرها وجدتها غالية الثمن، نعم كانت أنيقة، وكنت أريد شرائها.
ولكن الحقيقة هي أني كنت أريد ثلاثة أشياء في نفس الوقت؛ كنت أريد الساعة، والبذلة ولكني كنت أريد أيضاً أن لا انفق كل ما ادخرته.
الساعة لم تكن بمستوى الجودة التي كنت ارغب فيه، بالإضافة إلى أنى كنت سأضع فيها كل ما ادخرته.
والبذلة كانت أنيقة حقا ولكنها ستستنفذ جزء كبير من المبلغ.
لكن أفضل قرار هو أن احتفظ بالمال وانتظر الى أن أتيقن من الشيء الذي أريده أكثر.
هي دي الحقيقة
إن أفضل الاختيارات هو الاختيار اللي متكونش متشككك فيه.
لو كان فيه قرار صعب .. استنى لحد ما تاخد مشورة ربنا وتعرف اجابة واضحة قبل اي خطوة تمشيها علشان متندمش بعدين
المشاعر حاجة جميلة .. لكن الحكمة والصبر والمعرفة أجمل وأجمل
اتعلم ازاي تقود مشاعرك ومتخليهاش هي اللي تسيطر عليك.
من أجل حياة أفضل
+
أذكروني في صلواتكم
اعلى كل موضوع بالمنتدى
موضوع: يشفي الأعماق 1 
السبت 13 سبتمبر 2008, 9:22 pm
